تمنعون الصلاة وتقدمون الخمر !!!!!!!

[وطن]

بالذمة هذا عذر


يعني المسافر اللي يشرب هالمنكرات مب خطر على الطيارة والمسافرين اكثر المطبات الهوائية

هذي اعذارهم اختي

شنسوي

اختي وطن

نفس الي صار وياي كنت اصلي عند باب الطياره بس اذا على كلامج تغير النظام ف بكل صراحه

بقولج ما علي منهم و الي فيه خير يمنعني ان دخل وقت الصلاه على و انا في الطياره بصلي

بسوي نفسي غشيم و بكمل صلاتي و لا بهتم بكلام اي واحد من طاقم الطياره

للأسف تغير النظام

[ماجد البدر]

وانا جاي من تايلند برحلة علاج كان غالب الي راجعني استراليين شكلهم ماعطينهم خصومات على كيف كيفك

المشكله مش هنيه المشكله في الخمر الي يعطونه الناس ببلاش حتى الاشباع بدون حساب كل مرة يطلبون ويعطونهم و الخمر من النوع الي خلي الواحد مايقعد يهذرون فوق راسي لين ما طلبت بندول وماء ساعة لي يابو لي بندول وساعة لين يابو ماء في كاس صغير بس لو طالب خمر كان مايقصرون معاي و العياذ بالله طلبت ماي مره ثانيه هاين عليهم يحذفوني من الدريشة وصارت هوشه كبيره بيني وبين المضيف و السكارى وخيت واحد منهم ولفيت و الي كان سكران طارت سكرته
اخبر ممنوع الوقوف في الممرات ولكن هذيلا طاخينها سوالف على راسي واقفين وكل واحد كاسته في يده عسا ماشر انا شفت في الطيارة الي ما شفته في بانكوك طول مدة سفري
حسبي الله ونعم الوكيل

[al-buainain]

البارحه انا راد من السفر على طيران الخليج <------------- مقاطع

المهم شفت منظر واقسم بالله اني ارتحت راحه نفسية ما بعدها راحة

الكابتن كان يصلي قبل الاقلاع لانه كان موعد صلاة العشاء

[ابوالكلام]

قاطعوها

[موضي قطر]

قاطعوها

تهمتك جاهزة



ماعندك حس وطني

[أحاول]

امي تفرش سجادتها عند المطبخ تصلي ولا تشاور حد

سبحان الله بمطار هثروا حتى السجاده متوفره يوم طلبت امي للصلاه

فعلا تعجبت يوم طلبت مكان اصلي فية جابوا السجادة وحددوا المكان للصلاة في مطارهيثرو

[عندليب قطر]

اهم شي سلامتك يالغالي الحمدالله عالسلامه

[الخزرجي قطر]

لاحول ولا قوة الا بالله العلي العظيم
كان صليت في مكان مناسب بالطياره بدون ماتشاورهم

[fahad123]

انا ف 7/1/2012
راد انا وربعي من لندن دخل علينا الصلاة وقمنا توضينا وفرشنا السجاد نبي نصلي
منعونا وبالقوة بعد لان قالو ترا اذا خالفتو القوانين راح تعرضون انفسكم اذا وصلنا الدوحه الي السجن ومادري شنو

والله صلينا ف الكراسي وعسى ربي يتقبلها
ومو اول مره لان احنا طلاب ونسافر ع القطرية مضطرين لان اغلب الاجازات تكون قصيرة
ومانبي نتلته ف المطارات ونرد ع القطريه
فاللي يقول انهم مايمنعون غلطان لان ف حالة الطيران يمنعون منعا بااااتااا وبقووة بعد
بس اذا الطيارة للحين ف المدرج تقدر تصلي ومحد يقولك شي

[بـن عدوان]

وانا جاي من تايلند برحلة علاج كان غالب الي راجعني استراليين شكلهم ماعطينهم خصومات على كيف كيفك

المشكله مش هنيه المشكله في الخمر الي يعطونه الناس ببلاش حتى الاشباع بدون حساب كل مرة يطلبون ويعطونهم و الخمر من النوع الي خلي الواحد مايقعد يهذرون فوق راسي لين ما طلبت بندول وماء ساعة لي يابو لي بندول وساعة لين يابو ماء في كاس صغير بس لو طالب خمر كان مايقصرون معاي و العياذ بالله طلبت ماي مره ثانيه هاين عليهم يحذفوني من الدريشة وصارت هوشه كبيره بيني وبين المضيف و السكارى وخيت واحد منهم ولفيت و الي كان سكران طارت سكرته
اخبر ممنوع الوقوف في الممرات ولكن هذيلا طاخينها سوالف على راسي واقفين وكل واحد كاسته في يده عسا ماشر انا شفت في الطيارة الي ما شفته في بانكوك طول مدة سفري
حسبي الله ونعم الوكيل

قهر والله

راكب طيارة قطرية وتحس انك اجنبي فيها !!