صفحة 1 من 2 12 الأخيرةالأخيرة
النتائج 1 إلى 10 من 12

الموضوع: يصير اخذ العربون

  1. #1
    عضو
    رقم العضوية
    41221
    تاريخ التسجيل
    Dec 2011
    المشاركات
    201

    يصير اخذ العربون

    أخواني الي عنده فكره يفيدني الله يجزاكم خير
    انا دفعت لمحل نوح للخزانات عربون يمكن 20% من المبلغ الأجمالي واتفقت معاه ع التصاميم بس لسا ما أخترت اللون واحنا للحين ماركبنا الأرضيات ولاخلصنا الكرانيش حقت السقف والي أعرفه ان مستحيل يبدأون شغل الا لما تنتهي هذه الأشياء اضف اني مخبرتهم انه فيه مقاسات راح تتغير واللحين ابغي اكنسل معاهم وارد فلوس العربون لأن ماراح اكمل في البيت خبرتهم وارفضوا يردون المبلغ يقولون احنا نزلنا البضاعه للمصنع فكيف استرجع الفلوس وهل من حقي ولا لأ وايش التصرف المناسب معهم من غير دوشه

  2. #2
    عضو مؤسس
    رقم العضوية
    21272
    تاريخ التسجيل
    Jul 2008
    الدولة
    قطر
    المشاركات
    5,844

    ,

    ,


    مرحبا


    الله يعطيك العافيه

    ( هل في عقد اتفاق بينكم )

    الاتفاق على العمل وعمل تصاميم للمكان يعني اتفقتوا على كل التفاصيل

    ودفع المقدم المفروض يكون لشراء المواد

    اما مسئله البيت ما جهز فهذا ماله علاقه بالاتفاق لان هذا مسئوليه صاحب البيت
    والاتفاق ماله علاقه فيه مع المحل


    الموضوع ممكن يكون بشكل ودي مع ( صاحب الشركه ) او المدير المسئول

    وليس مع الموظف

    وممكن يتفهم الموقف ويرجع المبلغ

    وبالتوفيق




    ,

    ,


    اخوك


    شموخ دائم
    التعديل الأخير تم بواسطة شموخ دائم ; 22-03-2012 الساعة 02:29 PM

  3. #3
    عضو نشط جداً الصورة الرمزية diab911
    رقم العضوية
    19339
    تاريخ التسجيل
    Jan 2008
    المشاركات
    1,434
    العقد شريعة المتعاقدين

  4. #4
    عضو
    رقم العضوية
    41221
    تاريخ التسجيل
    Dec 2011
    المشاركات
    201
    ألأخوان شموخ دائم
    وdiab
    شاكرة لكم مروركم الكريم الي اعرفه انه مستحيل يبدأون يشتغلون اذا ماكان المكان جاهز
    غير اني ما أقدر اكمل فلنفترض اني ما أقدر اكمله المبلغ خلاص تروح فلوسي بعد المبلغ موب شوي

  5. #5
    عضو
    رقم العضوية
    34228
    تاريخ التسجيل
    Sep 2010
    المشاركات
    491
    من حقك أنك تسترجع العربون أذا مابدأ في الشغل ..
    لاإله إلا الله

  6. #6
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820
    غريب...يعني اللي اعرفه انه بيجون البيت و بياخذون القياسات و بيفصلون عليها او بناء على الخرايط (بس مب لشروع فيلا واحده)

    على العموم في عقد و الا ما في ؟

    مكتوب بالعقد انه العربون مسترجع او اي شي بهالخصوص يعني قيمة الدفعة الاولى و مسترجعه و الا مب مسترجعة و الا مب مكتوب؟

    حاول تتفاهم معاهم بشكل ودي و لو ما في امل و راحت عليك و مب مرجعينلك المبلغ قلهم عطوني الخشب اللي نزل المصنع و انا صرت دافع حقه....ابي اخذه احرقه و اتدفى فيه...طالما هم ما تنازلوا عن حقهم لو انه لهم حق انت بعد ما تتنازل و المعاملة بالمثل ....تعتقد وقتها يقدرون يرفضون طلبك؟

  7. #7
    عضو
    رقم العضوية
    32636
    تاريخ التسجيل
    Jun 2010
    المشاركات
    143
    هل مكتوب في الايصال عربون ؟؟؟ ام دفعة ؟؟


    لان العربون المفروض لا يسترد خصوصا في حال حدوث خسارة او بدء العمل

    اما الدفعة فيجوز استرجاعها طالما لم يتم البدء في الاعمال خصوصا وانك للحين ماخترتي اللون

    فكيف يكون بدأ؟؟؟
    وذوقيا المفروض يرجع المبلغ علشان سمعته ونزاهته

    على كل حال لو أل نوح قطر اللي في طريق سلوى انا ممكن اساعد

    وبالتوفيق

  8. #8
    عضو
    رقم العضوية
    41221
    تاريخ التسجيل
    Dec 2011
    المشاركات
    201
    شاكرة لكم مروركم جميعا الله يجزاكم خير

    اقتباس المشاركة الأصلية كتبت بواسطة خبير ديكور مشاهدة المشاركة
    هل مكتوب في الايصال عربون ؟؟؟ ام دفعة ؟؟


    لان العربون المفروض لا يسترد خصوصا في حال حدوث خسارة او بدء العمل

    اما الدفعة فيجوز استرجاعها طالما لم يتم البدء في الاعمال خصوصا وانك للحين ماخترتي اللون

    فكيف يكون بدأ؟؟؟
    وذوقيا المفروض يرجع المبلغ علشان سمعته ونزاهته

    على كل حال لو أل نوح قطر اللي في طريق سلوى انا ممكن اساعد

    وبالتوفيق
    أخوي مومكتوب عربون وهالمبلغ دفعه اولى من القيمه والمحل نفسه أل نوح الي بشارع سلوى
    واتمنى كل شي يخلص بشكل ودي وجزاك الله خير وبارك الله فيك

  9. #9
    عضو نشط
    رقم العضوية
    24407
    تاريخ التسجيل
    Mar 2009
    المشاركات
    827
    بالنسبة أنهم نزلوا البضاعة للمصنع فأعتقد أن هالكلام قالوه علشان ما تلغين العقد معاهم ..

    أختي أنا من شهرين ونصف قالي المسؤول أن خلاص احنا نزلنا الطلب المصنع وشغالين فيه ولين هذا اليوم ما شفت منهم غير المراوغة والوعود غير الصادقة ومن اسبوعين بس بعد تهديدهم بالبحث عن مسؤولهم والشكوى عليهم اتصل فيني المسؤول في المصنع وقالي يومين ونخلص الخزاين بس المصيبة أن طلب مني التصاميم لان لا عنده تصاميم ولا شي وكان المفروض ان المهندس مطرش له التصاميم من قال لي ان الشغل نزل المصنع . . وطبعا دخلت الحين في دوامة جديدة من التأخير مع المسؤول اللي في المصنع حتى تصاميمي نسيتها وطرشت له تصاميم بسيطة علشان يخلصوني بسرعة ومع ذلك كل يوم اليوم ولا شفت شي .

    يعني لو كانت البضاعة نزلت المصنع للتصنيع كان استلمت الخزاين من شهرين فلا تصدقين انهم بدوا في الشغل .

  10. #10
    عضو
    رقم العضوية
    19642
    تاريخ التسجيل
    Mar 2008
    المشاركات
    145
    القانون المدني القطري 22/2004
    المادة رقم 101

    ((إذا عدل من دفع العربون فقده ، وإذا عدل من قبضه التزم برده ودفع مثله ، ذلك ولو لم يترتب على العدول أي ضرر . ))

    يعني إذا انتي هونتي.. راح عليك
    واذا هو هون.. يدفع لك الدبل..

    بشرط عدم وقوع الضرر

    وهذي قاعدة مكملة يجوز تتفقون على خلافها...

    اما إذا ما كان فيه عقد أو اتفاق .. فترجعون للأصل العام اللي هو هذي القاعدة
    الا إذا تم انهاء الموضوع بشكل ودي بينكم ورجع لك العربون


    بالتوفيق

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •