يوم امر واطالع دياره ... واذكر ايامه ولياليها ..
واذكره في وقت مظهاره ... يوم نمشي في اراضيها ..
يوم هو رايح جدى ياره ... واجبات اليار يأدّيها ..
كالبدر لي شعّت انواره ... نوّر الدنيا وما فيها ..
عقب ذاك الوقت واسراره ... والسّعاده لي نحن فيها ..
بوحمد الايام غدّاره ... فرقتنا عقب ماضيها ..
والدّموع اتهل بغزاره ... ما وقف من العين جاريها ..
والحبيب انقطعت اخباره ... ما حصلّه من يودّيها ..
ما بجيلي غير تذكاره ... والهموم اللي اجاسيها ..
اه لو بيعود الى داره ... عاد سعدي والهنا فيها ..
جان عندي ما من خساره ... غايه القصد ومناويها ..
وللمبشّر بعطي بشاره ... لو اسوم الرّوح وافديها ..
يعل يود السّحب وامطاره ... تسقي دياره ويرويها .. !
|
رد مع اقتباس
