ما عليكـم شر إن شاء الله ،، و إستخيري دامج متردده :..
دام سويتي اللوز ، الحين دورج تفيديني :..
ليش سويتيهـا ، شنو كان فيـج :..
انا عندي مشكله ، إني إذا مرضت ، أتم إسبوعين على الأقل لين ماطيب
كحه وزكام وعقب كحه ناشفه وعقب مادري شنو
مع إني آخذ أول ما أمرض أدويه و مضادات حيويه :.. لكن بدون فايده ، لازم إسبوعين عالأقل أتم مريض
فبغيت أعرف ليش شلتي اللوز !
مشاركاتي في المنتدى لا تعبر إلا عن رأيي الشخصي :..
اختي توكلي على الله وسويها
انا سويتها وبيصيرلي سنه مسويها عند الدكتور عبدالعزيز الانصاري اعتقد في مستشفى الرميله مع دكتور مصري كان زائر للبلد
الاعراض الي كانت عندي ( انحراف بالحاجز الانفي وجيوب انفيه و لحميات و انتفاخات بالقرنيات الانفيه ) بنجوني بنج كامل العمليه خذت ساعتين ونص والعمليه ما تخوف بس الي صار معاي البنج يوم رحت الحمام الله يكرمج ويكرم الجميع جاتني دوخه وكنت بطيح يعني يوم بتروحين الحمام بعد العمليه لازم يدش احد معاج لانه بتحسين بدوخه وبعدين بيشيلون لج الفتيله ثاني يوم واصعب شي يوم شالو لي الفتيله لانه يكون في دم متجلط داخل الخشم ويوم يسحب الفتيله يحك فالجلد من داخل ويحرق بطريقه مب طبيعيه وبس والحمدلله الحين احسن من قبل بوايد توكلي على الله وسويها
وسلامتج ماتشوفين شر اجر وعافيه ان شاء الله
كثرة المضادات ما تنفع كلشالمشاركة الأصلية كتبت بواسطة بو الجوري
ما عليكـم شر إن شاء الله ،، و إستخيري دامج متردده :..
دام سويتي اللوز ، الحين دورج تفيديني :..
ليش سويتيهـا ، شنو كان فيـج :..
انا عندي مشكله ، إني إذا مرضت ، أتم إسبوعين على الأقل لين ماطيب
كحه وزكام وعقب كحه ناشفه وعقب مادري شنو
مع إني آخذ أول ما أمرض أدويه و مضادات حيويه :.. لكن بدون فايده ، لازم إسبوعين عالأقل أتم مريض
فبغيت أعرف ليش شلتي اللوز !
عندي ولدي كل اسبوعين طايح مريض
لين ما سويت له عملية اللوز ولحميه وشفط ماي من الاذن
عنده تضخم بالحنجرة حجمهم مب طبيعي والحمدلله
يوم سويتها له وانا مرتاحه واهو مرتاح من الادوية
يمرض بس قول مرتين الى 3 مرات بالسنه مو نفس قبل...
وحين تغادر روحي للسماء ،،
آكرمني يالله برحمتك وجزيل غفرانك ووسع علي تلك الحفره الضيقه
واغفر لي وارزقني بمن يذكرني بدعائه ..
الشر ماييك،،ما عليكـم شر إن شاء الله ،، و إستخيري دامج متردده :..
دام سويتي اللوز ، الحين دورج تفيديني :..
ليش سويتيهـا ، شنو كان فيـج :..
انا عندي مشكله ، إني إذا مرضت ، أتم إسبوعين على الأقل لين ماطيب
كحه وزكام وعقب كحه ناشفه وعقب مادري شنو
مع إني آخذ أول ما أمرض أدويه و مضادات حيويه :.. لكن بدون فايده ، لازم إسبوعين عالأقل أتم مريض
فبغيت أعرف ليش شلتي اللوز !
بخبرك على التفاصيل
عملية اللوز كانت اول عملية لي بحياتي فمآساتي معاها كانت كبيرة بالنسبة لي،،
انا كنت دووم امرض يعني كل اسبوعين امرض عليهم وترتفع حرارتي ويصيدني احتقان شديد،، يعني تخيل كانت حرارتي 39 او 40 ،، وجسمي كانت مناعته جدا ضعيفة،، وكنت اتغيب عن المدرسة ذيج الايام يومين الى 3 ايام،، وكل مااروح للدكتور يقول للوالد الله يحفظه بنتك اللوز عندها وايد ملتهبة ومرضها دوم بسبب اللوز ولازم تنشال،، بس ايامها كنت صغيرة،، لين وصلت اعدادي واذكر ايامها مرضت مرض كنت تعبااااانة واااايد وكله طايحة في الفراش،، وتميت على هالحال شهر ولما رحت المستشفى الدكتور قال لأهلي لازم عملية وضروري،، واضطريت عقب اسويها،، الخيار ماكان بيدي كان غصب عني،،
سويت العملية ولله الحمد حسيت بتعب وبمكان العملية بس مو ذاك الزود،، وكان كل شي ممنوع عني الا الاشياء الباردة المثلجة،، يعني حياتي حزتها كانت بس مثلجات وممنوع عني الباقي،، يعني فرصة للي يبي ينزل وزنه
بس شوف انا بقولك على شي،، دايما يقولون ان اللي يشيل اللوز حالته مابتغير،، الا بيتعب اكثر ولا بعد بيزيد وزنه،، انا بقولك ليش يقولون هالكلام،،
اول شي بالنسبة ان اللوز ملتهبه ويشيلونها وليش الواحد يرد يمرض مرة ثانية،، السبب في هالشي ان الدكاترة يشوفون ان اللوز وايد مأثرة صحيا على المريض ومتعبته وايد فلما يشوفون ان حالته صارت صعبة ومايقدر يتحملها فيضطرون يشيلونها عشان يرتاح المريض،، لكن في ناس عقب العملية يكون من السهل يلقطون المرض لأن مناعتهم صارت اضعف وفي ناس لا،، وانا ولله الحمد كنت من الناس اللي لا،، كنت امرض من وقت لوقت،، والحمدلله ان التعب اللي يجيني الحين واااايد اخف من قبل عملية اللوز فرق شااسع،، قبل العملية كنت اتم راقدة 3 ايام على السرير لكن الحين لا ،،مريضة وتعبانة لكن امارس حياتي طبيعية،،
اما بالنسبة للي يزيد وزنهم بعد العملية ليش،، لانهم قبل العملية بسبب المرض ماياكلون عدل بسبب الالتهاب والاحتقان لكن عقب العملية مكان اللوز يفضى ويكون سهل للاكل انه يمر والانسان يكون مشتهي الاكل ويتم ياكل وياكل،، بس مب الكل يمتن بعد العملية،، يعني انا هالشي ما أثر علي ولله الحمد،،
لكن الحين للأسف صرت امرض احتقان وزكام وكحة وحالتي حاله بسبب خشمي،، الله المستعان،،
طولت عليك،، بس حبيت اعطيك التفاصيل لعلها تفيدك،، واي سؤال حاضرة،،
ياليت اخوي بوالجوري ترد على سؤالي،،
اللهم لك الحمد كما ينبغي لجلال وجهك وعظيم سلطانك
^
و الله يا حراير إني تعبت
تهقيـن أشوف موضوع اللوز !!
مشاركاتي في المنتدى لا تعبر إلا عن رأيي الشخصي :..
تسلمين إختي فراشه على التفاصيل
و بخصوص سؤالـج :
و الله مادري
و بخصوص التخوّف ، و الله ماجاني خوف ولله الحمد :..
لأني كنت سآئل عن د.الجفيري والكل إمدحـه
فكنت نفسياً مرتاح
مشاركاتي في المنتدى لا تعبر إلا عن رأيي الشخصي :..
سبحان الله ناس وناس
اختي سوت العمليه عند الجفيري ( تعديل الغضروف +لحميه ) في العمادي
بس ماستفادت شي ولا كأنها سوت عمليه
عشان جذي انا كنسلت عمليتي عنده وبشوف دكتور ثاني
اذا لقيتي دكتور غير الجفيري ياريت تعطيني خبر
حالتي حاله
الله يشفيج اختي ..
(( لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ ))
مشكور أخوي بوالجوري،،
أختي مسك،،
انا حصلت تقريبا فوق 95% من الناس يمدحون الجفيري،،
انا ماابي اسوي هالعملية وترد لي الحالة مرة ثانية،،
على العموم انا استشرت وبستخير وبشوف شيصير معاي،،
بس ياليت لو تفيدني ان اشلون اختج مااستفادت،، شالي رد لها مرة ثانية ؟ او ايش صار لها بالضبط قبل وبعد العملية؟
اللهم لك الحمد كما ينبغي لجلال وجهك وعظيم سلطانك
سألت اختي
تقول انها كانت تعاني من ضيق في التنفس وفقدان لحاسة الشم
وبعد العمليه ماتغير شي بالعكس تقول زاد ضيق النفس اكثر وحاسة الشم مارجعت لها
والحين بتشوف دكتور ثاني ..
العمليه كانت : لحميه + جيوب + تعديل غضروف
(( لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ ))
الاسباب اللي خلتني اسويها لاني ومن اصغرتي وانا اعاني من هالمشكلة خشمي دايما ينسد
واذا زكمت يطول معاي الزكام ويتم معاي لين شهر .. وغير هذا كنت اعاني من صداع وبشكل مستمر واللي سببه انسداد الخشم بسبة التهاب الجيوب الانفية وتضخم اللحميه
ومافي علاج ما استخدمته لتخفيفها لامن حبوب وبخاخات .. لكن تخف وترجعلي لين ماوصلت لمرحله ان خلاص البخاخات ماعادت اتفيد
كشفت عند دكتور فالاهلي وقالي العلاج الدايم العمليه قلت طيب بستشير اكثر من دكتور
وخذت موعد عند الدكتور احمد سليمان فالعمادي وقال محتاج اشعه مقطعيه عشان انحدد عملت الاشعه وقعدت يرويني الوضع شلون عن طريق الكمبيوتر وشفت بعيني ان وضعي كان مأساوي وقال انت وضعك محتاج عمليه .. قلت استخير واجيك واستخرت وتوكلت على الله
سويتها يوم السبت تاريخ 7 يناير 2012 والحين اللهم لك الحمد ما اشتكي من شي
بس التعب اول يومين وقالي بعد العمليه انت محتاج اقامة ليلة ..
واي استفسار ثاني انا حاضر
ضوابط المشاركة
رد مع اقتباس