محتار في البورسلان وابي مشورتكم

[مهندس اسهم]

السلام عليكم ورحمة الله وبركاته

اخواني حبيت اسألكم عن البورسلان حق المجلس والصالات اللي يشبه الرخام اللي يسمونه زيرو جوينت. وين اقدر احصله؟ ممكن تذكرون لي محلات معروفه مثل نابينا وثقه مثلهم؟ وحد فيكم شاف اللي في نابينا؟ فيه 60 في 60 ايطالي على قولتهم يشبه الكريم مارفيل؟ وفيه بعد يشبه الامبرادور والجالكسي والكراره بس 80 في 80
وهل فعلا انه لما يتركب ما يتركب زيرو جوينت لازم يكون فيه فراغ 1مم؟
وعندي سؤال حق اللي ركبهالنوع . هل يطلع فخم فعلا؟ ويستحمل وزين؟ ويبين فعلا كأنه رخام؟

والله اخوكم محتار والله يجزاكم كل خير وخصوصا كل من بيرد علي ويريحني ويجاوب على اسألتي

ومشكورين وما قصرتوا من الحين

[حسن]

انا ركبت نوع كانه رخام عند كافود وكان سعره غالي شوفهم واهم شي اللى يركب هو المهم يقدر يطلعه
تحفه ويقدره يطلعه الله لايرويك

[مهندس اسهم]

انا ركبت نوع كانه رخام عند كافود وكان سعره غالي شوفهم واهم شي اللى يركب هو المهم يقدر يطلعه
تحفه ويقدره يطلعه الله لايرويك

ما تقصر اخوي حسن جزاك الله الف خير وكلامك عدل والله اللي يركب هو اللي يبينها حلوه وفخمه والا لا

بس اسمحلي الشيخ على هالسؤال بكم خذته؟ وصناعة وين؟

[dream~qa]

فعلا الأهم هو التركيب .

[مهندس اسهم]

فعلا الأهم هو التركيب .

مشكور على المرور

[حسن]

ما تقصر اخوي حسن جزاك الله الف خير وكلامك عدل والله اللي يركب هو اللي يبينها حلوه وفخمه والا لا

بس اسمحلي الشيخ على هالسؤال بكم خذته؟ وصناعة وين؟

والله ماذكر بس كان غالي لاتسئلني كم دفعت كنت كله هواش مع المره
مادري اعتقد اسباني بس بورسلان كانه رخام عند كافود وذا تبي خصم ترا عندي خصم خاص
باسم اخوي
اذا موصر على السعر باحاول ادور في ملفاتي لان كنت اسجل جميع المصروفات
وكم التكلفه

[ولد المنصور]

هلا اخوي ..
السيراميك زين ويستحمل .. بس لاتركبه زيرو زيرو افضل شي 1مل او 2مل .. لان اخوي مستحيل يطلع في مستوا واحد لازم بلاطه طالعه عن بلاطه وهذا خطر على البزران لانهم يمشوون حافييين هههه الله يعزكم ..
المهم الرخااام افضل واحلى بوااايد وفيه انواااع اسعارهم ارخص من البورسلان نصيحه حط الرخام ....

[مهندس اسهم]

والله ماذكر بس كان غالي لاتسئلني كم دفعت كنت كله هواش مع المره
مادري اعتقد اسباني بس بورسلان كانه رخام عند كافود وذا تبي خصم ترا عندي خصم خاص
باسم اخوي
اذا موصر على السعر باحاول ادور في ملفاتي لان كنت اسجل جميع المصروفات
وكم التكلفه

هههههههههههههه دام فيها هواش مع المره لا ما راح نذكرك

خلاص الشيخ بمر على كافود وبشوف سعرهم ويعطيك الف عافيه والله يجزاك الف خير

على فكره انا اليوم شفت محل في المطار اسمه ارام عند المخازن الكبرى عنده بس صيني درجه اولى ب 110 ريال قبل الخصم بس اللون وايد حلو وقريب من الكريم مارفل. فما اعرف هل هو زين؟

[مهندس اسهم]

هلا اخوي ..
السيراميك زين ويستحمل .. بس لاتركبه زيرو زيرو افضل شي 1مل او 2مل .. لان اخوي مستحيل يطلع في مستوا واحد لازم بلاطه طالعه عن بلاطه وهذا خطر على البزران لانهم يمشوون حافييين هههه الله يعزكم ..
المهم الرخااام افضل واحلى بوااايد وفيه انواااع اسعارهم ارخص من البورسلان نصيحه حط الرخام ....

هلا اخوي ولد المنصور

والله اعرف الرخام احلى و افخم لكنه اغلى بوايد فعلى سبيل المثال البورسلان اللي يشبه الرخام واسباني عند نابينا ب 150 ريال قبل الخصم تعال شوف الرخام التركي النوع اللي عجبني بين 350 و 390 قبل الخصم ضيف عليه تقريبا 50 ريال نعلات ضيف عليه سعر التركيب والجلي والبولش فما بالك لو خذت ايطالي او اسباني غير انه يقولون انه اللون راح يبهت لو ركبت الرخام

بس انا اتكلم على اللون اللماع من البورسلان واليوم والله وديت اكثر من شخص وياي وقالوا فعلا لو تركبه كأنك مركب رخام نفس الشكل.

ثاني شي بالنسبه انه ما يتركب زيرو جوينت كلامك صح الكل نصحني تخلي فاصل 1 مم علشان ما يتمدد فكلامك صح ميه في الميه

على فكره اخوي ولد المنصور انا ابني عند نفس المقاول من خلال ما قريت في احد مواضيعك والله شخص محترم ويحاول بقدر ما يقدر يسوي اللي انت تبيه فإن شاء الله تكون انت بعد توفقت معاه

ع العموم مشكور اخوي والله يجزاك الف خير على نصايحك

[ولد المنصور]

تسلم اخوي مهندس اسهم وان شالله تهندس بيتك على كيفك ... والله يوفقك واذا لك خاطر تمر وتشوف البيت بيتك انا في الخيسه او ل لفه يمين .....