ماهي الاشجار المثمره التي تزرع في الخليج

[روح الاطلس]

هع تحداني مب على كيفج ماتصورين نبي اصور وايد وايد وايد هااااااااااالكثر اذا ماعليج امر ولا كلافه

وايد افادني ردج ان شاء الله ببيتنا اليديد اول شي بكلم قطر خضراء يصممون لي حديقة وعقب بزرعها واهتم فيها

وربي يخلي لكم الوالد ويطول بعمره يارب

تدرين ان الزراعه فيها أجر عظيم لحديث من كان في يده غرسة شجر وقامت الساعة فليغرسها

بالنسبة للرمان في اعضاء يقولون يطلع لهم وانتاجه ممتاز يمكن يبي له عنايه خاصه ماعرفتوا لها

بانتظار رجوعج للموضوع يا سكرة

[تحداني]

حبيبتي روح الأطلس
ابشري بالصور .. عطيني وقت وراح اتشوفينها متصدره
بس اخاف بعد ما احط الصور بعد يقولون لي شي ... او يفسرونها ما ادري اشلون
صرت اخاف من موضوع الصور وايد .. احتمال ارسلها لج على الخاص ..

الرمان والله ما ادري عنه
بسأل الوالد مره ثانيه .. وبتأكد ليش هو جذي


الله يآجر الوالد والوالده
ويقولون لنا بعد ابوي وامي لا اتزخون الاشيره في الليل
ولا اتقصون وتقطفون شي منها مب زين
ومن احنه اصغار ماشين عليها ما ادري هالشي ليش ؟؟
وهل هو في مضره ولا لا ؟؟



الله يرزقكم يارب ابيت اكبيرررررررررررر في الدنيا هاااااالكبر
وايبصر من قصور الجنه قولي آمين

انا سكر
انتي عسل

والعسل على فكره تلقينه وايد في شجره الليمون
اذا الوالد ما عصره راح احط لج صورته بعد


جملك الله برضاه

[روح الاطلس]

عسل في شجرة الليمون! شلون من وين وكيف وليش اول مرة اسمع به


وبعدين ليه تحاتين الصور وايد حبوبتي اشفيها صور الشجر والفواكه ماعليج من اللي يحبون بس ينقدون انتي تدرين هالعالم عقولهم مدري شلون صايره على الطالع والنازل انتقاد

بخصوص لاتقربون صوب الشجر في الليل هاي اعتقادات انها بيوت للشياطين كنت اسمع هالكلام وانا صغيره مثلج الشجر والجبال والبحر بيوت ومساكن للجن والعلم عند الله لكن الواحد يتحصن بالمعوذات ويتوكل على الله

[khaldoon]

السلام عليكم و رحمة الله و بركاته

موضوع مميز و جديد على الساحة في هذا القسم

لو بغيتوا شجيرات و شتلات تعمر و جميله و شغل ديكورات بس مب مثمرة انا مستعد ادلي بدلوي حسب خبرتي المتواضعه في هذا المجال

خاصة الشجيرات الصغيره اللي هي shrubs

اما الاشجار غير المثمره بس حلوه...يمكن اقدر اساعد

مع اني زعلان من راعي الموضوع خخخخخخ بس يالله ما نقدر نخبي اي شي نعرفه عن الاعضاء الحلوين

[روح الاطلس]

بشمهندسنا حياك ادلي بدلوك وياليت مع الصور مافي اجمل من اللون الاخضر يحبه العين

بس احنا طماعين

نبي كل شي بالتفصيل والانواع وكيفية العناية واهم شي شلون اختار الشتلات وحجمها

[Aaziz]

موضوعك ممتاز جدا .. حمستني على الزراعه

من معلوماتي المتواضعه جدا بالزراعه انه مش في اي وقت تقدر تزرع النبته .. فيه اوقات معينه في السنه هي الي تقدر تزرع فيها و تختلف بحسب نوع النبته الي تبي تزرعها .
حتى اذا تبي تنقل شجره من مكان لين مكان ثاني داخل المزرعه لازم في وقت محدد في السنه .
اقتراح: ممكن تاخذ نسب درجات الحراره عندنا في قطر و الرطوبه الخ الخ و تاخذها معاك لاي دوله تسافر لها و تمر مشاتل هذه الدوله و تستفسر منهم عن انواع الاشجار الموجوده في البلد الي زايره الي ممكن تناسب جونا في قطر.

[khaldoon]

بشمهندسنا حياك ادلي بدلوك وياليت مع الصور مافي اجمل من اللون الاخضر يحبه العين

بس احنا طماعين

نبي كل شي بالتفصيل والانواع وكيفية العناية واهم شي شلون اختار الشتلات وحجمها

ولا يهمك...اللي اعرفه راح اكتبه لكم بس طبعا مب بمشاركة واحده...راح يكون على عدة مشاركات ان شاء الله

بسم الله الرحمن الرحيم

اشجار جميله و معمره ان شاء الله...الاسم اللاتيني العلمي طبعا علشان تعرفوا تحصلوا عليها من اي محل لو حبيتوا



callistemon viminilais
كاليستيمون فيمينيليز...مع اشكال اخرى تالية




Callistemon viminalis



Callistemon-viminalis---COD




Chamaerops_humilis
كاميروبس هوميليز
طبعا مشهوره جدا جدا ...مع صور تالية مكرره




Chamaerops_Humilis



Chamaerops_humilis_



Chamaerops_humilis_(Zingaro)



chammaerops humilis



chammaerops humilis



chammaerops humilis



delonix regia ديلونكس ريجيا



DELONIX REGIA (POINCIANA REGIA)
ديلونيكس ريجيا


Delonix regia




Plumeria Obtusa
بلوميريا اوبتوسا...مشهوره جدا جدا

في صور ما قدرت انزلها....مشكله في تنزيلها....على العموم يتبع لاحقا ان شاء الله

[khaldoon]

هنا الصور كلها كاميروبس هيميليز



Floridata Chamaerops humilis

[khaldoon]

هنا الصور كلها ديلونيكس ريجيا




Floridata Delonix regia

[khaldoon]

هنا الصور كلها بلوميريا اوبتوسا....مشهوره جدا



Plumeria obtusa, Singapore plumeria - TopTropicals_com, rare plants for home and garden