انا اعمل بديكور صبغ و الورررررق بس انص دايما الصبغ احسن
|
انا اعمل بديكور صبغ و الورررررق بس انص دايما الصبغ احسن
الورق أفخم وأرقى وأهدأ
ويخفي عيوب الجدار..
أنا بيتي كان صبغ قلبته كله ورق فطلع أحلى بكثير..
الورق ممكن يخفي عيوب الشقوق في الحوائط بس هل يقدر يخفي تموجات الحوائط ؟....ما اعتقد... انت يا اختي الفاضله ايش رأيك؟المشاركة الأصلية كتبت بواسطة الأصيلة
طبعا الورق أفضل وافخم ويغطي عيوب الحائط .. الأهم انك تختبر نوعيه الورق قبل تركيبة مثل مدى تأثرة بالضربات الخفيفة وأمكانية مسحه في حالة اتساخة
وبالنسبة لتغييرة فهو سهل جدا وأريح من تغيير الصبغ .
ولكن لا أنصح بوضع ورق الجدران في الممرات والصالات .
المهم كم سنة الضمان على تركيبه انه ما يتقبع خاصة عند الفواصل؟!!
موضوع جميل
للي مركب ورق جدران..تنصحون بنوع او معين او ماركة معينة
ياجماعه في اصباغ من تشوفونها ماتفرقون بينها وورق الجدران
يعتمد على التركيب عندي ورق جدران كمل 10 سنوات وما تغير ولا تشقق . ودايما احتفظ بالزيادات لان ممكن تغير المكان اللي يصير في تشقق بكل سهولة .
ابتعد عن النوع اللي على شكل قماش أو جلد أو مخمل لأن بسهولة تتأثر بالضربات الخفيفة .
النوع الأمريكي والايطالي ممتازين .
اللي بيركب مساحات كبيرة وغرف كثيرة انصحه يشتري الورق من الأمارات لان بيطلع عليه بنص السعر مع التركيب في الدوحة .
الورق يعطي فخامه للمكان اذا كان الاختيار صح ..التناسق في الالوان والتصميمات المختاره مهم جدا..
في عدة انواع من الورق وانصح بالابتعاد عن " الورق الصيني"..
من صفات الورق:
1- في نوع مايحتاج "صمغ" للتركيب(Prepasted).. ضيف الماي وركب.
2- في نوع "ضد الخدش"(scrubbable).
3- في نوع" قابل للغسيل"(washable).
4- في نوع ممكن ازالته بسهوله(peelable).
واحسن نوع هو المصنوع من solid vinyl وهذا النوع يتحمل الرطوبه.
الاسعار من 25 ريال - 100 ريال للرول(5 ريال - 20 ريال للمتر المربع بدون تركيب)
نموذج من الاشكال المتوفره(كندي وامريكي واوروبي)
الصبغ عملي اكثر بس الورق احلى كشكل
ضوابط المشاركة
رد مع اقتباس
