.. ألم في الظهر ..

[khaldoon]

خايف اقولج انه يمدحون بفكي قطر لتقوية العظام و العمود الفقري و الركب و الظهر و يصرفونه كدواء في عيادات العظام تفهميني غلط و اني اسوق للمنتجات الوطنيه الرائده في مجال التغذيه

[المفترسه]

ما تشوفين شر اختي

الجلوس لفتره طويله اثناء العمل او القياده يسبب تصلب لفقرات العمود الفقري وتشنج للعضلات
وينتج عنه الشعور بالم في الظهر مع عدم الارتياح اثناء تادية بعض المهام ولتجنب هذا الالم
راح اعطيج اختي عدة نصايح مجربه اتمنى تفيدج :


1- الجلوس بوضعيه صحيحه مع الحفاظ على استقامة العمود الفقري



2- وضع مخده صغيره لسند اسفل الظهر وتخفيف الضغط على الفقرات متوفره في الصيدليات
ومحلات المفروشات وبعض المواقع ( ايباي) باشكال حلوه وكيوت




3- تغيير وضع الجلوس وممارسه تمارين بسيطه اثناء العمل كنوع من تحفيز عضلات الظهر
وضخ الدم اليها وابقائها في حالة نشاط وقوه مثل ما هو واضح فالصوره




4- عمل مساج الاكواب عند مراكز المساج المتخصصه على فكره تراه مؤلم لكن جدا مفيد



طبقيها وان شاءالله يخف الالم ويروح نهائيا

[Right]

ما تشوفين شر يا " تحداني الزمن "

[تحداني]

ماتشوفين شر اختي والاخوان ان شاء الله مب مقصرين معاج بنصايحهم

الشر ما يجيك يا اخوي ان شاء واخواني وخواتي ما راح يقصرون انا واثقه من هالشي وان ما لقيت مبتغاي مالي الا اجرب الي في الصيدليات يمكن تصيب معاي



بارك الله فيك وجملك الله برضاه

[تحداني]

فديتج راجعي الطبيب احسن
لان وحده من اهلنا كان غندها نفس الاعراض
وبالاشعه تبين ان عندها اخر فقره بالعمود الفقري متحركه وفيها خشونه
وربي يعينج وان شاء الله ماعليج شر

لا اتقولين

والله ما ادري شاقول لج الله يرضى عليج
هالألم مازلت معتقده من طول الجلوس بطريقه وحده ومازلت معتقده ان المشكله في الكرسي


قصه العمود الفقري والخشونه ما طرت على بالي ابدا
لا اتخليني احاتي مافيني شده


جملك الله برضاه

[تحداني]

كاسات الهواء يتم اشعال النار بورقه وادخالها بداخل كاسه كبيره او برتمان ويوضع على الظهر لسحب الاوجاع منه
اللى بالي هو مسؤولي الظالم حسبي الله عليه

وحاضر مش راح اقول عن نفسي شريره بقول شرير

اخاف اجربها واحترق ترى جاهله في هالاشياء ولا عندي تجربه ولا خبره
انزين ما عندج حل ثاني .. او فكره ثانيه او طريقه ثانيه
اما شرير مب شريره


بعدين من المسؤول الظالم وايش علاقتي فيه
تبيني اوديه في ستين داهيه انا حاضره


جملك الله برضاه

[جرح الزمان]

ما تشوفين شر

وانتي شخصتي المشكله انك تقعدين فترة طويله

المفروض انك تتحركي على الأقل لو كل ساعتين

المفترسة اقتراحاتها اقرب الى الصح ... بس الاقتراح

رقم 4 اول مرة اسمع عنه

[تحداني]

تمارسين تمارين عضلات ؟؟


بالنسبة للكرسي
لا تطولين قاعده عليه

كل نص ساعه خذي لج لفه 5 دقايق

امارس تمارين العضل لكن بطريقه جدا حذره ومع مدربه يعني مستحيل اغامر فيها بروحي ابدا ... اما عن الكرسي والله كل ما طلبت نوع في الدوام يردون علي مانبي انغير في الديكور والالوان


قمت وخذت لي مخده اصغيرونه بس كله تزلق ما تثبت
واتسوي مسافه ما ادري قرب ما ادري اشلون اشرح لج يعتي ظهري يكون مستقيم ولاصق ومب لاصق


افهميني انزين


فكره اخذ لفه حلوه بجربها. مشكوره وايد



جملك الله برضاه

[تحداني]

سلامات ان شاء الله ما تشوفين شر و اتوقع المسألة لها علاقة بالعظام مب العضلات

يمكن الموضوع هو حمل اوزان كبيره خلال التدريب

الصبح طلعتني مدخنه وفي الليل يقول لي تحملين اثقال شككتني في عمري

لا يا اخوي انا وين والاثقال وين حدي الدمبلز 5 او 3
والعب اجهزه عضل اشوي قاسيه بس تحت اشراف متدربه



ممممم ما اعتقد هنا المشكله



شكرا على التحليل الخطير
جملك الله برضاه

[جرح الزمان]

كاسات الهواء يتم اشعال النار بورقه وادخالها بداخل كاسه كبيره او برتمان ويوضع على الظهر لسحب الاوجاع منه
اللى بالي هو مسؤولي الظالم حسبي الله عليه

وحاضر مش راح اقول عن نفسي شريره بقول شرير

أعتقد ان استخدام قطعة قماش مملوءه بالملح أأمن من الورق