تكفون ابغي رايكم ضروري في مشكلتي افيدوني

[قطري واصيل]

والله ودي اكتب اسم بالشركه وبالخط العريض بعد بس الاداره في الموقع موب موافقه للاسف

[buhendi 12]

لحول الله ربي يعينك يالشيخ والله ماتستاهل هاي مشكلتنا احنا هل قطر نثق في كل من هب ودب والمشكله الثانيه الي اشوفها الناس تبني عند اي احد وتلقاه يشتغل على البركه او كان كولي ولا نجار واشتغل في المقاولات لا مهندسين ولا هم يحزنون صج انه ارخص من الشركات المحترمه بس يبهدلك ياخي زيد شوي معلي بس خذ شغل عدل واستلم في المده ولا تتبهدل في المحاكم
والله من فتره رايح مع واحد من الربع حق مقاول هندي يمدح فيه قلت خلنا نشوفه قسم بالله طلع اول عنده محل سلنسرات في سلوى والحين صار مقاول شوف لي وين وصلت السالفه

[يونيك ^ قطر]

الله يصبرك ويعوضك خير
وبصراحه هذا الخوف منه انك تبني او تروح لمقاول وانت كلك ثقة انه بيكون اوكيه بس في الاخير تنصدم في وقت خلاص راح عليك كل شي وكل شي ينتهي بدون لا يتعقب المتسبب في هل الغش وتروح عليك فلوسك وانتظارك لبيت العمر وعليك انك تبتدئ من جد وجديد
بس المشكله الواحد مايقدر يعرف من الصاج ومن الكذاب وبيقعد يفكر شلون يبني بدون ما ينلعب عليه ... بس اخوي المفروض تذكر اسم الشركة والمقاول على شان ماتتكرر المشكلة الي صارت معك أتصير لغيرك والواحد ياخذ حذره من التعامل معه وخاصه الحين عدد اللي يبي يبني كل مره يزيد وبعد على كلامك انه غير اسم الشركة اكثر من مره وهذا يدل على نيته الشينه والمشكلة ان عنده ملفات ومعروف في المحاكم ومع ذالك امورة طيبة يعني محد وقفه عند حده بس الواحد شيقول الله حسبي يالله ونعم الوكيل ..... *

[naif3]

الله يعينك انشالله

[روح الاطلس]

شنو اسم الشركة

[qtr-1st]

اسم الشركة ماعليك أمر لأني ابني

[lacigale]

"الله المستعان .. الله يعوضك خير"

[بونـ ايف]

الله يعوض عليك وهذول نااس ما يخافون الله

[راشد محمد]

حط اسم الشركة

[قطري واصيل]

تسمحلي الاداره اناحط اسم الشركه اللي افيد اهل ديرتي بالابتعاد عنها وهاي اللي فايده للكل وفايده للى يبون يبنون ويعلم الله اني مابغي احد من اهل ديرتي يطيح باللي طحت فيه انا واحتمال يكون احد فيكم يبني عنده واهو مايدري او وقع معاه وهو مايدري اناوي يوقع وياه انا بحط اسم الشركه وتسمحلي الادراة وهاي لحبي لاهل ديرتي وحرصي على مخافه الله


اسم الشركه ضياء الخليج للمقاولات مكانهم فريج بن محمود