.. ألم في الظهر ..

[تحداني]

خايف اقولج انه يمدحون بفكي قطر لتقوية العظام و العمود الفقري و الركب و الظهر و يصرفونه كدواء في عيادات العظام تفهميني غلط و اني اسوق للمنتجات الوطنيه الرائده في مجال التغذيه

شوف المصادفه سبحان الله اليوم الوالده جايبه معاها هالربيان الي املعوزنا عليه عسى الله يفتح نفسك على كيسين ويسد نفسك عن البقيه


اما يقوي العظام لا ما اعتقد هو مب كافي جايب لي عله بعد استخدمه كعلاج
عندك ولاء مب طبيعي لهالربيان


جملك الله برضاه

[تحداني]

الله يرضى عليج المفترسه وينور طريقك وجزاك الله كل خير

النقطه الاولى صحيحه مشكله كمبيوتري في المكتب ماخذ زاويه عله اتعله فانا بعد اخذ جلسه الزاويه هالشي اعتقد اثر على ظهري ومافي طريقه ثانيه احط فيه هالكمبيوتر



فعشان اتغلب على هالمشكله قمت وحطيت مخده
بس مثل ما شرحت لكم المخده الي خذتها تزلق ما ادري اشفيها
قالت لي وحده يبيعون في الصيدليه وحده ثابته رحت الصيدليه مل ساعه يقول اشتبين اقول له ابي حق الظهر .. يقول شنو
اقول مخده يقول ما عندنا مخده اقول له اسفنج يقول مافي عصبت وطلعت ما اتحمل هالنوع من الحوار خفت ارتكب فيه جريمه حسيت نفسي داخله بقاله مب صيدليه



اغير جلستي واتحرك واسوي تمارين هاذي اوكي
تمارين يمكن صعبه بس اتحرك ان شاء الله



المساج الصيني
هذا يبيله مشوار وروحه وانا المشكله لحظيه وقت الي اكون قاعده فقط لفتره طويله واحيانا يظل معاي وما يتركني


يقولون المفترسه يمكن خشونه ليكون صج


شكرا وايد
جملك الله برضاه

[تحداني]

ما تشوفين شر يا " تحداني الزمن "

الشر ما يجيك يا اخوي الله يرضى عليك يارب .. ان شاء الله مافيني الا كل خير



جملك الله برضاه

[تحداني]

ما تشوفين شر

وانتي شخصتي المشكله انك تقعدين فترة طويله

المفروض انك تتحركي على الأقل لو كل ساعتين

المفترسة اقتراحاتها اقرب الى الصح ... بس الاقتراح

رقم 4 اول مرة اسمع عنه

الشر ما يجيك الله يرضى عليك صح انا عارفه وين المصيبه بس لازم اوقات اقعد فتره طويله على الكرسي وخاصه في الدوام راح اسوي ابنصيحه وطن واختي المفترسه ونصيحتك .. اعتقد الاخيره هذا علاج صيني بطريقه معينه مثل ماهي موضحه في الصوره



يعني مافي شي اقدر احطه يريح ظهري ؟؟
لازم اتحرك


جملك الله برضاه

[تحداني]

أعتقد ان استخدام قطعة قماش مملوءه بالملح أأمن من الورق

تبي تحرقني مدام كازانوفا ... بجرب القماش مع الملح بس اشلون هاذي طريقتها



جملك الله برضاه

[تحداني]

اخوي خلدون شوف المصادفه

[روح الاطلس]

اول شي عطيني كيسين من الربيان وعقب بقولج ^_^

عزيزتي العسولة تحداني المشكلة قد تكون في عدة امور منها الكرسي بعض الكراسي ماتناسب اجسامنا ياتكون ضخمه جداً او مرتفعه لازم لما تقعدين على الكرسي تكون ركبتج مسوية 90% مع الارض ( اتمنى فهمتي قصدي) يعني بالضبط تلامس قدمج الارض والركبه مستوية

ثاني نقطه في مخدات يكون لها استيك تنربط بالكرسي بتحصلين منها في كارفور وهي مخصصه للكراسي ( مب كوشنات) وشفت برامز مثل الشبك يحافظ على انحناءات العمود الفقري هاي تنحط للسيارة كرسي السياره لازم تحطين وراج مخده او هذا الشيء الشبكي اللي برامز.

واذا بتاخذين كوشنات لازم قماشها مايكون حريري ناعم اخذيه قماش قطني او خشن شوي افضل مايزلق مع العبايه ويكون حجمها كبير يغطي الى تحت الكتف تقريبا

ثالثاً نقطه تغيير الوضيعه مع ان اغلبنا ننسى لكن ضروري بين كل نص ساعه تتحركين شوي وتردين

واذا الالم مثل ماذكرتي وقت الجلوس ممكن واحتمال يكون فيه بدايه انزلاق ( لاتخافين) وتقدرين تعرفينه من هالحركة اللي بعلمج عليها

اول شي توقفين باستقامه وتسوين حركة الركوع لين توصلين بيدج الى اطراف القدم ( مب شرط تلامسينها) وشوفي هل فيه الم لما تسوين هالحركة او راحة؟

وتريحين شوي وعقب تنبطحين على الارض وتحاولين ترفعين نص جسمج (الرأس ونص الجسم العلوي) لأعلى وشوفي هل فيه ألم او راحه ( ان شاء الله فهمتي قصدي)

وان شاء الله مايكون لا خشونه ولا بداية انزلاق عضروفي

وافحصي فيتامين دال ونسبة الكالسيوم

[khaldoon]

الصبح طلعتني مدخنه وفي الليل يقول لي تحملين اثقال شككتني في عمري

لا يا اخوي انا وين والاثقال وين حدي الدمبلز 5 او 3
والعب اجهزه عضل اشوي قاسيه بس تحت اشراف متدربه



ممممم ما اعتقد هنا المشكله



شكرا على التحليل الخطير
جملك الله برضاه

3 أو 5 كيلو.....حرام عليج....ارحمي نفسج

بتأثر هذه الاحمال على طولج و نموج بعدين
بعدين انا ما قلت شي...انت اللي تقولي..شوي قاسية

المدربة تعرف اشلون تعطيج تدريب يمرن العضله و ينميها و يشكلها بطريقة صحيحه بس هي مب طبيبة ولا اعتقد انها سوت فحص لجسمج من قبل

اختي شيكي على العظام خاصة العمود الفقري من باب الاحتياط و الله يبعد عنج الامراض يا رب

[khaldoon]

شوف المصادفه سبحان الله اليوم الوالده جايبه معاها هالربيان الي املعوزنا عليه عسى الله يفتح نفسك على كيسين ويسد نفسك عن البقيه


اما يقوي العظام لا ما اعتقد هو مب كافي جايب لي عله بعد استخدمه كعلاج
عندك ولاء مب طبيعي لهالربيان


جملك الله برضاه

اخوي خلدون شوف المصادفه

انا من كم يوم دعيت لوالدتج في موضوع الوظيفه و الظاهر انها هذه من بركات الدعاء لانه كان دعاء صادق ان شاء الله

الله يحفظها و يخليها لكم يا رب

ما شاء الله عنها تعرف ايش الاجسام تحتاج صح من بروتينات و فيتامينات و كربوهيدرات و طاقة و نشاط و صحه و عناية و وقاية و اشياء كثيرة لا تعد ولا تحصى و اختزلتها كلها في بفكي قطر......اضف الى ذلك وطنيتها في تشجيع الصناعات الوطنية الرائده في مجال الصحه و الغذاء

تحية تقدير و احترام و اكبار لها اختي الفاضله تحداني الزمن

ملاحظه: النوع الثاني اللي على اليمين ما اعجبني طعمه

[جرح الزمان]

تبي تحرقني مدام كازانوفا ... بجرب القماش مع الملح بس اشلون هاذي طريقتها



جملك الله برضاه

طريقتها سهله

تجيبي قطعة قماش صغيره وتحطي فيها ملح

وتلفيها بحيث تصبح مثل الصرة أو البوكجه

وتبللي الأطراف العلويه بالزيت ... بس

نحطها على مكان الألم ونولع طرفها

ونحط عليها الكاسه .. هنا راح تطفي النار

لانه ما في أكسجين وتبتدي الكاسه تمص

الألم ..ممكن نتركها 2 الى 3 دقايق ونشيلها بهدوء

ما اعرف اذا شرحي واضح ولا محتاجين صور