قطرة بريزولين للعين

[sweet qatar]

السلام عليكم ورحمة الله وبركاته..



بسبب الشغل المتواصل على الكمبيوتر صادني جفاف في العين..

و وصفت لي الدكتورة قطور للترطيب.. احاول اني انتظم في استخدامها..



مشكلتي الحين اني ادور قطرة تجميلية.. الي تصفي العين وتخلي البياض يلمع..

الحمدلله عيني ما فيها احمرار.. بس صفاءها مب مثل قبل..

من النت عرفت أن أفضل قطرة هي قطرة بروزلين..

دورت عليها في أكثر من صيدلية.. ومالقيتها..


الي يعرف وين أحصلها أو اذا فيه بديل مجرب ياليت يفيدني.. وجزاكم الله خير..

[أبورودي]

برازولين قطره تنتج فى مصر وتستخدم للانف والعين
لكن تم ايقاف انتاجها من 6 اشهر

[sweet qatar]

خسااارة ..

أكثر قطرة مدحوها البنات للتجميل..


شكرا ابورودي على الإفادة.. الله يجزيك خير ويوفقك دنيا وآخره..

[آنا غيــر]

في بوتس اظن بتحصلين قطرات تلمّع العين ومن هالخرابيط

شريت وحده من بوتس لندن وخفت استخدمها وقطيتها

جربي شوفي يمكن بوتس قطر فيه :/

[هاجر]

منتجات Optrex رائعة عندهم أنواع كثيرة على حسب الحاجه
( جفاف العين، الإحمرار، اللمعان، التبييض، الترطيب اليومي...)
إدخلي على موقعهم واخذي فكرة، أنا جربت منتجاتهم والصراحة ممتازة بس للأسف مو موجودة بالدوحه،
وتنتهي صلاحيتها بعد 21 يوم من الفتح









وموفقة في طلبكِ إن شاء الله

[fatma1974]

بتلاقيها في صيدلية خلود
انا تونى من يومين ما خذتها

[الزلزال]

انا استعمل قطره العين للترطيب
بس القطره في البيت وانا في الشغل الحين ولا كان عطيتك اسمها

[sweet qatar]

في بوتس اظن بتحصلين قطرات تلمّع العين ومن هالخرابيط

شريت وحده من بوتس لندن وخفت استخدمها وقطيتها

جربي شوفي يمكن بوتس قطر فيه :/

صادقة حبيبتي.. بوتس عندهم..

بس انا كنت ابي اعرف نوع معين اطلبه.. ويكون الافضل..

جزاج الله خير وماقصرتي على الرد..

منتجات optrex رائعة عندهم أنواع كثيرة على حسب الحاجه
( جفاف العين، الإحمرار، اللمعان، التبييض، الترطيب اليومي...)
إدخلي على موقعهم واخذي فكرة، أنا جربت منتجاتهم والصراحة ممتازة بس للأسف مو موجودة بالدوحه،
وتنتهي صلاحيتها بعد 21 يوم من الفتح

وموفقة في طلبكِ إن شاء الله

ويوفقج دنيا وآخره..

ان شالله بدخل الموقع وبطلب.. عجبني السبراي..

جعل من جابج الجنة.. ما قصرتي ..

[sweet qatar]

بتلاقيها في صيدلية خلود
انا تونى من يومين ما خذتها

ان شالله بمر عليهم.. وبشوف الأنواع الي عندهم..

الي كنت ادورها الي تصنع في مصر.. بس مب مشكلة بجرب كل شي لين القى النتيجة الي ترضيني..

جزاج الله خير وما قصرتي..

انا استعمل قطره العين للترطيب
بس القطره في البيت وانا في الشغل الحين ولا كان عطيتك اسمها

في انتظارك اخوي تعطيني الاسم.. و مدى استفادتك منها..

ناوية اجرب كل الأنواع.. حسب توصياتكم

لين اوصل للنوع الي ارتاح عليه ويعطيني النتيجة المطلوبة..


جزاك الله خير اخوي ما قصرت..

[أبورودي]

السلام عليكم ورحمة الله وبركاته..



بسبب الشغل المتواصل على الكمبيوتر صادني جفاف في العين..

و وصفت لي الدكتورة قطور للترطيب.. احاول اني انتظم في استخدامها..



مشكلتي الحين اني ادور قطرة تجميلية.. الي تصفي العين وتخلي البياض يلمع..

الحمدلله عيني ما فيها احمرار.. بس صفاءها مب مثل قبل..

من النت عرفت أن أفضل قطرة هي قطرة بروزلين..

دورت عليها في أكثر من صيدلية.. ومالقيتها..


الي يعرف وين أحصلها أو اذا فيه بديل مجرب ياليت يفيدني.. وجزاكم الله خير..

نصيحه ليكي لازم تزوري طبيب عيون عشان يوصفلك قطره ترطيب مانسبه لانى أعانى من جفاف العين مثلك واتضح ان هناك انواع قطرات تبعا لكل عين وحالتها
وارشحلك دكتور محمد ابراهيم فى عياده الدوحه
دكتوراه فى العين من طب عين شمس او الدكتوره اسيا