هل يوجد فحص الدي ان أية في قطر

[شويهينــه]

شجعتوني اني اسوي لكم موضوع عن الوراثه وفحوصات ال dna

[البدع]

اخوي البدع

الفحوصات اللي نسويها في مؤسسة حمد الطبيه تكون للامراض الوراثيه فقط والهدف منها هو تشخيصي فقط لا غير

اما فحوصات النسب وتحديد النسل فهذي مانسويها ولايوجد مختبر لا في قطر ولافي الخليج يقوم بهذي الفحوصات

نعم توجد شركات عالميه تسويها بس مثل ماقال اخوي خلدون تكون مكلفه جدا جدا

ومن خلال تصفحي لبعض المواقع على شبكة الانترنت لقيت ان فيه بعض القبائل يسوون هالفحوصات

وممكن يتم تحديد النسل من خلال فحوصات الdna

اتمنى اني قدرت اجاوب على اسالتك

اخوي اللي انا متأكد منه انه هو الفحص الاكيد و النهائي للبت في ابوة اي احد لانه بيشوف الشيفرة الوراثية للوالدين و مدى انطباقها على المولود و لازم تتحقق في بعض الكروموسومات عند الوالدين و الابن ....و مستحيل ما تتحقق في اي كرموسوم و الا ما يكون هذا المولد تابع لاحد الوالدين

يعني لو انا مب غلطان في 32 كرموسوم عند الانسان فمعقول انه ما يتحقق ولا واحد منها مع الوالد و الوالده؟!!!..مستحيل طبعا و الا بيكون تابع لواحد منهم او ولا احد فيهم

يعطيكم العافية

وفعلا هي شركة امريكية الي تقوم بهذا العمل

واتسائل عن مصداقيتها

وشكرا

[كازانوفا]

يعطيكم العافية

وفعلا هي شركة امريكية الي تقوم بهذا العمل

واتسائل عن مصداقيتها

وشكرا

هنااااااااااااا الخوف يا البدع
دام اسم امريكا دخل بالموضوع عز الله ما نفلح

[فريج النجادة]

موضوع حلو ومثري وحصلت اجابات كانت تدور في راسي عن مكان فحص الدي ان ايه

ولكن الى الاخت شويهينه,

الي سمعته, ان في اقبال غير طبيعي على فحص الدي ان ايه هذي الايام من قبل كثير من الناس في الخليج عشان يعرف اصله وفصله ... بسبب فوبيا الاصل والفصل هذي الايام

وان هناك شركات تقدر تخبرك عن اصلك وجدك بالدي ان ايه

فما صحت هذا الكلام

يقولون في دولة الكويت يوجد شركة لتحديد الانساب ( القبيلة)

هل مؤسسة حمد عندهم نفس الخدمة

[khaldoon]

اخوي اللي انا متأكد منه انه هو الفحص الاكيد و النهائي للبت في ابوة اي احد لانه بيشوف الشيفرة الوراثية للوالدين و مدى انطباقها على المولود و لازم تتحقق في بعض الكروموسومات عند الوالدين و الابن ....و مستحيل ما تتحقق في اي كرموسوم و الا ما يكون هذا المولد تابع لاحد الوالدين

يعني لو انا مب غلطان في 32 كرموسوم عند الانسان فمعقول انه ما يتحقق ولا واحد منها مع الوالد و الوالده؟!!!..مستحيل طبعا و الا بيكون تابع لواحد منهم او ولا احد فيهم

الحين اتصل علي صديق عزيز و غالي من المنتدى و صلح لي معلوماتي و انه العدد هو 23 كرموسوم و ليس 32 و القرد يزيد عن الانسان و عنده 24 كرموسوم

لزم التوضيح و التنويه

[تحداني]

اختي تحداني الزمن انا اشتغل في مؤسسة حمد ولي علاقه بالكلام اللي اقوله ومتأكده منه 100/100

فحوصات ماقبل الزواج اتم في مؤسسة حمد ومجانا للجميع

ومثل ماقلتي مب من المنطقي انها تنرسل لامريكا

وبخصوص اسالتج:
وهل الــdna هو من ضمن فحصوات ما قبل الزواج ؟؟

نعم فيه فحوصات DNA للمقبلين عالزواج

في ناس يقولون انها في المراكز الصحيه .. وهنا اتقولون ان في مؤسسه حمد
هو في وين يتم الفحص في الاساس؟؟

عدل كلامج عيادات المقبلين عالزواج تكون في المراكز الصحيه ويتم سحب عينات الدم هناك ويرسلونها لمختبرات حمد

عشان جذي سألتج لاني عارفه انج تشتغلين في مستشفى حمد فكلامج راح يكون 100%
شكرا على الرد .. وعلى التعقيب ..

خليني انتقل بعد اذنج لسؤال ثاني
هل يعني بهذا الفحص " اي ما قبل الزواج " تريدون فقط ان تصلوا للامراض الوراثيه ؟؟
ولا ايضا من باب الاطمئنان ايضا على ان الزوج والزوجه غير حاملي لاحد الامراض المعديه والخطيره ؟؟


اعتقد تغليبه كانت تقصد بفحص الــdna الي يتم في امريكا هو لمعرفه اصل وفصل الشخص
وهذا ما اكدتيه حضرتج انه غير موجود في الدوحه .. ولا حتى في الخليج

عدم وجوده هل يعطي لقطر صلاحيه في ارسال تلك الفحوص لمن يرغب لتلك المختبرات العالميه .. ولا ما ترسلونها الا في حاله ماسه .. بأمر من الجهات الحكوميه ؟؟


سؤال اخير بعد اذنج
عندي وحده من اهلي تدرس في سويسرا .. " جينات وراثيه " وشي من هذا القبيل " دكتوراه "
وهي تعمل في جامعه قطر .. عندما فكرت الانتقال لمؤسسه حمد للعمل بعد انتهاء مده العقد مع جامعه قطر .. ردوا عليها مستشفى حمد هالقسم غير مصرح لاي شخص .. يعني هالمهنه شبه معدومه للجميع .. وانما هناك فئه معينه واشخاص معينين يمكنهم العمل


برايج ايش معنى هالكلام


جملك الله برضاه

[المتحدث الرسمي]

الحين اتصل علي صديق عزيز و غالي من المنتدى و صلح لي معلوماتي و انه العدد هو 23 كرموسوم و ليس 32 و القرد يزيد عن الانسان و عنده 24 كرموسوم

لزم التوضيح و التنويه

.....

اخوي خلدون قلبت الموضوع حصة أحياء الله يهداك

كروموسومات و كلوروفيل

.....

[جرح الزمان]

الله يعينك يا شويهينه

بس بما أن الموضوع مفتوح عن ال dna فوجب السؤال

ما صحة خبر أنه بيتم فرض هذا الفحص على الجميع ؟

[تحداني]

جرح الزمان

خلنا نستفيد من اهل الاختصاص
مثل هالمعلومات تطلع بالغضب من بعض العاملين
يعتبرون الــdna كارثه بشريه وعلم من العلوم الخطيره الغير مصرح لنا بالاقتراب منها


جملك الله برضاه

[جرح الزمان]

جرح الزمان

خلنا نستفيد من اهل الاختصاص
مثل هالمعلومات تطلع بالغضب من بعض العاملين
يعتبرون الــdna كارثه بشريه وعلم من العلوم الخطيره الغير مصرح لنا بالاقتراب منها


جملك الله برضاه

ما اعرف ليش هالموضوع يعتبر خط أحمر

يمنع الاقتراب منه والتصوير