حسافة كنت أحسب إنك تقدر طيبتي ووفاي :.. ــــــــــــــــــ !
على أمرك يالحبيب اللي تذكر لي طلب فرقاي
مدامك ماتبي وصلي أنا وش عاد يبقيني
أبحفظ مابقي لي من كرامة وأبتعد بخطاي
على درب الغياب ووين ماودي يوديني
وإذا حرك معاليقي هواك وحدني لقصاي
دعيت الله يصبرني يطمن قلبي وعيني
وطلبتة مثل مامكّن غلاك وثبتة بحشاي
يشيله من عروقي قبل نار الوجد تنهيني
وربي لو أعرف إني أبثني عزمك برجواي
أموت ولاترجيتك وقلبك مرخصاً فيني
لو إنك قلتها تبغى تشوف معزتك جواي
أو إنك قلتها ساعة زعل والذنب كاسيني
لجيك بكل مافيني من أول داخلي لتلاي
وأجي لرضاك لو أخسر من أجلك سنيني
وأنا اللي منك عانيته قتل نار العتب بشفاي
غرام مات في عينك على فرقاك يغريني
حسافة كنت أحسب إنك تقدر طيبتي ووفاي
نعم وتقدر العشرة تجاملني وتراعيني
توقعتك تكون أخلص عشير جابته دنياي
أشك بكل هالدنيا وتبقى ماتخليني
طلبت البعد في وقت أبيك تكون به يمناي
بعد ماجارت أيامي وحرت يديني
ولا يخفاك لوعات الليال وضيمها وياي
وأنا أدري ماإنت نافعني وجودك بس يكفيني
على كل حال ماينفع ملامي لك ولا شكواي
فمان الله أبرحل للغياب إللي يناديني
|
رد مع اقتباس
