اليوم في الدوام صار لي موقف مع احدى الزميلات في نفس المكتب
ارسلت لي رساله عن طريق (الماسنجر الداخلي ) بالغلط ..
وعرفت من الكلام المرسل اني انا المقصوده بهذا الكلام المسئ ..
فواجهتها بالكلام المرسل لي فانصدمت وتلعثمت
وقالت لي كنت بطرش الكلام حق فلانه ( زميله معانا في نفس المكتب )
اطلعوا يعقرون فيني وانا خبر خير
قلت لها بسألج سؤال واحد بس
قالت لي تفضلي
قلت لها شفتي مني شي ضايقج ؟ قالت لي: بالعكس ويهج ابيض وماقصرتي معاي في شي ..
ابتسمت لها وصديت عنها ..
انتهى الموقف
اول شي الحمدالله انه صار هالموقف اللي كشفها على حقيقتها والله طيحها في شر اعمالها
وثاني شي طبعا بضرب عليها اكبر اكس في العالم
هذا موضوع صار لي شخصيا اليوم
وانا هنا مب بهدف ذكر الموقف فقط وانما لطرح سؤال على الاعضاء الكرام ودعوه للنقاش..
لو انت مكاني وحصل لك هالموقف فما هو ردة فعلك ؟