السلام عليكم ورحمه الله وبركاته عندي مليون وابي مشورتكم في احسن مشروع تجاري ولكم جزيل الشكر
|
السلام عليكم ورحمه الله وبركاته عندي مليون وابي مشورتكم في احسن مشروع تجاري ولكم جزيل الشكر
,
,
مرحبا
اخوي الكريم
الله يبارك لك في حلالك ويزيدك من فضله
السوق وضعه ما يشجع وكثير شركات تغلق خاصه المقاولات ومحلات بيع مواد البناء
والنقليات فرص الشغل قليله وما زالت المشاريع الكبيره مجرد حديث في الجرايد
الان لو احد عطاك شيك انت وحظك ينصرف او يرجع مافي رصيد
ولو جبت بضاعه من خارج قطر تتعب لين تصرفها
تبي نصيحتي حطها في ( عقار ) او ارض
ليس للربح السريع ولكن لحفظ المال وحفظ قيمته والربح على المدى الطويل
بالتوفيق لك
,
,
اخوك
شموخ دائم
التعديل الأخير تم بواسطة شموخ دائم ; 26-02-2012 الساعة 01:54 PM
نفس كلام اخونا شموخ دائم
السوق تعبان وما يشجع وفيه حالة ركود كبيرة وصعف في السيولة وتسديد الدفعات والمستحقات للموردين والكل قاعد يشتكي من نقص السيولة
واليوم المليون ما تسوي شي حتى لو فكرت
في مشروع مثل سوبرماركت او مطعم او مقاولات وهاذي مشاريع تبي راس مال عالي وصبر
حتى تسترجع راس مالك اذا مشت الامور بسهولة من البداية .
اليوم بالمليون تقدر تشتري لك أرض حليوه بمساحة في حدود 450 الى 500 مترمربع
في مناطق خارج الدوحة ويفضل
طريق الشمال مناطق مثل لوسيل او ام صلال او ام عبيرية وبيكون رأس مالك في امان
وفي المستقبل اذا تقدر تاخذ تمويل من البنك تبنيها او تلقى احد عنده راس مال وتثق فيه يشاركك فيها وتبنونها فيلا وتنباع بربح مناسب تتقاسمونه وتنتقلون لمشروع ثاني .
المليون ما تجيب العقار .. وينه ذالعقار اللي بهالسعر ؟؟؟
,
,
مرحبا
حيالله ( captin )
حيالله اهل اسبانيا : ) كيف الامور عندك طمنا عليك
يا زين برشلونه الحين وشارع الرامبلا
تسلم على التعليق والمتابعه
اسير الاسهم
والله الثلاث سنوات الي فاتت جات فرص كبيره في العقار
والاسعار نزلت كثير الي اخذ اخذ والي كان حذر ومتردد يقول ياريت اخذت
وكلها ارزاق من رب العالمين
وما زال الميلون يجيب بيت دور ارضي في الخور
وفي مناطق كثيره يبيلها شوي حركه ونشاط
,
,
اخوك
شموخ دائم
التعديل الأخير تم بواسطة شموخ دائم ; 27-02-2012 الساعة 01:26 PM
استورد لحوم مبرده من السودان لشركة المواشي ،، لانهم طالبين موردين لبعض انواع اللحوم ،
والله يوفقك
اشتري في دبي ... أمس تقرير عن الوضع هناك ... السياحة ارتفعت 22% السنة ... و الله الموفق
الله المستعان
اي مشروع صغير نص فلوسك بتروح بس يجارات ورواتب
الله يعين
الايجارات صارت تاكل راس المال وصافي الربح قليل
سبحان الله وبحمده .. سبحان الله العظيم ..
اشتر لك بيت او فله صغيرة واجرها...
الخير سوه ولا تنتظر مجازاته..
لا ضاع عند البشر , ما ضاع عند الله..
العقار وشراء بيت او شقه او اي شي وتأجيرها
هاذي التجاره مضمونه ان شاء الله مئه بالمئه .. ومثل ما قال اخونا " شموخ دائم "
يبيلك تدور هالاراضي .. وراح تلقاها في المناطق الخارجيه ان شاء الله
الله يرزقك رزق طيب وحلال
ويزيدك من فضله
جملك الله برضاه
.. فــي قلبــي ..
إبتســامة طفــل .. ومكاناً يســع الجميــع .. وخانــة اسمــها قضاء حوائـــج النــاس ..
ضوابط المشاركة
رد مع اقتباس
