كم الدفعة الأولى لأي عقد أتفاق ؟

[عضو المنتدى]

السلام عليكم ورحمة الله وبركاته

في حالة الأتفاق لأنجاز بناء أو صيانة أو تركيب أبواب ....الخ مع أي طرف ثاني

كم قيمة الدفعة ألأولى المتعارف عليها قانونيا لإنجاز هذا العمل ؟

لأن الطرف الثاني يبالغ في قيمة الدفعة الأولى وتكون النتيجة أما شغلة زفت

أو يماطل ويتباطئ في العمل ...ويحصل خلاف بين الطرفين أو لا يكمل شغله ...

ويتعمد الهروب من الأتفاق .

هل هناك قيمة محددة للدفعة الأولى ؟ ثم الدفعة الثانية ؟ ثم الدفعة الأخيرة ؟

أرجو إلي عنده خبرة يخبرنا بارك الله فيكم .

[شموخ دائم]

,

,


مرحبا


اخوي الكريم

سؤال طيب ومهم بنفس الوقت

العقود بشكل عام مالها ارقام محدده في الدفعات و كل مجال تختلف وحسب النشاط
وحسب القيمه الكليه للعقد

على سبيل المثال المقاولات توصل الدفعات الى 10 دفعات واكبر دفعه هي الدفعه الاولى
على اعتبار الاساس يحتاج كثير مواد وكثير شغل وعاده تكون النسب
15% من قيمه العقد او 10 % من المجموع الكلي للعقد

بالنسبه للاعمال الاخرى الي تكون القيمه فيها اقل من 100 الف
عاده تكون من ( دفعتين ) 50% مقدم و 50% بعد الانتهاء من الاعمال
ومعظم الشركات في قطر تحب هذا النظام يوفر سيوله لها لشراء المواد ...الخ

اما الافضل انها تكون على4 دفعات كل دفعه 25% فيها ضمان اكثر ( للزبون ) وتوزع حسب الانجاز في الاعمال وتوضح بالعقد بعد الانتهاء من كذا و كذا ... الخ

ولكن هناك امور كثيره

اذا توجد ثقه بين الطرفين وسبق ان تعاملنا مع المكان وهو مشهود له بالامانه ممكن نستخدم
طريقه ال 50 %

واهم شي بالعقد ( مده انتهاء الاعمال ) شهر من استلام الدفعه الاولى مثلا او 45 يوم
و الشرط الجزائي على التاخير كل يوم مبلغ وقدره ... الخ

ونستلم ( ايصال ) عند كل دفعه ندفعها موضح فيها المبلغ ورقم الدفعه

هذا شي ضروري حتى لو نعرف المكان لانها امور مهمه وتحصل خربطه احيانا
وعلينا ان نعرف ان مو كل الشركات جيده وعندها محاسبين ترى الخربطه تحصل كثير
خاصه من الشركات الي مديرها ( عربي )
مافي سستم عند البعض منهم للاسف ومافي تنظيم

الهنود اكثر تنظيم واكثر درايه بالكمبيوتر والبرامج
خاصه عند الشركات الكبيره

اما الي بالشارع لا هندي ولا عربي كلهم سيم سيم





,


,

اخوك


شموخ دائم

[المهندس عبدالعزيز]

إذا كان قيمة الدفعة المقدمة كبير يفضل أن يكون ضمان من البنك عليها

لأن الحرامية وايد وانا اخوك

[عضو المنتدى]

يعطيكم الف عافية أخوي شموخ والمهندس عبدالعزير على ردودكم

الموضوع مهم خاصة كما ذكرت أخوي شموخ فترة أنتهاء الشغل لازم تحدد .

المشكله لاحظتها في الطرف الثاني إلي يطلب أكثر من 50% خلال الدفعة الأولى أو الثانية

الصراحه هذا الشخص غير واثقة من عملة و شغلة يطلع زفت وشخص طماع

ويجب الحذر منه .

والي يعجب في بعضهم يقولك عطنى 10% وشوف الشغل إذا عجبك عطني الباقي .

هذا الشخص يعجب واثق من عملة .وحتى لو كان غالي يفضل التعامل معه .

ويعطيكم الف عافية

[خليفـة]

ماشاء الله عليك اخوي شموخ
بعد مشاركتك هذي
وين بعد الواحد يقدر يجاوب ؟
هههههه
كفيت ووفيت بارك الله فيك
والله لا يحرمنا من تواجدك بيننا


خليفــة