بناء بيت العمر (خطوه بخطوه بالصور)

[المــستشار]

موضوع رائع ومنزل مبارك ان شاء الله

افضل ان يكون صف الطابوق قبل صب الاعمده
تفاديا لاي تشققات بين الاعمده والطابوق ولقوة الالتحام بينهم

الاروع حضورك الغالي ..

كل الطريقان تودي الى نفس الهدف .. ولكن هناك اختلاف في وجهات النظر من اهل الخبرة

ياليت تدخل الموضوع اللي نزل رابطه اخوي/ خلدون .. فهو فيه الجواب بالفرق بين الطريقتين

واتشرف بمتابعتك

[المــستشار]

وعندي سؤال إلى اهل الخبره

في الصورة التالية نلاحظ العتب اللي فوق الشبابيك يكون خرسانة
وطريقتة شغل يدوي يعني سووها عالارض وحطو داخلها 3 اسياخ حجم 16 مل بعدين رفعوها وركبوها فوق الشباك..

فهل هذا افضل ام معدن ام نجارة وصب خرسانة بدون حديد (تسليح)



ننتظركم؟؟

[دروب]

منزلٍ مبارك
الله يهنيكم
بس ممكن أعرف شركة المقاولات وبكم سعر البناء ؟

[المــستشار]

علماً

مساحة الفيلا 639.44 م2
مساحة المجلس 236.05 م2
مساحة الملحق 100.44 م2

[المــستشار]

منزلٍ مبارك
الله يهنيكم
بس ممكن أعرف شركة المقاولات وبكم سعر البناء ؟

الله يبارك فيك

عالخاص التفاصيل.. لكن صندوق الرسائل عندك مليان !

[khaldoon]

وعندي سؤال إلى اهل الخبره

في الصورة التالية نلاحظ العتب اللي فوق الشبابيك يكون خرسانة
وطريقتة شغل يدوي يعني سووها عالارض وحطو داخلها 3 اسياخ حجم 16 مل بعدين رفعوها وركبوها فوق الشباك..

فهل هذا افضل ام معدن ام نجارة وصب خرسانة بدون حديد (تسليح)



ننتظركم؟؟

اخي العزيز ...كمبدأ ما تفرق شي

يعني اللي سووه هو عمل جسر مسبق الصب و بعدين ركبوه precast lintel beam

اما الطريقه الثانيه فهي صبه في مكان انشاؤه فعلا cast in situ

انت قلت انهم حطوا 3 اسياخ.....ليش مب 4 اسياخ 2 فوق و 2 تحت مع كانات كل 15 او 20 سم دائما

بعدين تفرق على حسب فتحة الشباك

يعني مثلا لو فتحة الشباك او الباب او المكيف ( المكيف 75سم) متر او اقل فتكون 4 اسياخ بقطر 14 و الجسر بعمق 20 سم

لو الفتحة بين متر و مترين بيكون سيخين فوق مقاس 14 و سيخين تحت مقاس 16 و الجسر بعمق 20 سم ...يفضل 40 سم لو اقرب الى المترين كفتحة

لو الفتحة اكبر من مترين يفضل تكون 4 اسياخ بقطر 16 و لو كانت فوق 3 م خلهم 5 اسياخ..2 فوق و 3 تحت و الجسر بعمق 40 سم للجسر

ايضا يعتمد كم طابوقة فوق هذا الجسر اللي اسمه lintel beam يعني جسر للاعتاب

بالتوفيق

[khaldoon]

نسيت شي...بخصوص سؤالك...يصير انه يكون الجسر معدن ....يصير ما فيها شي بس ما احد يسويها لانه ما يمسك عليه البلاستر مستقبلا و الافضل الخرسانه لانها بتتخشن عن طريق الشاكوش او المطرقه و بنرش عليها رشة روبه مع وجود شبك طبعا

[حكآية آحسآس]

جعله منززل مبااااارك وعامر يااارب... وجعل ربي يسسعدك دوم مو يوم..

آششكرك على موضوعك القيم ..

[بودحوم]

جزاك الله كل خير اخوي على طلبك هذا و اشكر ثقتك الغالية

ارجو الاطلاع على الرابط التالي و تشوف الاراء بهالموضوع و تشوف ردي فيه في الصفحه الثانية لو سمحت

____ سؤال عآطفي في البناء لذوو الخبره _____

http://qatarshares.com/vb/showthread.php?t=356753

بيض الله وجهك
جهودك واضحة والكل يستفيد منك

[ana_ana]

الله يبارك لك ان شاء الله ومنزل مبارك اخوي المستشار