من فيكم مسوي عملية لحمية الانف بنج كامل؟

[بو الجوري]

أنا إختي سويت العمليـه من سنتين تقريباً :..

بنج كامل ، عند الدكتور عبدالعزيز الجفيري ، سواهـا لي في مستشفى العمادي

رحت الصبح المستشفى ، وسواها لي تقريبا الساعـه 10 الصبح

بعد العمليـه وعيت وأنا عالسرير في طريقي للغرفـه

و الأمور طيبه كانت الحمدلله ،،

ثاني يوم الظـهر طلعت ،، طبعاً مـر علي الدكتور و تأكد إن الأمور طيبه


طبعاً هـم ماراح يسوون لج بنج كامل إلا بعد مايكشف عليج دكتور البنـج
ويتأكد إن أمورج تمام ،، لاتحاتين إختي و ماعليج شـر

[حراير قطر]

سويت لولدي عملية لحميه بنج كامل

من 2008 والحمدلله اموره طيبه

عند دكتور عبدالعزيز الجفيري ...

[شمس المغيب]

مرحبا

ماتشوفين شر إن شاء الله

ولدي سوا العمليه عند عبدالعزيز الجفيري في مستشفى رميله
والحمد لله أموره طيبه
الدكتور قالي بسويها له في العمادي على التأمين بس أنا رفضت
خفت من البنج عندهم
إستخيري وتوكلي على الله

[™كاسـبر™]

توكلي على الله وسويها ماعليه خوف البنج كامل افضلج واحسن لج انج ماتحسين بأي الاااام

انا سويتها من 6 شهور عند د.عبدالعزيز الجفيري عن طريق التأمين الصحي في مستشفى العمادي

وترقدت يوم والحمدلله ماكانت فيه اي اعراض او شي مضايقني ماعدا الفتيلة مضايقتني بالتنفس لين ماشلوها لي ثاني يوم الصباح

وراجعت الدكتور مرتين كل اسبوع بس يتطمن والحمدلله كل شي سلييم

وماعليج شر ان شالله

[كود نمبر]

انا مسويها 4 مرات مره بنج موضعي عند لبدكتور تومس وثلاث مرات بنج كامل
في حمد ومصر والهند وامور العمليه طيبه وعاديه بس ترجع بعد فتره من الزمن على حسب الحميه عند المريض

[فيصـــل]

انا سويتها من ثلاث اسابيع تقريبا عند الدكتور احمد سليمان في مستشفى العمادي

سوالي عملية اللحميه والجيوب الانفية والحاجز الانفي .. وبنج كامل

والحمدلله للحين الامور طيبه اللهم لك الحمد والمنه والدكتور فنان الشهاده لله

وميزة البنج الكامل انه من يخدرونج ماتحسين بنفسج الا وانتي فالغرفه والعمليه اخلصت

لكن عيبه متعب خاصه اول يوم لكن بعدها الامور طيبه

[فراشة ناعمة]

أشكركم من كل أعماق قلبي على المساعدة ،،

استفدت من مشاركاتكم واااايد،،

خايفة من البنج الكامل وغرفة العمليات شي يخووف وااايد بس هم احس ان عقب العملية بتعب وايد،، يعني اخاف من هالسوالف،،

انا من الاساس اتابع عند دكتور الجفيري وهو اللي خبرني اني لازم اسوي العملية،، وانا بصراحة ماودي اسويها في المستشفيات الخاصة اخاف من العمليات بنج كامل عندهم مااثق ابدااا،، ومستشفيات حمد ولا رميلة سمعت ان مواعيد العمليات جدا بعيدة يعني تصبر اكثر من سنة لين يي دورك،،

بس ودي من اللي قال انه مسوي العملية بالبنج الكامل يعطيني التفاصيل جزاكم الله خير،،

ابي اعرف شنهي الاسباب اللي خلتكم تسوون هالعملية؟؟

شنهي الاعراض اللي كانت فيكم؟؟

ومن متى مسووين هالعملية؟؟ وماردت لكم المشكلة مرة ثانية؟؟

[بو الجوري]

مثل ماقلت قبل ،، لاتحاتين


و الدكتور الجفيري ممتاز ، و ماراح يبنجونـج كامل إلا عقب مايشوفـج دكتور التخدير :..

أنا كنت دايما أزكـم ولو ماكنت مزكـم يكون عندي Runny Nose الصبح ساعتين 3 وعقب عادي :..

يوم كشف عليّ قالي عندك إنحراف فالغضروف فاليمين ، و لحميه صغيره فاليسار

وسويت العمليه فالعمادي و مثل ماقلت قبل ثاني يوم طلعت :..
والحمدلله بعد البنج أموري طيبه كانت ، لا رجـّعت ولا هلوست

وخذت إجازه مرضيه إسبوعين و الحمدلله أحسـن من قبل بواااايد

[فراشة ناعمة]

مثل ماقلت قبل ،، لاتحاتين


و الدكتور الجفيري ممتاز ، و ماراح يبنجونـج كامل إلا عقب مايشوفـج دكتور التخدير :..

أنا كنت دايما أزكـم ولو ماكنت مزكـم يكون عندي runny nose الصبح ساعتين 3 وعقب عادي :..

يوم كشف عليّ قالي عندك إنحراف فالغضروف فاليمين ، و لحميه صغيره فاليسار

وسويت العمليه فالعمادي و مثل ماقلت قبل ثاني يوم طلعت :..
والحمدلله بعد البنج أموري طيبه كانت ، لا رجـّعت ولا هلوست

وخذت إجازه مرضيه إسبوعين و الحمدلله أحسـن من قبل بواااايد

تسلم يالطيب على المساعدة،،

انا سبق وسويت عملية اللوز يعني مب اول مرة لي ادش العمليات ويسوون لي بنج كامل،، بس مستصعبة الموضوع لأني تقريبا مثلك عندي انحراف وسبق وسويت عملية اللحمية بالكي عنده بالعيادة،، بس ردت لي الحالة مرة ثانية والدكتور قالي مالج الا العملية خاصة اني ماخلت بخاخ والا دواء الا واستخدمته ومافادني بشي،، وصرت كل فترة امرض كللللش مو مرتاحة،،

ولأن بعد الوالد الله يحفظه مشكلته اكبر من مشكلتي ووايد قالوا له لاتسويها لأنها مابتفيدك الا بتعبك بزود،، عشان جي مو متشجعة،،

مشكور ،، جزاك الله خير،، خلتوني افكر في الموضوع بشكل جدي اكثر،،

[فراشة ناعمة]

أخوي بو الجوري الله يحفظك،، كم كلفتك العملية في العمادي؟

وماحسيت بخوف انك تسويها في الخاص؟