السلام عليكم
ممكن ترشحون لي اسماء مكاتب هندسية اسعارها معقولةلتصميم الدور الثاني للبيت
وشكرا
السلام عليكم
ممكن ترشحون لي اسماء مكاتب هندسية اسعارها معقولةلتصميم الدور الثاني للبيت
وشكرا
بسم الله الرحمن الرحيم
طبعا قبل التصميم لازم تتاكد ان اساسات وعمدان وخرسانات البيت للي بتبني فوقه دور ثاني تتحمل ولا ...لا .
طبعا خذ الخرايط القديمة وروح مكتب هندسي انصحك اذا ماتبي تكلف على عمرك مكتب القطري للاستشارات الهندسية ( شارع ال شافي بعد الدوار باتجاه معيذر) اسعارهم مقبوله بالنسبه للمكاتب الاخرى وخلهم يشيكون على الخرايط الانشائية..
انا افضل انك تجيب شركة تسويلك اختبارات للعمدان والاساسات والاسقف وتاخذ عينات علشان تتاكد ان البنيان القديم يستحمل دور ثاني حتى لو الخرائط تقول ان البيت القديم يشيل لانك ما تضمن هل المقاول اشتغل نفس اللي بالخرايط ولا وفر حديد وقال البيت دور واحد ومايحتاج كل هالحديد وماحسب انك بتبني بعدين دور ثاني .
عندك شركة التيسير تسويلك اختبار للاساسات او اي شركة ثانيه .
بعد ما تتاكد من هالامور صمم الدور الثاني وانت مرتااح .
صحيح هالامور في البدايه بتكلفك شوي لاكن بتوفر عليك في المستقبل وتتجنب مشاكل كبيرة
وانشاء الله يفيدونك باقي الاخواان
.
.
تحياتي لك
وبالتوفيق انشاء الله
بونـــإايف
خلك بعيد عن شعاع ولا اتفكر فيهم
وابتعد عن مكتب قطر للاستشارات الهندسيه اللي في الريان .. بيسوي لك خريطه اي كلام للاسف وبمبلغ وقدره
وايد اكتشفنا اخطاء غبيه في المخطط .. وزياده حديد ماله داعي .. لكن بعد فوات الاوان .. وهالاخطاء كان ممكن يتجنبونها بقليل من الدراسه للمخطط ..
لا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ
مكتب النهضة للاستشارات الهندسية
سعرهم معقول جدا و تحت اشراف و ادارة مهندس قطري
يدير المكتب بنسفه
تحياتي للجميع
خليكي قريبة....ان شاء الله هاليومين بفتح موضوع بحطلك الملاحظات على المكاتب الاستشارية ....
مكتب النهضـه .. يمدحونـه .. والاداره شاب قطري محتـرم جداً
شكرا اخواني على ردودكم واحنا سوينا الخطوه الاولى الي هي اخذ عينات من اساسات البيت واكتبوا في التقريرً ان البناي زين والحين نبي مصمم خرائط زين واسعاره زينه
اختي مريتي على هذا الموضوع و الا للحين ما مريتي؟.....لسه ما كملت الملاحظات اللي فيه لضيق الوقت:
تبي مكتب تصميم و اشراف؟ / ادخل شوف تجارب الاعضاء/ متجدد
http://qatarshares.com/vb/showthread.php?t=506480