معظم الناس اللي يستخدمون الكمبيوتر لساعات طويلة من اليوم وجلستهم خطأ يعانون من هذه الأعراض صار لي أكثر من سنة أو سنة ونص وأنا أعاني من هذه الآلام وسويت الرنين المغناطيسي لفقرات الرقبة واتضح أن عندي ديسك في 3 فقرات والضغط يكون على الأعصاب فتأثرت يدي وخصوصاً اليمين فصرت أحس بالتنميل في أطرافي ،، راجعت مستشفى حمد العيادة المسائية عند الدكتور أسامة وسوالي تخطيط لأعصاب اليد وبنفس الوقت كنت أراجع مع المستشفى الأهلي مع دكتور فرانك وحولني على العلاج الطبيعي فالأهلي الصراحة العلاج عندهم ممتاز خفف الألم بشكل واضح عبارة عن ذبذبات الكهرباء على مكان الألم + عمل مساج للعضلات المتصلبة ومع الجلسات رح تلين العضلات ويخف الألم طبعاً ما وقفت العلاج قبل 3 مرات أسبوعياً وبعدين مرتين وبالتدريج مرة فالأسبوع أو مرة كل أسبوعين المهم حاول تداوم على العلاج الطبيعي وقيمة العلاج عندهم أول مرة 300 وباقي المرات 250 بدون تأمين أما دكتور أسامة بعد عطاني تحويل للعلاج الطبيعي التابع لمستشفى حمد لحد الآن ما جربته بس اللي أعرفه أن عدد الجلسات عنهم محدودة جداً بسبب ضغط المراجعين ..
وحاول قدر الإمكان أن تكون جلستك صحيحة أثناء استخدامك للكمبيوتر ، وما يكون جلوسك مستمر يعني كل 30 دقيقة وقف وخذ استراحة بسيطة لعمل تمارين رح يدربونك عليها أو مثلاً حاول تمشي وتتحرك لعدة ثواني ..
وكذلك الحجامة مفيدة جداً .