850 الف تقريبا ينزل عشرين يرتفع عشرين علي حسب كميات الحديد والخرسانه .
|
850 الف تقريبا ينزل عشرين يرتفع عشرين علي حسب كميات الحديد والخرسانه .
مشكورين ي أخوان على مشاركتكم في الموضوع
بخصوص سعر العظم + بلاستر :
خذيت أكثر من عرض سعر ب 800 الف الى مليون ريال على نفس الفيلا (( عظم بلاستر + تمديدات الكهرباء والماء الاولية ))
عندي اسئلة كثيرة ي ليت الي عنده خلفية عنها او احدها يفيدنا
أعمال الكهرباء والماء كم ممكن تكلفتها ؟ تركيب و مواد ؟
أعمال السباكة كم ممكن تكلفتها تركيب فقط ؟
أطقم الحمامات والمغاسل للنوع المتوسط كم تكلفتها ؟
الحجر السعودي لكامل الفيلا كم تكلفته ؟
العازل للاسطح والحمامات الله يكرمكم كم تكلفته ؟
أعمال السور الخارجي للفيلا ؟
كيف حسبة سعر تركيب السيراميك للفيلا كاملة ؟
كيف حسبة تركيب بلاط الحوش الخارجي كتركيب فقط ؟
الأبواب كم اسعارها إذا كان تيك ؟
النوافذ لو زجاج دبل قلاس بحريني كم سعر المتر؟
المطابخ كم تكلفة المتر؟
الأنوار الداخلية سبوت لايت كم ممكن تكلف ؟
الي يعرف أو وقع لفيلا مشابه ويعرف تكاليف شيء من الي فوق يفيدنا.
التعديل الأخير تم بواسطة معيذر جنوب ; 19-03-2012 الساعة 09:02 AM
عليكم السلامالمشاركة الأصلية كتبت بواسطة دروب
55805572
راجو
هندي
قوله انك من طرف فيلا الذخيره وبيعطيك سعر حلو ان شاء الله
مكان شركته الخور
تمديدات الماي والكهربا تعتبر اوردي من شغل المقاول
يعني ماياخذ عليك زياده ولا ريال
ايضا لا تنسى ان تمديدات المكيفات لازم تكون بعد من شغل المقاول
اهم شي عليه اشرط عليه ان سعر الطابوقه 3 ريال واكتبه فالعقد بعد
انصحك ماتاخذ واحد عربي
شوف لك باكستاني او هندي
سعر الكهربا انا وقعت مع كهربائي على ان تكون المجامع ماركة سيمنز
ناس انصحوني ب ام اي ام بس ماخترتها لان في منها ماليزي وانجليزي
ف حبيت ان مافتح مجال للكهربائي يلعب علي
والكيابل عمانيه والسويتشات تين بي الانجليزيه بعد لان في منها ماليزي
طلع علي الكهربائي ب 62 الف
طبعا لا تنسى مساحة بيتي الاجماليه 620 متر مربع
يعني مساحة بيتك ممكن يكون تقريبا اكثر ب 10000 الى 15000 ريال من بيتي
البايب فيتر اذا تبي بي بي ار الماني
انا للحين ماوقعت بس الاغلب ياخذون على الحمام الواحد بين 1800 الى 2300 ريال للحمام والمطبخ ب 2500 الى 2700
بس للحين ماوقعت مع احد انتظر واحد يرجع من السفر وبشوف سعره
عط الخباز خبزه لو كللا نصصصه
عطه مقاول لو غالي ولاتعطيه واحد يعلك ويعل بيت العمر نصيحه انا بنيت بيتي وبداياتي كانت نفسك اسأل عن كل شي ...
السور الخارجي من ضمن اعمال المقاول
ولا شلون توقع معاه وهو ماله دخل فالسور
السور الخارجي والبلاستر ماله المفروض يكون من ضمن اعمال المقاول
عشان ماتوصل للدفعه الرابعه وعقب يوقفون بنك التنميه
لان من الشروط تخلص السور الخارجي مع الملاحق
وسعر السور عندي من ضمن شغل البيت
يعني ماخذا علي زياده عشان السور
باقي الاساله لا تعور راسك فيها من الحين
لانك ماراح تقدر تجمع
خلص بيتك عظم بلاستر وكهربا وبايب فيتر عقب اسال عن باقي الاساله
لان كل شي ممكن يتغير
بالتوفيق ان شاء الله
وخذها نصيحه اياك ثم اياك توقع تشطيب كامل
وقع عظم بلاستر
وعقب شوف شغله
اذا عجبك وانت ماتبي تعور راسك وقع تشطيب معاه
ماعجبك شوف غيره
وانا افضل التشطيب تخلصه بنفسك
التعديل الأخير تم بواسطة مضارب دوسري ; 19-03-2012 الساعة 02:22 PM
شاكر لك مضارب دوسري
بخصوص السباكة كم متوقع تكلفتها عندك ؟
62 الف للكهربائي سعر حلو على فيلا 620م .
ويش سالفة سعر الطابوقة 3 ريال مافهمتها ؟؟؟؟؟؟؟؟
الطابوق انواع اخوي فيه الرخيص اللي لو تحط صبعك خرمته وفي منها القوي اللي لو تضربه فالارض مانكسرت
الطابوق احيانا يلعب عليك المقاول اذا ماذكرت خصائصه فالعقد
هي تحسب بالنيوتن او شي جذي
بس انا مالي في الخصائص
عشان جذي ذكرت ان سعر الطابوقه مايكون اقل من ريالين و 75 درهم
السباكه احسب كم حمام واضرب بسعر تقديري 2100 وبيطلع لك كم
واحسب المطبخ ب 2600
هذا اذا كان بي بي ار الماني
لتركي والبحريني ارخص
ضوابط المشاركة
رد مع اقتباس