تكفون ابغي رايكم ضروري في مشكلتي افيدوني

[راشد محمد]

الله يعينك
بس تكفى اسم الشركه على الخاص او العام

[almaf1a]

الله يعوضك خير ان شاء الله
الموضوع كله متعلق في الاستشاري
استغرب من بعض الاخوان الي اسألهم من وين جايب استشاريك يقول من مقاولي
ان شاء الله تاخذ حقك من المحكمه وماتطول السالفه

[قطر الشموخ]

اللــــــــــه يجعلها اكبر المصائب يا خوي بالمال ولا بالعيال وربي يكون معك ويصبرك حقيقتا شيئ كتير هذا هذا نسيان ربه ودينه الله يهدينا جميع والله يقويك اخوي الكريم

[وحش الصناعات]

تكفى يا خوي طلبتك طلبتك طلبتك طرشلي رقمه

ابغي ابني عنده (متسببببببب) لا تردني

وابيك تعطيني اسمه وتفاصيله ويااااااااااريت يكون بأسرع وقت لاني على بنيان قريب ان شاء الله ، وبغيته يبنلي شي غير بيتي تكككككككككككككككفى دزلي رقمه عشان ارويه شلون التعامل على اصووووله.

وبصراحه ياجماعه الغلط فينا حنا من الاساس مشكلتنا طيبين ووووووووواجد ولكن مثل ما في ناس تاكلنا حنا نعرف شلون ناكلهم ، وما ابغي اطلول عليكم بس يا خوي لا تنسى.

[قطري واصيل]

ياجماعه الله يعطيكم العافيه من اول رد الييين اخر رد وجزاكم الله خير بس يعلم الله اني ماطرحت مشكلتي الا لهدف واحد علشان اهل ديرتي وخوفي عليهم من هالشركه وهالانسان النصاب المحتال اللي مايخاف الله وماابغي احد يطيح بهالشركه وودي احط اسم الشركه بس للاسف الاداره ماتوافق على الطلب بس اللي يبغي اسم الشركه يراسلني على الخاص للي يبغي يبني بس علشان مايطيحون بهالشركه

[مرحوم قطر]

الله يكون ابعود يا الشيخ


الحين خلاص الفاس طاحة بالراس و انت انكبت


ارسلي رساله بالخاص بالي حصل بالضبط ( يعني بالاخطاء )

و بحاول وياك انشوف حل و ابشر مش مخلينك تتوهق ان شاء الله

[قطري واصيل]

الله يجزاك خير اخوي مرحوم قطر وموب غريبه عليكم ياهل ديرتي وقفتكم والله كريم

[Amer]

السلام عليكم ورحمه الله وبركاته


ياجماعه ياهل قطر ياللي راح تبنون انتبهوا واحذروا من الشركه اللي بنيت عندهم وتعقدت هاي الشركه اللي انا انغشيت فيها بداية اللي حصل وياي كان كلامه زي العسل واحنا ياهل قطر طيبه القلب اهي اللي تخلي هالشركات تستغلنا وتغشنا بدخل بالمموضوع تعاقعدت مع هالشركه ووقعدنا العقد على التشطيب وبعد ما بداء الحفر انصدمت بان الحفر عليه ماقلت شي وحفرت على حسابي وبعدها اجي للموقع وماحصل ولا عامل وعدت المده اللي في العقد تجازت شهرين يعني كان 14 شهر وصار بيتي عظم بدون بلستر وبدون اي تمديدات بس طابوق وخرسانات بس 19 شهر المهم وقلت له ابغي تسوي لي بلستر وتروح وتفكني المهم وانصدمت من المبلغ اللي عطيته على بس عظم وبلستر على اني بشطب مليون وميه الف اي والله المهم الطامه الكبرى انه اكتشفت بان المقاول ماراح للبلديه علشان المنسوب وبنى الفيلا على البركه وقبل لا يبني قال لي وش رايك ارفع لك الفيلا واخليها لك زي القصر مرتفعه كثير وتبين من بعيد غرني بكلامه ووافقت وقال لي بس تدفع لي 30 الف زياده ووافقت على انه يرفعها لي بدايه البنيان وصار اللي بيننا وعقب مادفني اه اه والله صارت الفيلا كانها خندق او سرداب والطامه الكبرى الملحق مارفع الفيلا مع الملحق وصارت كانها جليب وقلت له انت غشيتني ولازم ترفع الملحق على الاقل قال لي انت قلت لي ارفع الفيلا موب الملحق وضعت بكلامه المهم رفعت عليه قضيه واكتشفت بان الشركه من سنه 2005 تاسست بدون عمال يجيب عمال من الشبرا واشتكوا عليه ناس في المحكمه وراح وغير الاسم القديم للشركه اللي قبل وبعد اشتكوا عليه ناس في المحكمه ومن سنتين غير اسم الشركه ثالث مرة بعد وخلها شركة باسم مختلف اكتشفت هاي الشي كله من واحد اعرفه في المحكمه طلع لي بلاويه واسامي اللي اشتكوا عليه وكل تفاصيله وقالي هاي معروف في المحكمه وش له خليته يبني بيتك قلت له اه اه اه طاح الراس بالفاس وقلت لازم اقول لاهل ديرتي يتوخون الحذر من هالانسان

والله العظيم مالي مصلحه الا لحبي لاهل ديرتي ومابيهم يطيحون بالمشاكل انتبوا

قصتك مؤلمة يا أخي .. و ان من طبع العربي الكريم الاخلاق الحلم و ليترافق معه الحذر .. قم بالتعاقد مع مكتب هندسي ليستلم من هذا الافاق .. و لا تدفع المال قبل التقرير النهائي بالاستلام من المكتب.. و اتبع قول الرسول الكريم ( تكاتبوا) اكتب عقودا مع الجميع بشرط جزاء للجودة و شرط جزاء للوقت أيضا .. عسى الله أن يهنئكم ببيتكم الجديد ..
و الله من وراء القصد ..

[قطري واصيل]

اخوي امير مافهمت وشلون يعني مكتب هندسي يستلم الافاق وضح لي اخوي جزاك الله خير

[diver]

ليش اسمه على خاص خلها أخوي على عام عشان محد يتعامل معه ويفكنه من شره.
الله لايبارك فيهم .
تكفي أخوي أكتب اسمه بخط كبير .