استشارة في مساحة الحمام

[يونيك ^ قطر]

السلام عليكم ورحمة الله وبركاته ..

حبيت اخذ رايكم في مساحة الحمام عزكم الله وهو للغرفة الرئسية
مساحة الحمام مترين في مترين تقريبا وانا حابة احط جاكوزي وشور بوكس هل المساحة مناسبة مع العلم ان الجاكوزي مساحة 80 *80 ابيكم اتفيدوني على شان اضيف هذا في المخطط ..... وتسلمون

تحياتي للجميع ....

[العرّاف]

اعتقد انها مش مناسبة ابدا ابدا ... بعدين اشلون جاكوزي 80 *80 ماعتقد الابعاد صحيحة

اذا تبين جاكوزي وشاور بكس وكامل معدات الحمام ... اعتقد 3*3 بيكون مناسب

[يونيك ^ قطر]

تسلملي اخوي العراف
بس المفروض كم اتكون مساحة الحمام والجاكوزي هو منفصل لا الشور ارضي يعني اللي يكون مسكر بس بزجاج ......

[العرّاف]

تسلملي اخوي العراف
بس المفروض كم اتكون مساحة الحمام والجاكوزي هو منفصل لا الشور ارضي يعني اللي يكون مسكر بس بزجاج ......

المساحات شي نسبي كل واحد حسب نظرته واحتياجه
انا اشوف اذا تبين حمام يناسب غرفة رئيسة اقل شي يكون 3*3 عشان تقدرين تحطين جكوزي وتحطين شور مسكر اب زجاج ومايكون المكان ضيق .. وكل ماوسعتي كل ماكان اشرح واحسن .. بس كلة يعتمد على مساحة البيت والتوزيع

[khaldoon]

بما انك بتحطي جاكوزي في الحمام فأنصحك انك تكبرينه شوي و تخلي في مساحات فارغة في الحمام و هالشي افضل و اريح و افخم

يعني غير مساحة المغاسل و ال w/c و bidet في عندك بعد shower و يكون مثلا له باب زجاجي و يفضل تسوي له جلسة من السيراميك او الرخام فبتكون مساحته على الاقل لوحده 1.0*1.5 م غير الجاكوزي اللي تقدري تاخذي مقاسه من المحل اللي تبي تستوردينه منه فشوفي عاد كم تبين مساحة

ما شفت جاكوزي 0.8*0.8 م

[حسن]

اتركي الجاكوزي وخليه عنك كله صيني كشره ووايراته تعبانه خطر عليك غيري الفكره احسن

[يونيك ^ قطر]

اشكرك اخوي خالدون واخوي العراف على الرد
اما انت يا خوي حسن فا شورتك وهداية الله ......*

[ولد المنصور]

كنت ابي جاكوزي بس خفت ... بانيو كبير عادي احسن لا كهرباء ولا شيء....

[شموخ دائم]

,

,


مرحبا


احسن مساحه للحمام لنا في قطر هي 2×3

اما مساحه 2×2 المساحه هذي نفس مساحه حمامات الفنادق
ولذلك لازم التوزيع يكون نفس توزيع الفندق
ونستغل كل سانتي متر فيه


الجاكوزي اذا النظام الي زي الشاور واقف
هذا ما ياخذ مساحه
بس نحتاج شي اصلي جاكوزي انجليزي او الماني
مافي مشكله

,

,

اخوك


شموخ دائم

[@north_star@]

المساحة ما تصلح لجاكوزي لانه احجام الجاكوزيات اقل شي 150x90 المستطيل والزاويه 140x140 ,وبالنسبه للجاكوزي ما انصح ابدا بالصيني وبالمقابل فى نوعيات فرنسيه وامريكية بالسوق واسعارها تبدا 8000 ريال الى 90000 الف حسب الحجم والمواصفات والصناعة