صالون باريز نيلز الي باللاندمارك و ميديكال سبا في فيلاجيو

[ماريسا]

كنت مشتركة بعضوية قيمتها 1000 ريال عشان يعطوني خصم 10% على كل خدمة لمدة سنة.. ماعطوني خصم للخدمات الا بعد ماستلمت بطاقة العضوية و الي طلعت بعد 6 أسابيع .. كنت اروح لهم كل اسبوع و حافظة اسعار الخدمات و هي أصلاً اسعارها عالية و فجأة رفعوا اسعارهم أكثر بنسبة 20% و بعض الخدمات دبل خصوصا تبع الاظافر و كانت هذي اخر زيارة لهم و خصوصاً اخر زيارة كان السرفس اي كلام و كان في ضغط و شكثر عميلات يصرخون و يعصبون بس انا حاولت ما اعصب انا اتصلت سويت موعد لكم شغلة و وصلت هناك الا قايلين لي مطرشين لي مسج عشان يأجلون الموعد و ماوصلني ولا مسج طلع انهم ارسلوا المسج لرقم ثاني.. فقالوا لي انتظري ساعة توكلت على ربي ماكنت ابي اعصب ذاك اليوم قلت اوكي وانا انتظر بسوي خدمة للاظافر و بعد ماخلصت كل شي انصدمت بقيمة الفاتورة قلت شنو هاي كله قالوا الادارة غيرت الاسعار قلت شلون ماخبرتونا قبل لا نسوي السرفس و كيف انا مسوية عضوية للخصم و بالاخير ماقدر استفيد؟؟ قالوا مانقدر نسوي شي
و حرمت اروح لهم مرة ثانية
خسرت الف ريال ع العضوية حسبي الله عليهم

[وتبقى الدنيا حلوه]

بل شو السرقه عيني عينك

ترا في اشياء ما تمشى الا بالهواش والصراخ

روحي ادارتهم و لعني قفدهم

[آنا غيــر]

اسمحوا لي اقول لكم احنا في قطر ماعندنا ولا صالون حق اظافر عدل

قاعدين على تكلا هالفلبينيات اللي اولريدي مش متدربات ولا لهم خبره بس عشان يكون اجارهم ارخص ... ومن بينهم تكون وحده او ثنتين عندهم خبره في مكان قبل عشان بس يدربونهم كم يوم وانتهى الموضوع

مب نفس اي بلد برى اقربها دبي ... شغلهم من كل النواحي بيرفكت بس انا خصيت الاظافر لاني نيل بوليش فاناتيك ومالي الا باريس نيلز اللي في اللاند او نيلز اللي في فيسز فاللاند بعد يزعم احسن مكانين عندنا

عادي بدفع بس ياريت الشغل اللي يسوونه يستاهل السعر .. امحق بس

خاطري افتح نيل بار بس من صجي مالي خلق عباله

[q6ryah]

حبيبتي انا ضد الاشتراك بالعضويه في قطر وخصوصا الصالونات

لانهم مايلتزمون بالشروط اللي حاطينها

قبل الاشتراك يعطونج الشمس بيد والقمر بيد وعقب دوريهم اذا سو لج شي عدل

حبيبتي فلوسج عليها العوض

وصراحه هالمكانين هم البوق بعينه وعلمه


الله يخلي نزيه روحي اشتري عدتج كامله واذا عندج فلبنيه بالبيت خل تسوي لج تراهم شطار بهالموضوع

وعطيها ٢٠ ريال بتفرح ويزيد مدخولها من غير ماتفكر تضرج انا اسوي جذيه كل خدامات الصالون السهله اسويها بالبيت


واعطي الشغاله وتفرح بالمبلغ لانه هذي شغل هي نش مكلفه فيه والله راح تشتط اكثر من الصالون جربي وادعي لي

[ماريسا]

والله صح كلامكم بنات و انا فعلن خسرت لما اشتركت بالعضوية ماستفدت منها الا 3 شهور الله لايوفقهم و فعلاً الشغل مب قد الي ندفعه لهم و كم مرة جرحوني لما اسوي اظافري عندهم و حتى ابسط شي غسيل شعر مايغسلون عدل
جد ندمت وايد

[روح الاطلس]

ميديكال سبا جربته مره وحرمت اروح له غالي على الفاضي ومايستاهل وحسيتهم مش محترفات شغلهم اي كلام لين الحين مالقيت صالون عدل اعتمده

[الخـود]

بل
انا كنت ناوية اروح لهم

خلاص مب رايحة

انزين جربتوا المشاطة بعد ما غيروا صالونهم .. اسعارهم اعتقد ما غيروها والستاف نفسهم ما تغيروا :s

[A.R]

من ناحيه الاسعار طارو بالهوا انا دايما اسوي اظافر تركيب عندهم وقطعتهم فتره عقب رديت لهم الا هم زايدين السعر ٢٢٠ هاي بس الزياده عسي ماشر الواحد يزيد ٥٠ ،١٠٠ مب جي

[طلعة الروح]

Paris nails
الاسم في صوب والشغل في صوب ثاني

[طلعة الروح]

بل
انا كنت ناوية اروح لهم

خلاص مب رايحة

انزين جربتوا المشاطة بعد ما غيروا صالونهم .. اسعارهم اعتقد ما غيروها والستاف نفسهم ما تغيروا :s

حسب علمي عندهم الاسعار

QAR 100 Body care
QAR 100 manicure