هلا اخوي
انا بعد اول مره ادري عن بطاقه الضريبه ياللهوي انا خلوني استفيد منها قبل
سجل التجاري اللى عندي الشركه ياخوي كنت فاتحه شركه نقليات ووقفتها
لحين ابي استفيد من السجل محتاره ومش عارفه ويش اسوي
بارك الله فيك
الله يجزيك خير .ورحم الله والديك..سؤال لو تكرمت ...ممكن عمل كل الاجراءات من انشاء السجل واشتراك الغرفة التجارية ورخصة البلدية والبطاقة الضريبية من نفس الوزارة الا وهي وزارة الاعمال والتجارة ...
قل للطبيب تخطفته يد الردى من يا طبيب بطبه أرداك
قل للصحيح يموت بلا علة من بالمنايا يا صحيح دهاك
قل للبصير وكان يحذر حفرة فهوى بها من ذا الذي أهواك
بل اسأل الأعمى خطا بين الزحام بلا استدام من يقود خطاك
قل للجنين يعيش معزولاً بلا راع ومرعى من الذي يرعاك
قل للوليد بكى وأجهش بالبكاء لدى الولادة من الذي أبكاك
ولما ترى الثعبان ينفث سمه فسأله من ذا الذي بالسموم حشاك
واسأله كيف تعيش يا ثعبان أو تحيى وهذا السم يملأ فاك
وأسأل بطون النحل كيف تقاطرت شهداً وقل للشهد من حلاك
هلا وغلا إختي شهد
بارك الله فيج ويوفقج دووم .. موضوع تستفيدين من السجل هالشئ فيدج انتي
او تبيعينه او تلغينه من السجل التجاري " الرسوم مقرره عن كل سنه " أو تتراكم عليج
وأي شئ تأمرينه أنا فالشووفه
ربي يووفقج ويوفق الجميع
السلام عليكم
hasss1969
جزاك الله كل خير وكل الاعضاء عالرد والمشاركه وبخصوص سؤالك ،أي نعم تقدر أخوي وزترة الاعمال والتجاره ما قصرت والشكر موصول لهم كلهم وسهلو على الجميع ..
اذا انت بتروح كصاحب السجل التجاري
الدور الاول مخصص لأصحاب السجلات والشركاء وتقدر تستخرج السجل التجاري( مؤسسة أو شركة ) وتقدر تدفع اشتراك غرفة تجارة قطر فالدور الارضي ، والرخصه التجاريه في الجهه المقابله فالدور الارضي.
ولإستخراج الرخصه التجاريه لازم يكون عندك " عقد الايجار من المالك "
أما البطاقة الضريبيه : بعد ما تستخرج السجل والرخصه وقيد المنشأه من الجوازات تاخذ صور منها وتروح
وزارة الاقتصاد والماليه وتقدم على البطاقه .
أتمنى قدرت افيدك وأفيد الجميع
ربي يوفقك أخوي ويوفق الجميع
السلام عليكم ورحمة الله وبركاته
يعطيك الف الف عافيه اخوي رحال الدوحة
ما شاءلله عليك لاول مره اشوف شرح مفصل عن السجل
ابغي افتح سجل جديد شركه بس الشريك الي معاي غير قطري
هل موضوع البطاقة الضريبيه راح تكون بنفس هاي الخطوات الي ذكرتها
ولا فقط على الشركات الي مافيها اي شريك قطري ؟
=====
الشركات التي فيها شركاء غير قطريين فعليهم عمل
موازنة وتسديد الضرائب حسب المعمول بأحكام قانون ضريبة الدخل
للشركاء الغير القطريين
=====
سؤال ثاني
الاسم التجاري بالانجليزي ..
الحين عندي اسم بالعربي بس لما اكتبة بالانجليزي ( ككتابه ) يطلع مش منسق
بس لما اترجمه الي الانجليزيه يطلع تمام
هل يصير اعتمد الانجليزي في المراسلات و الشعار بس اهو مسجل بالعربي بالسجل ؟
شكرا
وبيض الله وجهك
يالربع انا رحت حق رحال المكتب و الرجال ما قصر معاي و طلع لي السجل التجاري الله يجزاه خير
انصحكم تتعاملون معاه والريال يستاهل و فعلا بتفتكون من المشاوير
الله يجزاك خير يا بوسعود
الأخ / Mohammed.a
تسلم أخوي وبارك الله فيك واتمنى اني قدرت افيدكم ، بخصوص سؤالك :
تاسيس شركة لها اجراءات معينه ومن ضمن الاجراءات راح يطلبون منك شهاده بنكيه
برأس المال واقل شئ بيكون المبلغ ( 200) ألف ريال قطري ، ونسبتك بتكون كقطري 51%
والغير القطري 49%
وبعدها تصديق وثوثيق العقد من السجل العقاري ، وطبعاً تحدد نوع النشاط
( رسوم السجل التجاري )
وبعد استخراج السجل التجاري تأجر مكان ( حسب النشاط مكتب أو محل ) وتكمل اجراءات
الرخصه التجاريه لمزاولة النشاط ، وبموجب السجل والرخصه تستخرج بطاقة ( قيد المنشأة )
من الجوازات .
أما بخصوص الاسم التجاري بتكون أول خطوه في السجل التجاري
( شركه أو مؤسسه ) والاسم الاجنبي لازم يكون له معنى وحسب القوانين من وزارة الاعمال والتجاره :
لا يجوز الاسم التجاري حروف أو أرقام .
وبعدها تقدم على إدارة الضرائب في وزارة الاقتصاد والماليه جميع المستندات .
ربي يوفقك أخوي ويوفق الجميع
* طرشت لك رقمي عالخاص اذا تحب تستفسر أكثر