كل واحد عنده قرض سيارة يحط سعر القرض +نسبة الفائده وعلى كم سنة؟
عشان الكل يستفيد
وعلى اي شركة تمويل او بنك.
كل واحد عنده قرض سيارة يحط سعر القرض +نسبة الفائده وعلى كم سنة؟
عشان الكل يستفيد
وعلى اي شركة تمويل او بنك.
انا اقولك اشلون تحسبها
افترض تبي تشتري سيارة ب 100 الف ريال و تقسطها على 5 سنوات و الفائده 6% وما في دفعة اولى (باختصار تبي من البنك 100 الف ريال سواء دفعت دفعت اولى او ما دفعت المهم تبي من البنك 100 الف تكمل سعر السياره)
100000* 5 سنوات *6%= 30000 ريال
يعني فائدة مركبة= 26%
هذه غير عمولة فتح الملف اللي ممكن تكون 2500 ريال مثلا او اقل او اكثر
_______________________
و بعضهم يسوي الحسبه بشكل اخر بدل ما يقولك فتح ملف
100000*6%+100000=106000
يعني من اولها بيصير قسطك ال 100000 بسعر 106 الف ريال
تقسم على 5 سنوات
106000*5*6%= 31800 ريال...يعني بتطلع عليك السيارة بسعر 131800 ريال
يعني فائدة مركبة= 26.36%
يعني بتصير السياره طالعة عليك بمبلغ 130000 او 131800 مثل ما قلنا فوق ريال و يسمونها مرابحة يعني هم شروا السيارة كاش بمبلغ 100 الف و باعوك اياها على خمس سنوات بمبلغ 130 الف
و يسمونها مرابحة مب فائده بمعنى هم شروا سيارة كاش بمبلغ 100 الف ريال من البايع و باعوك اياها على السعر اللي ذكرنها فوق ب 130 الف تقريبا بس مقسمة او محصله على 5 سنوات ...و هي حلال و اقروها شيوخنا و هي ثابته ما بتتغير حتى لو تأخرت شهر او اكثر بالدفع بس اكيد ما راح يصبروا عليك فترة طويله و بالاخير يا تدفع يا تنباع السيارة بالمزاد و بياخذوا باقي فلوسهم
اما البنك الربوي فلما تتأخر فبيظل يفرض عليك قيمة الفائدة اللي هي 6% طوال السنة على كل شهر تأخير يعني مب رقم ثابت مثل ما اعطيتك بالمثال فبيصير سعر السياره يزيد مع كل تأخير و بالاخير لا قدر الله تنباع بالمزاد في حالة العجز عن السداد
كل ماتقل فترة القرض تقل النسبه -- عندهم جدول شيكو معاهم
بعدين النسبه للسنه الوحده
شوف انت بكم سنه تبيها
شوف يا صديقي العزيز...مرهونة.... او مملوكه ما اذكر بالضبط....بس مكتب اسم الجهة الممولة على الاستمارة ...انا كنت شاري سيارة من الاولى للتمويل من كذا سنة و لما سددت اقساطها رحت اخذت شهادة منها و رحت فيها على المرور و غيرت الاستمارة و صار عليها اسمي فقط بينما قبل كان اسمي بالاستمارة و من تحت اسم الاولى للتمويل