مساعدة مطلوب أزالة مخلفات البناء

[ماجد]

عندي مخلفات بناء خارج البيت وداخل

البيت وابي ازيلها ومتوهق لاني ابي اطلع

شهادة انهاء بناء وقالولي لازم تزيل

المخلفات. اللي يعرف حد يقدر يزيل

هالمخلفات اكون ممتن له

[السد]

موضوع مهم

[khaldoon]

مقاولك اللي بنالك البيت لازم يشيلها على حسابه مب انت

[حسن]

المفروض مثل ماقالك اخوي خلدون المقاول هو الملزوم بشيلها لكن اذا انت اللي باني مافي الا تشوفلك في الصناعيه من هل البتان وتتفق وياهم

[PGR]

مقاولك اللي بنالك البيت لازم يشيلها على حسابه مب انت

نفس كلام اخوي خلدون

[ماجد]

مقاولك اللي بنالك البيت لازم يشيلها على حسابه مب انت

للأسف المقاول ماكمل

شغله وراح واحنا بدينا بالتشطيب من فتره

مع ناس غيره

[khaldoon]

اتكلم معاه بالذوق و الاخلاق و لو ما نفع قوله انك بتروح للشرطه و فعلا روح مب خسران شي...اما انهم يساعدوك او ما يساعدوك...صدقني لو بس واحد بيتصل عليه من الشرطه من باب انه يبي يخدمك و مب شغلهم بتشوف كيف بيشيل الدفان

انا سويت هالشي من قبل بتصليح كمبيوتري و الله يجزيهم كل خير الشرطه ما قصروا بس تليفون صغير و فعلا رجعلي اياه مثل ما كان ببلاش و اول كان يبي يدفعني بالمئات على غلطه هو مسويها


و لو باقي له فلوس لا تدفعله

[ماجد]

مشكووورين خلاص حصلتلي بتان نشمي بيسويللي الشغل

الف شكر للعضو اللي طرشللي الرقم على الخاص

[ماجد]

اتكلم معاه بالذوق و الاخلاق و لو ما نفع قوله انك بتروح للشرطه و فعلا روح مب خسران شي...اما انهم يساعدوك او ما يساعدوك...صدقني لو بس واحد بيتصل عليه من الشرطه من باب انه يبي يخدمك و مب شغلهم بتشوف كيف بيشيل الدفان

انا سويت هالشي من قبل بتصليح كمبيوتري و الله يجزيهم كل خير الشرطه ما قصروا بس تليفون صغير و فعلا رجعلي اياه مثل ما كان ببلاش و اول كان يبي يدفعني بالمئات على غلطه هو مسويها


و لو باقي له فلوس لا تدفعله

مشكور اخوي خلدون بس انا مشغول جدا

ومش فاضي ادخل معمعة مع الشرطة

وخلافة وعلى قولت المثل هين فلوسك

ولاتهين ناموسك