هذه قصيده لي نشرتها هنا من وقت بمناسبة ابتعاث ابني الى لندن وهي عباره عن نصيحه له
باوصيك ياراشد ولنت بوصي شر * * * الله يجيرك من صواديف الاقدار
احفض صلاتك قدرماكنت تقدر* * * حافض عليها في مقامك والاسفار
خلك بلندن مثل ماكنت في البر * * * تمشي على منهاج طاها والانصار
مادمت من بين المسالك مخير * * * فجلب معك ماينفعك وترك الضار
وتعب على التحصيل والعلم واصبر*** ونهج مناهيج المطاليق لاخيـار
والعلم نور وطالب العلم يضفر * * * بالعز والتقدير في كل الاقطـار
ونتايج التعليم حلون بعد مر * * * وراعيه له عند المخاليق مـــقـدار
وعــلـــم ترى ماجامن الله مقدر * * * الرزق والتوفيق بيده والاعمـار
وهذا رد راشد
منك النصيحه بالثمن لاتقدر/////// ماهيب من جيز النصايح والاشوار
انت الذي ربيتني تربية حر /////// وانا بلندن مثل ماكنت بالدار
عزيمتي زادت على نارها حر///// وزادتني الغربه مثابر واصرار
ماهمني من كان يلعب ويسكر ///// انا بعزي شامخ ضمن الاحرار
اللي كتبه الله علينا مسير ////// سبحانه الواحد عليم بالاسرار
مهمتي مانيب فيها مقصر //// وبسعى ورا العليا ولو حلوها مار
|
رد مع اقتباس
المشاركة الأصلية كتبت بواسطة الزلزال
