ياليت لو تتكرم الاداره و تخلي الموضوع علشان الاعضاء يشوفون وضع شركات المقاولات
والشي هذا لصالح كل من قاعد يبني او راح يبني في القريب العاجل
كثير من المواطنين تضرروا من شركات المقاولات وانا من هالمشاكل طبعا هي كثيره
لكن بذكر بعضها او نقدر نقول اسباب نصب شركات المقاولات على الناس و عندي موضوع
بالصور يوضح كل شي :
الموضوع انا و لله الحمد عندي شركة مقاولات وجاني سين من الناس وقالي ابغي ابني عندك
انا و معاي ولد عمي و طبعا عطيناه عرض سعر بعد ماشفنا الخرايط و شفنا موقع الارض و بحسب خبرتنا حددنا له بعض المشاكل اللي راح تظهر لنا في ارضه لانها ارض نقدر نقول انها منطقه تتجمع فيها مياه المطر وذلك من شكل سطح الارض الذي يوحي بوجود مياه جوفيه.
طبعا اخبرنا المالك بان التكلفه راح تكون غير عن البيوت العاديه من واقع خبره بمثل هاذي
المشاكل في نوعية هاذي الاراضي ( الصبخيه ) لكن المالك قال انا عندي عرض سعر
من مقاول اقل من سعركم ب 180 الف.
طبعا وضحنا للمالك بان الموضوع فيه لبس و ان المقاول هذا راح ينصب عليك و لكن
المالك رفض يقتنع و اصر على ان السعر مبالغ فيه و طبعا اغلب مشاكل الناس مع
شركات المقاولات اللي تنصب عليهم هي السعر الهابط بشكل ملحوظ و غير هذا من المشاكل
مقاولين الباطن مثل الباكستانيين و الهنود و البنقال و غيرهم .
طبعا الرجال قال ولد عمي وقع العقد مع المقاول وانا راح اوقع معاه العقد و قلت له الله يوفقك ان شاالله بس المقاول شكله ماعنده ضمير و اذا راح يكون الاستشاري ماعنده ضمير الله يكون في عونك لكن لو كان الاستشاري عنده ضمير ماراح يرضى وراح يوقف المقاول و في هالحاله المقاول راح يطلب زياده في السعر او انه يلغي العقد و طبعا في كلا الحالتين انت خسران و سبحان الله صار اللي كنت اقوله له ان الاستشاري وقف المقاول وطالبه بسحب الماي و دك و عمل خرسانه قبل الابتداء في صب القواعد لكن المقاول طلب زايده في المبلغ و حتى الزياده جات اكثر من السعر اللي حنا عطيناه للمالك وطبع المقاول ابتدى في بيت ولد عمه من غير مايسحب الماي اللي طلع من نتيجة الحفر و من غير مايعمل له خرسانه تحتييه و دك الارض
المهم هاذي بعض الصور توضح اللي حاصل في الموقع الحين و ارجع و اقول اغلب
المواطنين ينظرون للسعر الهابط ماينظرون لجودة البناء او حتى لسمعة الشركه
والحين بتشوفون الشغل كيف و حتى بتستغربون كيف الاستشاري سامح بالشي هذا طبعا الموضوع ليس للتشهير لكن للتحذير
طبعا الصور كثيره و ماراح تخلص لكن الزبده من الموضوع يا اخواني الاعضاء
دايما انظروا لسمعة الشركه و شغلها قبل السعر و اسالوا عن كيفية تعامل الشركه
مع زباينها لان الحين كل من هب ودب فتح له شركه و جاب له مهندس وهو في الاصل
يمكن كان جزار او سواق تكسي
|
رد مع اقتباس
المشاركة الأصلية كتبت بواسطة وحش الصناعات
