صفحة 2 من 2 الأولىالأولى 12
النتائج 11 إلى 20 من 20

الموضوع: عالم ديزني ؟؟؟؟؟ خطير جداً .

  1. #11
    عضو نشط الصورة الرمزية ms-qtr
    رقم العضوية
    35658
    تاريخ التسجيل
    Dec 2010
    المشاركات
    803
    الفيديو كله مبالغات
    خصوصا الاشياء الي قالها الايطالي نصها غلط

  2. #12
    عضو نشط
    رقم العضوية
    3725
    تاريخ التسجيل
    Sep 2005
    المشاركات
    574
    جزاكم الله خير على المرور
    ونسأل الله أن يحفظنا ويحفظ عيالنا من كل سوء .

  3. #13
    عضو فعال الصورة الرمزية OM_OMAR_QATAR
    رقم العضوية
    32883
    تاريخ التسجيل
    Jun 2010
    المشاركات
    2,980
    الله يرحمنا يارب
    "ربنا لا تحمّلنا ما لا طاقة لنا به"

    بنيّـــتنا الله يحفظها ..


    نسبة لأستحسان الجميع للتصاميم الجميلة الفخمة تم توزيعه على صالونات ومحال
    تـــــاتو اليوم الوطني متوفـــــر بنقاط التوزيـــــع التالية ( بدرب السـاعي ايضاً )
    http://www.qatarshares.com/vb/showthread.php?598966-

  4. #14
    عضو
    رقم العضوية
    28974
    تاريخ التسجيل
    Oct 2009
    المشاركات
    22
    ما اقول الا حسبي الله ونعمه الوكيل فيهم

  5. #15
    عضو الصورة الرمزية solyamalenki
    رقم العضوية
    41653
    تاريخ التسجيل
    Jan 2012
    المشاركات
    171
    احس كله خزعبلات .. واتمنى يفتحون ديزني هني في قطر

  6. #16
    تميم المجد الصورة الرمزية qatari911
    رقم العضوية
    30223
    تاريخ التسجيل
    Jan 2010
    المشاركات
    2,590
    مبالغات
    شهالطفل الي بيسويه الفيلم على الحركه البطيئة علشان يشوف
    وهالفيديو من سنة جدي
    انا كنت اتابع ديزني وانا صغير ما اشوفها اثرت فيني الحمد الله <<<<<<الله على هالجيل كل شي يأثر فيه
    وسمعت ان يسون ديزني لاند عندنا ان شاء الله تطلع نفس الي في فلوريدا
    مو يسونها على طخت علاء الدين وجزيرة النخيل
    هذه بعض الردود بصراحه فيها وجهة نظر

    خلونا واقعين شـ الياهل اللي :

    - بيطالع الفلم وهو مسوي سلو موشن ! .

    - بيلاحظ أن الأسد الملك ( شاذ ) .

    - بيلاحظ أن مكتوب كلمة *** تحت ريوله .

    - بيلاحظ ويعرف العضو التناسلي للمرأة .

    **

    صدقوني بدون هل الفيديوات ما كان فكرنا بهذي السوالف أصلاً ..
    وهذا أحنّا كبرنا .. ولا درينا بها الا من فترة بسيطة من خلال برامج مثل القادمون
    والاشخاص اللي يدققون .

    ما نقول ان مافي اشياء دينية ببعض الأعمال ولكن مالها تأثير كبير ..
    وبعضها صعب فهمها حتى على الأشخاص البالغين .

    والترجمة عندنّا تحرف جزء كبييييير منها ..

    ولازم نعرف أن 98 % من الأنميات تكون عبارة عن " خُرافات "

    وللأسف في كارتونات مش للصغار تنعرض وهذا خطأ
    وفيه فئة عمرية لكل كارتون .

    بوقتادة وبونبيل مثلاً ..

    يتابعونه الأطفال وهو ينفث الكثير من السموم رغم أنه عمل
    مش ماسوني ..

    المهم ..

    لو أفترضنا جدلاً أن نظريتهم كانت صحيحة ، فأحنا لازم نوجد
    البدائل ..

    قبل كانت متواجدة أعمال بـ كثافة للطفل بعكس الحين ..
    اتكلم عن مسلسلات ومسرحيات وكارتونات ..

    وبرامج مثل أفتح يا سمسم .

    **

    **

    كل الود .
    قال الاطفال اللي يشوفون الاسد الملك اليوم هم قتلة المستقبل .. ما احنا كبرنا وتربينا على الاسد الملك ليش ماقلتنا احد


    ولا لما قال ان اللي عامل الموسيقى التصويريه للاسد الملك شيرلي ماكلين .. من يكون الاخ ؟

    ملحن الفلم هو هانس زيمر اللي فاز بالاوسكار عن موسيقته الرهيبه بالفلم ..

    واضح ان المعلومات كلها دقيقه ماشاءالله مب كذب وتزوير !!

    وبخصوص ان اسم بوكاهونتاس يجيب الشيطان وان معناه روح الشيطان

    ياخي روح واقرا عن اللي كان لها الاثر الاكبر بعملية السلام بين البريطانيين والهنود واعرف معنى اسمها بالاول

    she was given the nickname of pocahontas which has many different translations. It is loosely translated as "one who plays mostly," "playful one," "little wanton," and "playful, frolicsome little girl."

    وبعدين شخصيه حقيقيه وتاريخيه مثل بوكاهونتاس الحكومه عامله لها تمثال رسمي تقديرا لها

    وقصة حياتها ياخذونها الطلبه عندهم بالمدارس

    ولها احترامها وهيبتها بين افراد قبيلتها وتعتبر بنت الزعيم .. واخرتها اسمها يدل على روح الشيطان؟؟

    وماطلع هالتفسير العبقري الا لما ديزني سوت لها فلم؟؟ ..

    وبعدين من الفلم كله معقوله ماطلع الا ان اسمها يدل على الشيطان

    وترك العبر والحكم والدروس اللي يزخر فيها الفلم مثل الحب والسلام واللي لو تأثر فيها الطفل بتخليه يطلع انسان محب ويكره الحروب والقتل


    ياخي والله عيب ..

    لما كتبت رد بقمة الاحترام والادب لواحد ناشر مقطع مشابه عاليوتيوب راح ومسح ردي !! بدال لايناقشني !!

    وارسل لي رساله يقول اسمحلي حذفت ردك لكن مابيك تخرب الرساله اللي احاول اوصلها ..

    لو حجته قويه كان رد على كل النقاط اللي رديت عليها واثبت لي ان كلامي غلط

    لكن هالنوعيه فاكره نفسها قاعده تقدم خدمه للمسلمين وهم اول من رجعنا ورى 100 سنه !!

    مالوم الناس العاديين اللي يصدقون هالخرابيط لان بالنهايه مش مطلوب من الكل ان يكون متعمق بديزني مثل فانزها

    لكن العيب لما اشوف واحد من فانز ديزني يقر بهالاشياء !!

    وبخصوص حركة الاصابع يعني والله شي يضحك .. شنو هالحساسية المفرطه اللي مالها داعي

    لنفرض ان حركة الاصابع فعلا متعمده ولو اني ماشوفها كذا واشوفها عاديه

    ولاحظوا ان كلهم بنات اللي عاملينها والبنات دايما اصابعهم مرتخيه وناعمه كذا بالكرتون بشكل عام مايات على ديزني بس

    لكن خلونا نفرض ان وراءها معنى فعلا .. الحركه ابعد ماتكون عن حركة علامة الشيطان واقرب ماتكون للغة american sign ****************

    وهالحركه معناها ily sign يعني اختصار حق i love you .. رمز كله تفاؤل وبراءه

    لكن اللي يشوف ان كل شي حوله عباره عن مخطط صهيوني وماسوني وعايش بقضية المؤامره لازم يحلل الامور كذا

    ومن هالطفل العجيب اللي بيحرك الفلم بالسلو موشن عشان يسمع عبارة البساط السحري اللي مالها وجود اصلا

    اذا احنا الكبار ماسويناها ولا انتبهنا لها

    ولا بيقعد يشوف بالحركه البطيئه حركة الاصابع والايحائات وكلمة جنس ومادري ايش

    ياخي تكلموا بما يعقل .. خليتونا نشك بملابسنا وبالهوى اللي نتنفسه !!!

    وبخصوص مشهد فانتازيا ياليت لو اصحاب المشروع كملوا خيرهم وحطوا باقي المقطع

    مو يعرضون الجزء اللي يبونه .. واللي مايخدم رسالتهم يشلونه !! .. مثل اللي يقول لا إله .. وشال كلمة إلا الله !!!

    الشيطان اللي انحط بالمشهد شصار فيه؟ شفتوا الفلم ولا لا؟

    لو ان ديزني فعلا ماسوني ومن عبدة الشياطين هل كان فكر يعمل مشهد ينهان فيه الشيطان ويتدمر ويموت بأخره والخير بالاخر ينتصر عليه!!

    الله يخليكم قولوا شي عدل مقنع !!!

    واحلى شي ان الاخ عارف كل شي ومايفوته اقل شي .. قال ان الشخصيات الجامايكيه بحورية البحر تلقي لعنات على الاطفال

    على اساس ان الاخ سمعه خارق وعارف جامايكي .. اذا الجامايكيين نفسهم ماسمعنا منهم هالملاحظه اللي اكيد لو اسمعوها راح تستوقفهم !!

    واحلى شي لما تكلم عن مايك ايزنر .. الحين احنا شدخلنا بحياته الشخصيه اذا تزاعل مع زوجته او اذا حب له شاذ!!

    يعني كل اللي يشتغلون بديزني لازم يكونون مطاوعه مثلاً ولا ناس معصومين عن تصرفات باقي البشر اللي عايشين برا ديزني !!!


    لو باقعد ارد على كل نقطه ماراح اخلص

    ياخي والله خليتوا الناس يشكون بكل شي حولهم !!!
    تحياتي لكم
    التعديل الأخير تم بواسطة qatari911 ; 13-03-2012 الساعة 01:11 PM

    بعض الناس أفواههم اكبر من عقولهم
    يتحدثون وكأنهُم حُكماء ولكن للأسف جهله
    أطفال غير ملومين فالننظُر إليهم كأننا نشاهد
    الطفل عندما يقول " لعبوني وإلا بخرب "
    كفى بالمرء كذباً أن يحدّث بكل ما سمع .

  7. #17
    عضو
    رقم العضوية
    34969
    تاريخ التسجيل
    Oct 2010
    المشاركات
    270
    أول مره أسمع عنه

  8. #18
    عضو الصورة الرمزية عميد الريان
    رقم العضوية
    4359
    تاريخ التسجيل
    Oct 2005
    المشاركات
    310
    للتصحيح بس
    هذا برازيلي واللغه هي برتغاليه

  9. #19
    عضو نشط جداً الصورة الرمزية بنت شيوخ
    رقم العضوية
    33637
    تاريخ التسجيل
    Aug 2010
    الدولة
    بعز ابـــــــــوي
    المشاركات
    1,290
    صدددددددددددددددددمه احنا اليهال كلهم لاقريب ولا بعيد كله عالم دزني حولهم حتى اللبسس نشوف عليه 33 بس مش عارفين لاهم والا احنا وش 33

    وكل سنه اكبر مشترياتهم اليهال من عالم دزني غير اللي يوصونا نجيب لهم معانا



    صج صدددددددددددددددمه تميت اتخيل ليون كنج ومسيقى المسلسل

    جزاك الله كل خير اخوي
    خلك عزيز النفس والعز مبداك

    وكلن عطه تفصيل ثوبه ع قده

  10. #20
    عضو نشط
    رقم العضوية
    3725
    تاريخ التسجيل
    Sep 2005
    المشاركات
    574
    أشكر أخواني وأخواتي على المرور والمداخلة وأحترم كل الآراء
    ومن خلال بحثي وجدت حلقة عن خطر الأفلام الكرتونية للشيخ نبيل العوضي .
    http://www.you tube.com/watch?v=4REySfdRgKw
    وأرجو من الله أن يحفظ أبنائنا .

صفحة 2 من 2 الأولىالأولى 12

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •