ما شاءالله عليك طلعت مصور ^_^
متابعه
|
ما شاءالله عليك طلعت مصور ^_^
متابعه
تقرير رائع ......
ننتظر المزيد من الصور ....والانطباعات
صبحكم الله بالخير
رجعنالكم ياحلوين بتكمله للتقرير ولازلنا في اجواء شارع الرامبلا وهذي معلومه توني
اقراها عن هالشارع وأروع معلومة عن مسمى هذا الشارع أن أصل الكلمة يعود من كلمة
عربيه وهي (رملة) فلو تلاحظون هو يكتب بهذه الصورة La Rambla
ولو قمنا بحذف حرف b .... لأصبحت الكلمة Ramla .......
وقد سمي شارع رملة بهذا الأسم لما كان عليه سابقا فقد كان أرض رملية تم
رصفه وتشجيره في وقت ٍ لاحق ومثل ماهو واضح امامكم فالصور اللي نقلتها لكم
وقد أصبح حالياً أكثر أفينيو أزدحاما بالسواح في برشلونة ...
ونقلت لكم هالصورة من قوقل توضح لكم شارع الرامبلا من بدايته لين نهايته ومثل
ماقلت لكم يبتدي من ساحه كاتالونيا وينتهي عند تمثال كولومبس وواضح التمثل في
نهايه الصورة امامكم
وثاني يوم من الصباح الباكر ومن عادتي مانام كثير اذا مسافر
المهم قمنا الصبح بدري وقعدت اللي معاي طبعا مزعج انا اذا شبعان نوم
ومن الدريشه لقطت لكم هالمنظر
يالله صباح خير غسل وجهك قبل خخخخخخ
ونزلنا على طول بعد ماسندرتهم
والصراحه منظر رايق كان لهداوه الشارع لانه تقريبا طول الليل مزدحم
وآخر الليل فالساعات الاخيره يهدي
وبعد الكوفي احلى ريلاكس
واحلى دواره فالدواعيس
ياعيني ع الروقان بس
واثناء التمشايه فالشوارع المتفرعه من الرامبلا مرينا على هالمبنى
اعتقد كنيسه قديمه
وهالمبنى الصراحه عجبتني طريقه لوحته
لوحته برسم (ذكروني بأيام الاعداديه يوم نشخبط ع الطوفه
بس فن الصراحه , مادري محل وشو بالضبط
اثناء التمشايه مرينا على حي اسمه الحي القوطي The Gothic Quarter
وضروري للي يزور برشلونه انه يمر هالحي ويتأمل في التصاميم للمباني
وراح يرجع 400 سنه للوراء من أقدم الأحياء في برشلونة من خلال جولة
في هذا الحي تستطيع التعرف على تاريخ برشلونة القديم ويوجد فيه مباني
من القرن العاشر الميلادي
واثناء التمشايه مرينا على محل ملابس برشلونيه وماقدرت امسك نفسي الصراحه
دخلته وصورت تيشيرت عليه توقيع الاسطورة ليونيل ميسي 10
وخلكم معانا للتقرير بقيه
وبعد التمشايه الرايقه في الحي القوطي المتفرع من شارع الرامبلا
رجعنا مره ثانيه للرامبلا لان للحين ماخلصنا حتى نص هالشارع ,,
وفي نص ممشي الرامبلا مرينا على سوق للخضار والفواكه واللحوم
السوق المركزي مالهم
واسم هالسوق(marcat La Boqueria) سوق لابوكوريا
يعتبر أقدم أسواق الخضار والفاكهة واللحوم في برشلونة
الفواكه فرش
عصاير بكل النكهات
واحلى فروت سلت
هاي محل خاص للبيض ,, خوش محل
التقرير يتبع
.
متابع
وبعدها زرنا لكنيسه Sagrada Família سقرادا فاميليا وهي تعتبر واحده من اكبر الكنايس
فالعالم وهى الكاتدرائية التى شرع ببنائها المهندس الكاتلونى المعروف غاودي وتوفى قبل
اكمالها وشرعت الدولة تكمل البناء على حسب تصميمه ، والمعروف عنه أنه لا يصمم
خط مستقيم بل يعشق المنحنيات .. وللآن لم يكتمل البناء !! ولذلك ذهبت مثلا ببرشلونة ..
لمن تأخر بعمل شىء ما فيقال له : لماذا تأخرت هل تبنى سقرادا فاميليا ....!!!!
وهى تشهد إقبال عجيب من السياح وتعتبر من اهم معالم برشلونه
ورحنا لها عن طريق الميترو من محطه كتالونيا catalunya المسار الازرق L6
لين محطه بأسم الكنيسه Sagrada Família المسار الازرق
وهذه صورلها
تصميم خرافي
ونقلناقكم للداخل
تصميم يدوخ اثناء التأمل
وطلعنا للحديقه اللي مقابل للكنيسه
وماراح نباعد عن تصاميم المصمم الشهير غاودي
هذا مبنى يتكون من خمس طوابق من تصميم المصمم نفسه ويقولون الموظفين اللي
هناك ان المنزل صممه المصمم لعائله غنيه قبل اكثر من 100 سنه
وموقع هالمبنى في شارع الماركات والشارع هذا يبتدي من ساحه كاتلونيا
وشارع الرامبلا ينتهي عند الساحه نفسها وفيه تقرير قادم مختص لشارع
الماركات راح انقلكم له في نهايه الرحله
واترككم مع صور المنزل اللي صممه غاودي
وميزة هالمنزل ان مافيه زوايا نهائيا
صورة من الخارج للمنزل
حسيت انه منزل اشباح
وفوق السطح حديقه .. صدق او لا تصدق
تصميم الدرايش عجيب غريب
حسيت انه بيت اشباح صج
من فوق السطح طلينا على شارع الماركات واذكركم انه هالشارع له تقرير مفصل
في نهايه الرحله لان اخر يوم كان مخصص للتسوق في هالشارع
وبعدا الجولة فالبيت والتأمل في تصميمه من الداخل نزلنا عن طريق الاصانصير
والغريب ان الاصانصير حتى ستايله قديم
شكله يشتغل يدوي زين ماوقف خخخخخخخ
وهذا بيت ثاني في نفس الشارع ( شارع الماركات) بنفس الفكره للمصمم نفسه (غاودي)
واكتفيت بأخذ صوره له من برع فقط
والتقرير يتبع
كبتشينو تايم وراجع لكم
باك عقب الكبتشينو اللي عدل مزاجي
الاحظ اني دوم اكرر لكم ساحه كتالونيا ,, اللي هي تعتبر قلب برشلونه النابض
يعني سنتر المدينه , هي نفسها اللي يتفرع منها شارع الرامبلا وشارع الماركات
الحين بريحكم وراح انقلكم لها واترككم مع الصور
لو هالحمام عندنا كان مثورين فيه خخخخخخخخ
وهذا مجمع الكورت انغليش مطل على ساحه كاتلونيا
وهو يعتبر بدايه شارع الماركات
والمجمع روووعه حق التشري والتسوق وخصوصا سوالف الحريم شنط وعطورات وغيره
ورحنا لمطعم قريب من الساحه لانها حزت غداء
متى يذبحك الجوع ,, يوم تنتظر الطلب يوصل
واخيرا وصل ,, هجووووووووووم يامرقريتا
التقرير يتبع
.
وينهم اللي يتابعون
ابي اشوفهم
تقرير جميل وممتع الصراحة وفي انتظار باقي التقرير
لكن عندي ملاحظة بسيطة على هالصورة ..
لاحظوا اسم الفراولة عندهم
Fraoola
ضوابط المشاركة
رد مع اقتباس
