مساء الخير ،،،
ابي محل شغله نظيف وحلو للحديد المشغول ( درابزين الدرج + باب الحوش والكراج + باب الصاله والمجلس )
وابي بعد محل يبيع مكينة الباب السحاب حق باب الكراج
فالي يعرف ومجرب ياريت يقولنا عن احسن المحلات واسوء المحلات بعد
|
مساء الخير ،،،
ابي محل شغله نظيف وحلو للحديد المشغول ( درابزين الدرج + باب الحوش والكراج + باب الصاله والمجلس )
وابي بعد محل يبيع مكينة الباب السحاب حق باب الكراج
فالي يعرف ومجرب ياريت يقولنا عن احسن المحلات واسوء المحلات بعد
التعديل الأخير تم بواسطة الحـ قطر ــب ; 31-03-2012 الساعة 08:51 PM سبب آخر: خطأ املائي
بالتوفيق ان شاء الله
درابزين اللي في السد وفي محل درابزين اللي في المطار سعره اقل لكن بيتاخر ومش صادق
في مواعيد والله يعين
بنسبه للباب الرئسي وشوف البقالي شارع سلوى عنده هال الشغلات
للرفع يا حلوين
شدعوه شباب ترى طالبين رايكم مب فلوس
هلا اخوي قطر الحب ..
بالنسبة لي شخصيا غير شركة جيرسي وشركة البيت الاوتوماتيكي ماراح اختار , يمكن سعرهم اعلى من الشركات الموجودة بالسوق , ولكن خذ جودة فالشغل وخدمات مابعد البيع بناء على تجارب الغير , وفي اكثر من عضو اللي لهم وزنهم وثقة الناس فيهم اثنوا على هالشركتين ..
البيت الاوتوماتيكي شركتهم موجودة جنب نادي السد , وشركة جيرسي موجوده على اشارات السد (وكالة النيسان) جنب سفريات علي بن علي ..
الله يوفقك وتلقى مرادك ان شاء الله ..
الزلزال / حسن / السهم
تسلمون وماقصرتوا بس وننتظر باقي الاخوان و الخوات بعد عشان مايزعلون
تعاملت مع درابزين و درابزين بلازا و للاسف كل واحد فيهم اسوأ من الثاني من ناحية السعر و جودة الشغل و بالاضافه ان ما عندهم المنيوم مشغول بشكل كامل ،، ركز معاي ،، المنيوم بشكل كامل يعني راح يعطيك البيبان حديد و مزخرف بالالمنيوم ،،
اما حاليا اتعامل مع البيت الاوتوماتيكي و اخوي السهم ذكر بجودة الشغل عندهم و ما قصر ،، و انا أأكدلك بأن السعر اقل من درابزين و الجوده اعلى بمراحل و الخدمه و الاحترام لا يعلى عليه و تأكد ان شغلهم على الالمنيوم المشغول و مافي قطعة حديد و هذا الشي اللي يميزهم عن غيرهم ،،
اخوي نصيحه مني ،، لا تسوي بيبانك من الحديد المشغول و روح للالمنيوم المشغول لان الالمنيوم ما يصدي و جودته اعلى بكثير و خاصه اذا في اماكن اللي تصيده الماي من الغسيل و الخ ،،
ربي يوفقك ان شاءالله ،،
اختلف معاك اخوي بخصوص الالمنيوم المشغول وخاصه للابواب الخارجيه المعرضه لاشعة الشمسالمشاركة الأصلية كتبت بواسطة oreo
لانه ما يتحمل حرارة الشمس ويتكسر الى قطع صغيره واللحام يفج بسرعه
وللامانه صار لي شهر اراكض ادور على اي حد يصلح لي الباب وكلهم انصحوني اني اغير الباب الى باب حديد لان تصليح الالمنيوم المشغول اغلى من تركيب باب جديد من حديد
وللعلم الباب كلفني قبل 5 سنوات 2300 ريال اليوم التصليح يكلف 2500 اليوم
اما درابزين الدرج عادي ما عندك مشكله وخاصه اذا عيالك هاديين
استغفر الله الذي لا اله الا هو الحي القيوم وأتوب اليه
الاختلاف في الراي لا يفسد في الود قضية ،،
بخصوص بابك يجوز فيه شي اخوي او منضول و عين ما صلت ع النبي
لان درجة ذوبان الالمنيوم ٦٦٠ C و انصهار الالمنيوم ٢٠٥٠ C ،، لكن ما ادري اشلون تفتت عندك لان شي غريب تبي الصراحه ،، و بخصوص اللحام يفج !! لحام الالمنيوم مستحيل يفج الا لو اللي صنعلك الباب لاحم الالمنيوم مع الحديد ،، لان اذا لحمهم مع بعض ما راح يتماسكون مع بعض و السبب بأن الحديد يرجع لحالته الطبيعيه تحت ١٢٥٠ درجه و بعدها الالمنيوم ٦٦٠ درجه و هذا يعني الحديد يرجع لحالته الطبيعيه قبل الالمنيوم و مستحيل يندمجون مع بعض ،، كل شي جايز تبي الصراحه ،،
جرب روح عند بيت الاوتوماتيكي و خذ لفه عليهم و شوف النوعيه و الشغل و سماكة الالمنيوم و الالمنيوم اللي عندهم صب و مهب قص و لزق مثل بعض المحلات الله يهديهم،،
لاحظ اخوي الوحش ،، شبابيك البيوت كانت كلها المنيوم و عمرت سنين و بدون ما تتفكك و تنكسر و الخ ،،
اخوي الوحش ما عليك امر ممكن تذكر اسم المحل عشان نتجنبه و نشوف ايش سالفة المنيومه ،،،
ضوابط المشاركة
رد مع اقتباس