والله ودّي بلكزس، بس أخاف من التبذير.
السعر مبالغ فيه.
|
والله ودّي بلكزس، بس أخاف من التبذير.
السعر مبالغ فيه.
ارقام فلكية بصراحة
خلوهـــــــــــــــــا تصـــــــــــــــــدي
غالي شعبالهم فلوسنا لاقيتها بالشارع
اخوي راعي المواجيب أنا معاك كنت بشتري تاهو لكن مشكلة الامريكي مايعمر مثل الياباني والتيوتا
عالاقل الكروزر ليبعد معاك عشر سنين اخر حلاوة ولين جيت تبيعه بيجيب مبلغ زين
التوقيع شراكه وكل مشروك مبروك
لكزس 400 الف
اشتريلي مرسدس 350 اس 2012 اكشخ كفايه انه الماني مهب ياباني
خلك على خبري كما ريحة العود *** اذا احترق بالنار يزداد طيبه
المشاركة الأصلية كتبت بواسطة حمد بن سعد
و ارخص بــ100 ألف ريال تقريبا
اس 350 - 315,000 ريال
اس 350 كت اي ام جي - 335,000 ريال
حَسّبِيَ اللّهُ لاَ إِلَهَ إِلاَ هُوَ عَلَيْهِ تَوَكَلْتُ وَهُوَ رَبُ اَلعَرْشِ اَلعَظِيمْ
جزاك الله بمثله
و وجهك يا ابو علي ، خذيت امريكي من 7 شهور مواصفات توب بقيمة جي ستاندر !!
والمواصفات اكثر من مواصفات الجي اكس ار !
ومنيب متحسف و لله الحمد ولا احد قال افااااا ليش مب راكب كروزر
شوف وانا اخوك ، إذا انت مب راعي مطامر اخذه وتوكل بالله
تراني راعي رحلات وبر وسفر ، لكن ماعندي سوالف المطامر
صدقني انه ابرك واقوى من الكروزر وانا راعي كروزرات من سنين
وبالنسبه للسعر ابغيك تركز معي شوي فديت خشمك
تراني مارديت إلا علشان اوضح هالنقطه مع احترامي للجميع
شوف طال عمرك
يقولون السوق يفرض نفسه ، والتويوتا ماكل الجو وسعره فيه
هالكلام اكل عليه الدهر وشرب
الحين كل السيارات تمسك اسعارها إلا بعض الأنواع الغير مرغوب بها في السوق القطري ، وبعد تنباع غاليه وتتصدر
هذي مقارنه وحسبه بسيطه
في اكس أر موديل 2007 و يوكن دينالي 2007
الفي اكس ار كان سعره 200000 الف / والدينالي كان سعره 180000
وبعد مرور 5 سنوات
الفي اكس ار موديل 2007 اللي حالته زينه يسوى في السوق حوالي 120 الف
يعني نزل من سعره حول 80 الف
طيب نشوف اليوكن
اليوكن دينالي موديل 2007 حالته زينه يسوى في السوق 100 الف
يعني نزل من سعره 80 الف نفس الفي اكس ار
أدخل هنا وتأكد من كلامي
شفت طال عمرك
كلام الثمانينات والتسعينيات انساااااه
الأمريكي فرض نفسه مع باقي المواتر وقام يمسك سعره
وفي المقابل
هو ارخص وهو خدمته ازين وهو سواقته احلى وهو اوسع وهو اقوى وهو اريف وهو اقل صرفية بترول وهو اللي قطع غياره الأستهلاكيه تعمر
و الله مافيه مقارنه ابد إلا بالثلاجه اللي مب راضين يركبونه على الأمريكي
في الآخير الناس اذواق وقناعات
وإلا الود ودي ما اركب إلا بنميرا
بالعكس التاهو اقوى وقطع غياره ارخص واحسن بوايدوحق الخطوط والسفر من تجربة اختي
شريت تاهو سنة 2007 وسافرت فيه وايد وتوني السنة مغير له البطارية والتواير
وسويت له سيرفس كامل بعد 5 سنوات ب 2800 ريال شامل تغيير البطارية والتواير كلفني الواحد 675 ريال ب 2700 للاربع
اعتقد المقارنة ظالمة للاسف لا في السعر ولا في المتانة
وعلى فكرة التاهو لسنتين متتاليتين تفوز بافضل سيارة للدفع الرباعي
وشوفي اغلب الوفيات اللي تنتج عن حوادث في قطر. اغلبها بسبب اللاند كروزر اللي السيفتي لك عليه من المصنع والدليل انه تم سحب كميات كبيرة من التويوتا في انحاء العالم باستثناء قطر بسبب الامان
وحتى وكالة التيوتا في قطر تسوي حركات عشان تاثر على الشباب بان مافي حجوزاتةعشان تعطي انطباع بان السيارة عليها طلب غير طبيعي وكلنا نتذكر قبل سنتين يوم سوت نفس الحركة وللاسف قامت واتفقت مع المعارض بانها تبيع الحجوزات عليها عشان ترفع سعر السيارة
وشبابنا الله يهداهم ورى الكروزر وراه حتى لو وصل سعره مليون *
ومن يتهيّب صعود الجبال
يعش ابد الدهر بين الحُفرِ
الله يرحم اللمتد ال 97
خذه الوالد اول مانزل ب 147 الف
و ثاني يوم دعمت فيه بعرس واحد هههه
بصراحه كلام الاخوان مقنع جداً
وش الي يحدني على الكروزر او اللكزس اذا هناك سيارات منافسه و تقدم خدمات افضل من ناحية الضمان والسيرفس كونتراكت
بس حطوا بعين الاعتبار نقطه واحده و اعطيكم مثال حي :
اللكزس ال 2012 ولد عمتي شاريها من اسبوعين ب 400 الف جاه واحد دفع له 450 الف قال له بشتريه منك
قبله ب 3 شهور واحد من ربعنا شاري الاودي 2012 يوم عرضها للبيع جابت له سعر اقل حتى استحي اقوله رغم انه عنده عقد سيرفس كونتراكت و خدمات مجانيه اكثر من اللكزس و شكلها احلى بواجد
*
تحياتي من البلكونه
خلوها تصدي
اسمح لي اخوي بو خليفة اقول لك ان هالنغمة اللي تلعب عليها وكالة التيوتا بشكل غير مباشر
شخصيا اذا باحط 400 الف في سيارة وحاط في بالي اني بابيعها عقب اسبوعين،، افضل لي اني أستأجر سيارة فخمة لين اشبع منها وبيطلع لي احسن بوايد من اني اشتريها
اذا ماصار عندنا استراتيجية ان السيارة لازم اتم 5 سنوات من تاريخ الشراء فالافضل الاتجاه للاستئجار افضل في هذه الحالة
لانه في العرف المحاسبي فالسيارة يتم استهلاكها على مدى 5 سنوات
وشخصيا هذي استراتيجيتي اللي ماشي عليها من زمان والحمدلله احس ان السيارة هي اللي تخدمني مش انه اخدمها
ومن يتهيّب صعود الجبال
يعش ابد الدهر بين الحُفرِ
ضوابط المشاركة
رد مع اقتباس
