رأيي المتواضع في السوق.....

[ناصر]

ذكرت من قبل اني خريج سنة 2004 شهر ستة..........يعني تعلقت السنة اللي طافت مثل اللي تعلقوا السنة هذي وتعلمت الدرس

اعتقد ان السوق جاي على فترة تذبذب وثم استقرار لمدة 4-6 اسابيع ...
......هذي الفترة كفيلة بتغير انطباع المستثمرين والمضاربين باستعادة الثقة في سوقنا

ولا ننسى ان اذا صار استقرار والاسعار صارت مغرية للشراء ونزلت التقارير النصف سنوية مع نتايجها الجيدة.....

..هذا بيشجع لدخول السيولة مرة اخرى للسوق وبالتالي ارتفاع الاسعار

وتذكروا ان السنة ما في اكتتابات قوية تشجع المستثمرين على الاحتفاظ بالسيولة في البنوك لمدة طويلة

..عشان جذي اعتقد انهم بيدخلونها في السوق مرة ثانية


كل هذا يعطيني انطباع انه بتصير ارتفعات جيدة في شهر 8 و9

خصوصا الشركات القيادية وعلى رأسها الصناعات

[ابوعلي اليافعي]

الاسعار مغريه جدا للشراء..

والتجميع واضح في كثير من الاسهم على نار بارده خاصه الاسهم القياديه..

واكثر من اشتروا من المواطنين كانت الاسعار مرتفعه فالمفترض ان يقل العرض مع الوقت..

والنتائج النصف سنويه يتوقع لها ان تكون قويه كما كانت النتائج الربعيه..

هذه الاسباب توئيد رائيك اخوي ناصر في ان السوق مقدم على مرحله جديده من الانتعاش والارتفاعات..يعطيك العافيه..

[سوبرمان]

الله يعطيك العافيه

[ناصر]

مشكور اخوي بو علي,

اعتقد ان اللي يجمع هذي الايام هم صغار المستثمرين والمضاربين اللي طلعوا في الوقت المناسب.....

لكن الجهات الاستثمارية والكبار مأجلين دخولهم لين يستقر السوق وتتضح نتايج الشركات..

وتسلم على متابعتك