صفحة 1 من 5 123 ... الأخيرةالأخيرة
النتائج 1 إلى 10 من 46

الموضوع: تبي مكتب تصميم و اشراف؟ / ادخل شوف تجارب الاعضاء/ متجدد

العرض المتطور

المشاركة السابقة المشاركة السابقة   المشاركة التالية المشاركة التالية
  1. #1
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820

    Thumbs up تبي مكتب تصميم و اشراف؟ / ادخل شوف تجارب الاعضاء/ متجدد

    السلام عليكم و رحمة الله و بركاته

    صديق لي طلب مني ارشح له مكتب استشارات هندسية علشان يبني بيت العمر ....يعني يبي تصميم و اشراف....اخبرته انه ما عندي فكرة عن المكاتب الاستشارية اللي بتبي فلل و بيوت بحكم اني ما اتعامل معها و انه مجال عملي بعيد عنها و اخبرته اني راح ابحثله عن مكتب من خلال ردودكم السابقه في المنتدى... ولما جمعت الردود اللي توفرت عندي من عدة مواضيع في المنتدى فكرت اني اضعها امامكم ايضا في موضوع واحد علشان الكل يستفيد منه ان شاء الله لانه كثير من الاعضاء للاسف الشديد ما يحاولون يبحثون عن التجارب السابقه و بيطرحون موضوع متكرر و هو نبي مكتب يصمم خرايط او نبي مكتب يشرف على البنيان و يكون امين

    على العموم الردود التاليه هي ردود الاعضاء و ليست ردودي انا و اتمنى انه نبتعد عن التجريح و الالفاظ النابية عن المكاتب اللي ما ننصح و لنا تجارب سيئه فيها قدر الامكان

    ارجو قراءة الملاحظات بشكل جيد لانها فيها اشياء مهمة جدا

    تحياتي

  2. #2
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820
    مكتب سكتش


    أخوي انا كنت نفس مشكلتك وجلست اتخبط يمين ويسار عند كذا مهندس بين قطر والسعودية واطلعت على كذا تصميم وبدون مبالغه يمكن اكثر من 100 تصميم درستهم دراسة وسويت تصميمين ولا حسيت براحه نفسيه

    في النهاية أخوي استخرت ربي وجبت ورقه وقلم وسجلت فيها احتياجاتي الحالية واحتياجاتي المستقبليه
    ووفقني ربي لمهندس الله يجزيه عني كل خير وهو المهندس أشرف في مكتب سكتش واللي نصحني باكثر من نصيحة وغير لي بمخطط كنت مسويته عند مهندس في السعوديه والحمد لله باقي لي هالحين الواجهات واخلص

    _____________

    سكتش طالبين مني 2% من قيمة المبنى .. يعني لو كلفني البنيان مليون ونص ..راح ياخذون ثلاثين الف ..

    _____________

    سكتش خرايطهم غالية.. لكن شغلهم نظيف من حيث جودة التصميم وابتكار أفكار جديدة والمتابعة

    والله يوفقك ويوفق الجميع

    _____________

    سكتش رحت له من سنه شغله تمام ولكن سعره غالي

    _____________

    اذا جيبك عامر وتبي شي عدل ومحترم ومرتب عندك مكتب اعتقد اسمه اسكتش في بن عمران مهندس وجدي او مجدي

    _____________

    سكيتش راح تدفع فيه اكثر من 20 الف ويوصل لل30 الف
    لكن شغله ممتاز
    غالي وممتاز

    _____________

    اخوي بخصوص سكيتش اسعار غاليه ولكن على الفاضي
    خصوصا اذا واحد بيبني على بنك التنميه
    اي تصميم بيكون عليه مبلغ اضافي
    الواحد يسوي له بيت بحدود ال550 متر بنيان
    كثر الاقواس او التصاميم فالنهايه بتنقلب على صاحب البيت لان ياخذ له مساحه كبيره
    خصوصا الاقواس علاوة عن ارتفاع التكلفه
    ف انا خذيت موقف اسوي بيت مربع واستغل المساحات فالاخير طلعت باربع غرف فالدور الاول مساحاتهم بين ال 4 ونص في 5 و 5 وفي 5 ونص
    والماستر 5 في 10

    والبنت هاوس سويته غرفه 5 في 6 بحمامها الله يكرمك

    والدور الارضي سويت فيه غرفه سادسه 5 في 5 ونص
    والصالات والمجلس مفتوحين بمسحاة تقريبا فوق ال110 متر

    _____________

    عندك مكتب سكتش للاستشارات الهندسيه شغلهم حلو ويعدلون في الخرايط
    اذا فيها اخطاء والاشراف عندهم ماعليه كلام عندهم استشاري اسمه عاطف شديد مع المقاول ويفتش على كل شي ياخذون كل شهر 1500 ريال مكتبهم في بن عمران الدور الاول العماره الي جنب معصرة السنافر

    _____________

    توني بديت مع
    Sketch
    اللي في بن عمران

    عطيته جميع احتياجاتي درسها وسوى لي رسم كروكي

    أو ما شفت الرسمة استناست عليها

    لأن عندي مشكلة، أرضي مساحتها 1200 (30 * 40) لكنها في زاوية فريج

    تحيط بها البيوت من أربع جهات وفي الجهة الرابعة فتحة 10 أمتار لا أكثر ع الشارع

    من ضمن احتياجاتي:

    (1) المجلس (مجلس ومطعم ومغاسل وحمام وانتوا بكرامة) وغرفة السايق مع الحمام يكون لهم باب خارجي ومنفصل عن البيت.
    (2) حوش البيت اللي بيلعبون فيه اليهال يكون بعيد عن كشف مدخل البيت وكذلك عن دخول وخروج السيارات.
    (3) مساحات كبيرة للغرف مع متطلبات دقيقة تحتاج لتفاصيل.
    (4) الحصول على الخصوصية في ظل محاوط البيوت من 4 جهات.

    أي مصمم صعب يلاقي طريقة تجمع بين: (1) حل متطابق مع ستايل حياتنا احنا القطريين. (2) مواصفات البلدية. (3) طريقة ابداعية تجمع جميع هالمتطلبات.

    لكني لقيتها في sketch وشكلي بستمر معاهم على الرغم من السعر العالي: 30 ألف لمساحة 1070 متر بنيان.

    هاذي تجربتي اللي بديتها والله يوفقك ويوفقنا جميع

    _____________

    كذا واحد ما مدحه سكيتش

    وغير ذلك يحط كميات كبيرة وضخمة من الحديد في الخريطة

    وعلى ضوء ذلك بتزيد قيمة البناء بنسبة كبيرة

    فيه مكاتب كثيرة أحسن منه

    _____________

    سكيتش عيبهم ان يحطون كمية حديد تقوم برج هذا الشي خلاني اتوهق مع المقاول بعد
    التعديل لان زاد علي المبلغ 102000 ريال

    مثل ما قال الاخ يحطون كميه حديد تبني برج وحديد 25 مم

    الشكل الخارجي للفله من شبابيك عند التنفيذ سوف يختلف لعدم حساب اماكن البيمات

    _____________

    عندك سكتش في فريج بن عمران عندهم استشاري اسمه عاطف خبره في السعوديه وعنده ذمه
    _____________
    التعديل الأخير تم بواسطة khaldoon ; 14-04-2012 الساعة 11:37 AM

  3. #3
    عضو نشط
    رقم العضوية
    1059
    تاريخ التسجيل
    Mar 2005
    المشاركات
    637
    مرحبا أخوي خلدون

    يعطيك العافية على هالجهد الرائع.. اختصرت علينا الوقت والجهد ورتبت لنا
    المواضيع والردود اللي بتسهل على الواحد اتخاذ القرار..

    بالمناسبة... أنا صاحب هذا الرد عن Sketch

    حبيت أقول إني ما استمريت معاهم. كان اللقاء معاهم حلو في أول زيارتين لكن بعد ذلك
    صارت الأمور بايخة:

    (1)
    المفروض ياخذ احتياجاتي وعلى أساسها يفصّل البيت
    لكنه سوى العكس، عمل الرسم الكروكي وحاول يركّب طلباتي غصب فيه
    وبالتالي غرف صغرها وغرف كبرها وغرف أضافها بلاداعي وغرف ما سواها...إلخ

    (2)
    سوء المعاملة
    إعطاء مواعيد والتخلف عنها، لدرجة إني آخذ موعد ويقول لي تعال بعد ساعة، ولما أضرب الخط وأجيه يقول لي أعتذر تعال لي مرة ثانية.. او يصرفني .. وحصل كذا مرة.

    (3)
    زيادة الأعمدة والأساسات بشكل ما له داعي.

    (4)
    عدم تجاوب رئيس القسم لشكواي، وعشان يراضيني قعد معاي بنفسه وقال بابدأ من حيث انتهى المهندس الاول، خذ احتياجاتي مرة ثانية وعطاني موعد، ولما جيته على الموعد طلع مسافر ولا فوض أحد ينوب عنه في تصميمي!!

    (5)
    المهندس الثالث استلم التصميم المبدئي وخذ احتياجاتي مرة أخيرة، اكتشفت إنه ما يعرف يتكتك وكله يعطي كلام حلو وبس وقال لي روح ادفع دفعة اولى.

    خلاصة الموضوع طلعت من عندهم وشفت لي مصمم رفيجي سوالي ولله الحمد خريطة من أروع ما تكون، وهذا اني حصلت عليها الموافقة الأسبوع اللي فات.

    والله الموفق

    اقتباس المشاركة الأصلية كتبت بواسطة khaldoon مشاهدة المشاركة
    مكتب سكتش


    توني بديت مع
    Sketch
    اللي في بن عمران

    عطيته جميع احتياجاتي درسها وسوى لي رسم كروكي

    أو ما شفت الرسمة استناست عليها

    لأن عندي مشكلة، أرضي مساحتها 1200 (30 * 40) لكنها في زاوية فريج

    تحيط بها البيوت من أربع جهات وفي الجهة الرابعة فتحة 10 أمتار لا أكثر ع الشارع

    من ضمن احتياجاتي:

    (1) المجلس (مجلس ومطعم ومغاسل وحمام وانتوا بكرامة) وغرفة السايق مع الحمام يكون لهم باب خارجي ومنفصل عن البيت.
    (2) حوش البيت اللي بيلعبون فيه اليهال يكون بعيد عن كشف مدخل البيت وكذلك عن دخول وخروج السيارات.
    (3) مساحات كبيرة للغرف مع متطلبات دقيقة تحتاج لتفاصيل.
    (4) الحصول على الخصوصية في ظل محاوط البيوت من 4 جهات.

    أي مصمم صعب يلاقي طريقة تجمع بين: (1) حل متطابق مع ستايل حياتنا احنا القطريين. (2) مواصفات البلدية. (3) طريقة ابداعية تجمع جميع هالمتطلبات.

    لكني لقيتها في sketch وشكلي بستمر معاهم على الرغم من السعر العالي: 30 ألف لمساحة 1070 متر بنيان.

    هاذي تجربتي اللي بديتها والله يوفقك ويوفقنا جميع

    _____________

  4. #4
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820
    اقتباس المشاركة الأصلية كتبت بواسطة khaldoon مشاهدة المشاركة
    مكتب سكتش


    أخوي انا كنت نفس مشكلتك وجلست اتخبط يمين ويسار عند كذا مهندس بين قطر والسعودية واطلعت على كذا تصميم وبدون مبالغه يمكن اكثر من 100 تصميم درستهم دراسة وسويت تصميمين ولا حسيت براحه نفسيه

    في النهاية أخوي استخرت ربي وجبت ورقه وقلم وسجلت فيها احتياجاتي الحالية واحتياجاتي المستقبليه
    ووفقني ربي لمهندس الله يجزيه عني كل خير وهو المهندس أشرف في مكتب سكتش واللي نصحني باكثر من نصيحة وغير لي بمخطط كنت مسويته عند مهندس في السعوديه والحمد لله باقي لي هالحين الواجهات واخلص

    _____________

    سكتش طالبين مني 2% من قيمة المبنى .. يعني لو كلفني البنيان مليون ونص ..راح ياخذون ثلاثين الف ..

    _____________

    سكتش خرايطهم غالية.. لكن شغلهم نظيف من حيث جودة التصميم وابتكار أفكار جديدة والمتابعة

    والله يوفقك ويوفق الجميع

    _____________

    سكتش رحت له من سنه شغله تمام ولكن سعره غالي

    _____________

    اذا جيبك عامر وتبي شي عدل ومحترم ومرتب عندك مكتب اعتقد اسمه اسكتش في بن عمران مهندس وجدي او مجدي

    _____________

    سكيتش راح تدفع فيه اكثر من 20 الف ويوصل لل30 الف
    لكن شغله ممتاز
    غالي وممتاز

    _____________

    اخوي بخصوص سكيتش اسعار غاليه ولكن على الفاضي
    خصوصا اذا واحد بيبني على بنك التنميه
    اي تصميم بيكون عليه مبلغ اضافي
    الواحد يسوي له بيت بحدود ال550 متر بنيان
    كثر الاقواس او التصاميم فالنهايه بتنقلب على صاحب البيت لان ياخذ له مساحه كبيره
    خصوصا الاقواس علاوة عن ارتفاع التكلفه
    ف انا خذيت موقف اسوي بيت مربع واستغل المساحات فالاخير طلعت باربع غرف فالدور الاول مساحاتهم بين ال 4 ونص في 5 و 5 وفي 5 ونص
    والماستر 5 في 10

    والبنت هاوس سويته غرفه 5 في 6 بحمامها الله يكرمك

    والدور الارضي سويت فيه غرفه سادسه 5 في 5 ونص
    والصالات والمجلس مفتوحين بمسحاة تقريبا فوق ال110 متر

    _____________

    عندك مكتب سكتش للاستشارات الهندسيه شغلهم حلو ويعدلون في الخرايط
    اذا فيها اخطاء والاشراف عندهم ماعليه كلام عندهم استشاري اسمه عاطف شديد مع المقاول ويفتش على كل شي ياخذون كل شهر 1500 ريال مكتبهم في بن عمران الدور الاول العماره الي جنب معصرة السنافر

    _____________

    توني بديت مع
    Sketch
    اللي في بن عمران

    عطيته جميع احتياجاتي درسها وسوى لي رسم كروكي

    أو ما شفت الرسمة استناست عليها

    لأن عندي مشكلة، أرضي مساحتها 1200 (30 * 40) لكنها في زاوية فريج

    تحيط بها البيوت من أربع جهات وفي الجهة الرابعة فتحة 10 أمتار لا أكثر ع الشارع

    من ضمن احتياجاتي:

    (1) المجلس (مجلس ومطعم ومغاسل وحمام وانتوا بكرامة) وغرفة السايق مع الحمام يكون لهم باب خارجي ومنفصل عن البيت.
    (2) حوش البيت اللي بيلعبون فيه اليهال يكون بعيد عن كشف مدخل البيت وكذلك عن دخول وخروج السيارات.
    (3) مساحات كبيرة للغرف مع متطلبات دقيقة تحتاج لتفاصيل.
    (4) الحصول على الخصوصية في ظل محاوط البيوت من 4 جهات.

    أي مصمم صعب يلاقي طريقة تجمع بين: (1) حل متطابق مع ستايل حياتنا احنا القطريين. (2) مواصفات البلدية. (3) طريقة ابداعية تجمع جميع هالمتطلبات.

    لكني لقيتها في sketch وشكلي بستمر معاهم على الرغم من السعر العالي: 30 ألف لمساحة 1070 متر بنيان.

    هاذي تجربتي اللي بديتها والله يوفقك ويوفقنا جميع

    _____________

    كذا واحد ما مدحه سكيتش

    وغير ذلك يحط كميات كبيرة وضخمة من الحديد في الخريطة

    وعلى ضوء ذلك بتزيد قيمة البناء بنسبة كبيرة

    فيه مكاتب كثيرة أحسن منه

    _____________

    سكيتش عيبهم ان يحطون كمية حديد تقوم برج هذا الشي خلاني اتوهق مع المقاول بعد
    التعديل لان زاد علي المبلغ 102000 ريال

    مثل ما قال الاخ يحطون كميه حديد تبني برج وحديد 25 مم

    الشكل الخارجي للفله من شبابيك عند التنفيذ سوف يختلف لعدم حساب اماكن البيمات

    _____________

    عندك سكتش في فريج بن عمران عندهم استشاري اسمه عاطف خبره في السعوديه وعنده ذمه
    _____________
    اقتباس المشاركة الأصلية كتبت بواسطة (عبدالله) مشاهدة المشاركة
    مرحبا أخوي خلدون

    يعطيك العافية على هالجهد الرائع.. اختصرت علينا الوقت والجهد ورتبت لنا
    المواضيع والردود اللي بتسهل على الواحد اتخاذ القرار..

    بالمناسبة... أنا صاحب هذا الرد عن Sketch

    حبيت أقول إني ما استمريت معاهم. كان اللقاء معاهم حلو في أول زيارتين لكن بعد ذلك
    صارت الأمور بايخة:

    (1)
    المفروض ياخذ احتياجاتي وعلى أساسها يفصّل البيت
    لكنه سوى العكس، عمل الرسم الكروكي وحاول يركّب طلباتي غصب فيه
    وبالتالي غرف صغرها وغرف كبرها وغرف أضافها بلاداعي وغرف ما سواها...إلخ

    (2)
    سوء المعاملة
    إعطاء مواعيد والتخلف عنها، لدرجة إني آخذ موعد ويقول لي تعال بعد ساعة، ولما أضرب الخط وأجيه يقول لي أعتذر تعال لي مرة ثانية.. او يصرفني .. وحصل كذا مرة.

    (3)
    زيادة الأعمدة والأساسات بشكل ما له داعي.

    (4)
    عدم تجاوب رئيس القسم لشكواي، وعشان يراضيني قعد معاي بنفسه وقال بابدأ من حيث انتهى المهندس الاول، خذ احتياجاتي مرة ثانية وعطاني موعد، ولما جيته على الموعد طلع مسافر ولا فوض أحد ينوب عنه في تصميمي!!

    (5)
    المهندس الثالث استلم التصميم المبدئي وخذ احتياجاتي مرة أخيرة، اكتشفت إنه ما يعرف يتكتك وكله يعطي كلام حلو وبس وقال لي روح ادفع دفعة اولى.

    خلاصة الموضوع طلعت من عندهم وشفت لي مصمم رفيجي سوالي ولله الحمد خريطة من أروع ما تكون، وهذا اني حصلت عليها الموافقة الأسبوع اللي فات.

    والله الموفق




    اخر تحديث لمكتب سكيتش
    التعديل الأخير تم بواسطة khaldoon ; 10-05-2012 الساعة 04:58 PM

  5. #5
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820
    اقتباس المشاركة الأصلية كتبت بواسطة (عبدالله) مشاهدة المشاركة
    مرحبا أخوي خلدون

    يعطيك العافية على هالجهد الرائع.. اختصرت علينا الوقت والجهد ورتبت لنا
    المواضيع والردود اللي بتسهل على الواحد اتخاذ القرار.

    والله الموفق


    بارك الله فيك اخوي العزيز عبدالله و هذا بس من لطفك و ذوقك و طيب خلقك

    انا شلت الاسماء قبل حتى لا ازعج اصحابها اما لو هم اعلنوا انهم كاتبين هذه المشاركات من قبل فهذا موضع تقدير و احترام لهم جميعا

    اشكرك كل الشكر على تحديث المعلومات الخاصه بمكتب سكيتش و اعطانا انطباعك الجديد عنه و الذي يهم كل من هو مقدم على البنيان

    في ميزان حسناتك ان شاء الله و الله يكثر من امثالك يا رب

  6. #6
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820
    العلي للاستشارات الهندسية

    توكل على الله من أحسن مكاتب الاستشارات كاشراف ،يمكن سعرة اعلى بس متابعين للعمل وحسب المواصفات المتفق مع المقاول

    _____________

    انا الاستشاري عندي هو العلي للاستشارات الهندسية المهندس سيد والاستشاري فلبيني مضبوط توكل على الله

    _____________

    العلي لاستشارات الهندسيه مانصح فيه الخرائط غير والواقع غير حسب تجربه شخصيه معاه

    _____________

    العلي للاستشارات الهندسيه , المهندس محمود الشرقاوي ,وان شاء الله بيراعيك , استشاري محترم وعارف شغله واسعاره ممتازه
    _____________

    روحي مكتب العلي للاستشارات الهندسيه وبتدعين لي

    _____________

    انا عملت خرايط بيتي عند مكتب العلي للاستشارات الهندسيه خلف كنتاكي السد بسعر 9000 ريال

    _____________
    التعديل الأخير تم بواسطة khaldoon ; 14-04-2012 الساعة 11:38 AM

  7. #7
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820
    شعاع للاستشارات الهندسية

    اذا فيه حد من الاخوان ايعرف نقال المهندس المسؤول عندهم يعطيني اياه لاني جربت اتصل على مكتبهم اكثر من مره ومحد ايرد علي ومشكورين مقدما

    ما نصحك اختي تسوين معاهم انا مثلج رحت علشان السمعة بس للاسف شغلهم مثل غيرهم كوبي بيست وعانيت من اخطاء التصميم وما يهتمون بالزبون الا اللي عنده واسطه

    عموما هذ رقمهم :
    44448623

    وهذا رقم مهندس المسئول واسمه الامين رحمه :
    55814204

    ^^^^^

    نصيحه لوجه الله ابتعدي عن شعاع عن تجربه

    _____________

    أنا جربت شعاع
    أخطاء بسيطة مالاحظتها إلا بعد التنفيذ

    أيضا مهم تختار مقاول يعرف ومستعد لتفادى أخطاء المهندسين

    _____________

    هلا

    اخوووي : المكتب هو اللي يخلص لك هالشغلة
    مب حضرتك

    عن نفسي تعاملت مع مكتب شعاع
    مندوبهم خلص كل هالاجراءات

    حبيت أقولكم بس

    _____________

    شعاع


    والله يوفقكم


    جربتهم

    _____________

    شعاع
    بشارع الامير
    وبعد لفة النصر

    مووفقيين

    _____________

    شعاع بعد عنهم اشرافهم وتصميمهم نفس .....

    ^^^^^

    اكد كلامك اخوي مكتب شعاع كلمة تعبان اشوي عليهم
    والله دخلت بيت واحد من الشاب و كان شعاع المشرف
    ماصدقت الي صاير عمدان مايله و كمرات (بيم) على جنب
    طابوق مب سيده بلاستر مب سيده
    مدري على شنو كانوا يشرفون
    لان راعي البيت كان كله مسافر

    _____________

    مكتب شعاع

    بشارع الأمير

    موووفقين

    _____________

    شعاع للاستشارات الهندسية

    سودانيين معاملتهم طيبة و مايقصرون

    مكانهم بعد دوار مدماك و انت رايح صوب النصر على اليمين

    ^^^^^^
    اخوي معاك حق طيبين ولكن

    الواحد يحتاج استشاري يتابع المشروع ويريحك لأنك دافع مبلغ مقابل الخدمة

    والي لاحظته على الاستشاريين في شعاع انهم ما يتابعون المشروع اول باول ولا يبدون ملاحظاتهم الا في امور معينه مثل كمية الحديد ووضع الدعامات لسقف الدور الارضي

    ولكن انه يكون موجود وقت الصب او متابعة الأمور الثانية مثل البلاستر او نصايح في الخريطه في حالة وجود أخطاء للأسف

    ^^^^^^
    صادق اخوي انا جربتهم للاسف لازم الواحد يراكض وراهم تخيل خريطة فلتين اخذت فوق ال
    4 شهور

    _____________


    التعديل الأخير تم بواسطة khaldoon ; 14-04-2012 الساعة 02:10 PM

  8. #8
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820
    المكتب القطري للأستشارات الهندسية

    نصيحة لك : روح المكتب القطري للأستشارات الهندسية
    عندهم مهندسين محترفين وشغلهم دقيق لكل صغيرة وكبيرة

    أنا مسوي عندهم خرايط وطلب مني المحاسب 11000 ريال
    وكلمت صاحب المكتب ( للأمانه : الرجل في قمة الأخلاق ومتعاون جداً )
    ونزل لي السعر لين 8000 ريال .

    ^^^^^^
    انا اشهد انه رجال طيب
    عندهم مهندس هندي اسمه نعيم شغلة زين

    ___________

    المكتب القطري للأستشارات الهندسية
    عندهم مصري اسمه محمد لا انصح بالتعامل معه

    _____________________

    اخوي المكتب القطري للاستشارات الهندسيه يعطيك 50 تصميم على حسب المساحه الي تبيها وتروح البيت وتشوفهم على راحتك وتعدل وتضيف وتسوي وتكبر وتصغر وتوسع ويخلصون لك الكهرباء والماي والبلدية ورخصة البنا كله 7000 اريال ارخص سعر شفته في قطر .

    والله يوفقنا وياكم

    _____________________

    في مكتب القطري الي في الريان يمدحونه بس ماجربته

    _____________________

    المكتب القطري للاستشارات الهندسية

    خرايط البيت وتوزيع الكهرباء من عندة

    _____________________

    انصحك بالمكتب القطري اللي في الريان لاني سويت تصاميمي عندهم ولا يعلى عليهم

    وهذا من تجربة

    وبالتوفيق ان شاء الله

    _____________________

  9. #9
    عضو
    رقم العضوية
    22018
    تاريخ التسجيل
    Sep 2008
    المشاركات
    91
    اقتباس المشاركة الأصلية كتبت بواسطة khaldoon مشاهدة المشاركة
    المكتب القطري للأستشارات الهندسية

    نصيحة لك : روح المكتب القطري للأستشارات الهندسية
    عندهم مهندسين محترفين وشغلهم دقيق لكل صغيرة وكبيرة

    أنا مسوي عندهم خرايط وطلب مني المحاسب 11000 ريال
    وكلمت صاحب المكتب ( للأمانه : الرجل في قمة الأخلاق ومتعاون جداً )
    ونزل لي السعر لين 8000 ريال .

    ^^^^^^
    انا اشهد انه رجال طيب
    عندهم مهندس هندي اسمه نعيم شغلة زين

    ___________

    المكتب القطري للأستشارات الهندسية
    عندهم مصري اسمه محمد لا انصح بالتعامل معه

    _____________________

    اخوي المكتب القطري للاستشارات الهندسيه يعطيك 50 تصميم على حسب المساحه الي تبيها وتروح البيت وتشوفهم على راحتك وتعدل وتضيف وتسوي وتكبر وتصغر وتوسع ويخلصون لك الكهرباء والماي والبلدية ورخصة البنا كله 7000 اريال ارخص سعر شفته في قطر .

    والله يوفقنا وياكم

    _____________________

    في مكتب القطري الي في الريان يمدحونه بس ماجربته

    _____________________

    المكتب القطري للاستشارات الهندسية

    خرايط البيت وتوزيع الكهرباء من عندة

    _____________________

    انصحك بالمكتب القطري اللي في الريان لاني سويت تصاميمي عندهم ولا يعلى عليهم

    وهذا من تجربة

    وبالتوفيق ان شاء الله

    _____________________
    من فضلكم.. أحتاج عنوان وتلفون المكتب القطري للاستشارات الهندسية ..
    ولدت لأتعلم ..وسأظل أتعلم..وسأرحل وأنا أتعلم

  10. #10
    تميم المجد
    رقم العضوية
    4906
    تاريخ التسجيل
    Nov 2005
    المشاركات
    46,820
    النهضة للاستشارات الهندسية

    مرحبا اخوي

    عند النهضة للاستشارات الهندسية

    المدير العام
    م / سعود

    صاحب المكتب قطري

    _____________________

    روح مكتب النهضه في الغرافه
    يديره شاب مهندس قطري بنفسه
    وعنده مهندسين ذو كفاءة عاليه و سعره معقول جدا
    رقم المكتب مب عندي الحين
    بس ممكن تاخذه من استعلامات الدليل

    _____________________

    مرحبا اخوى

    انا صاحب شركة مقاولات وعندي مشاريعي ولله الحمد

    وتعاملت مع اكثر من شركة استشارات هندسية

    وافضلهم
    شركة النهضة للاستشارات الهندسية

    ادارة قطرية 100%

    وتحت اشراف مهندسين على اعلا مستوي ويتابع مع الملاك في المسجات اول باول من اخطاء بناء وغيره من الامور .

    وانا احب هالنوعية من الشركات هذي لانهاا تحميني كمقاول ولاتضيع سمعت شركتي

    ^^^^^^
    أنا متعامل مع هالمكتب وأنصحك فيه من واقع تجربه امينين جداً وكفايه المسجات الي اول ب اول توصلك من عندهم ومريحيني والله

    مع العلم أني جربت مكتبين قبلهم على نفس المشروع وهم الي ارتحت معاهم

    والله يوفقك

    _____________________

    أنا متعامل مع هالمكتب النهضه وأنصحك فيه من واقع تجربه امينين جداً وكفايه المسجات الي اول ب اول توصلك من عندهم ومريحيني والله

    مع العلم أني جربت مكتبين قبلهم على نفس المشروع وهم الي ارتحت معاهم

    والله يوفقك
    _____________________

    عندك شركة النهضة للاستشارات الهندسية

    يطلعون على بيتك مرتين او ثلاث مرات في الاسبوع

    وعندهم تقاريرهم مع صور عن كل مرحله للموقع

    وموقعهم في الغرافة

    _____________________

صفحة 1 من 5 123 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •