خطأ يقع فيه أكثر المقاولين ....

[بوشاهين2]

الواتر بروف ألي ينحط حق الحمامات وأنتوا بكرامه .. أنا شفت بالسعودية كم حمام وأنتوا بكرامه وسألت المقاول ليش ترفعون العازل بالحمام متر ونص على جوانب الحمام ورد وقالي أي عماره أو أي فيلا عندكم شوفها من برع بتحصل الطوفه أمنديه والصبغ طاير .. قال لأن أيحطون العازل شي بسيط ع أرضية الحمام وقال لما أتحط وترفع العازل متر ونص طبعاً أول شي وأي مشكله تسريب أو الطوفه ألي صوبها الدش لو صار أي تسريب بسيط ماتطلع ع أي جدار بس تطلع بعد فتره في أرضية الحمام والمشكلة بس تبقى في أرضية الحمام .. والسموحه ع الأطاله بس حبينا أنفيدكم.

[بن غيث]

بس هذا الخطأ الوحيد الي لاحظته. ....!!!

[khaldoon]

بس هذا الخطأ الوحيد الي لاحظته. ....!!!

هههههههههههههههههههههههه اضحك الله سنك يا اخوي بن غيث

طيب يا اخوي انت ما شاء الله عنك مقاول و جايب خبراء ايطاليين في البناء....ليش ما تنورنا و تحط موضوع توضح فيه اخطاء المقاولين المحليين ...خلنا كلنا نتعلم منك يا اخوي ...صدقني بتفيد ناس وايد ....والله اتكلم جد ما اتغشمر و لك الاجر ان شاء الله

[بوشاهين2]

بن غيث على قولت أخوي خلدووون نورنا .. والناس تتعلم من أخطاءها .. أنا بادي بالمقاولات من سنة 2003 ف نورنا يا بن غيث .

[بن غيث]

لا يفتى ومالك في المدينة
ربعنا في المنتدى كلهم خبراء في المقاولات
وين اروح بينهم
صباح الخير اخونا خلدون. ..
انا حاس انك للحين زعلان مني
عشان نسيت ارسلك دعوة افتتاح الشركة
بس انا رديت عليك سبب ذلك
واعتذرت منك
وبن رومي الوحيد الي جاني
بسبب اني نسيت كشف المدعويين من اعضاء المنتدى
تحياتي لكم جميعا

[khaldoon]

لا يفتى ومالك في المدينة
ربعنا في المنتدى كلهم خبراء في المقاولات
وين اروح بينهم
صباح الخير اخونا خلدون. ..
انا حاس انك للحين زعلان مني
عشان نسيت ارسلك دعوة افتتاح الشركة
بس انا رديت عليك سبب ذلك
واعتذرت منك
وبن رومي الوحيد الي جاني
بسبب اني نسيت كشف المدعويين من اعضاء المنتدى
تحياتي لكم جميعا

هههههههههههههههههههه لا والله انت عزيز و غالي و الله ما في زعل بالعكس و رايتك بيضه و لو تلاحظ ارد عليك عادي في اي موضوع ....

صدقني اني بودي نتعلم من خبرتك الطيبه في مجال البناء و تنقل لنا خبرات الاوروبيين لاني لاحظت عدت مرات انتقادك لاسلوب العمل المحلي .....و اكيد انه في أخطأ وايد و انا متفق تماما معاك و لو بتقول هذا خطأ بتلاقي الاغلبية يسوون نفس الخطأ و كأنه عرف متبع في البناء .....لو فتحت موضوع راح اشاركك فيه لاني متفق معاك و احط من عندي الاخطاء اللي اشوفها تتكرر دائما

حياك الله مره ثانية و صدقني انت اخ عزيز و غالي

[KSK Logistic]

الصراحة معلومة جديدة

[ولد العرب]

الحين ياخوي الشركة المنفذة لفيلتي شركة المسند للعوازل هم مايرفعونه لمتر وزياده يقولون ان السراميك او بلاط حائط الحمام ماراح يمسك العازل بيطيح سراميك وهذا اللي اعرفه

[qatara]

ملاحظه لاخواني الكرام

دائما دققو على اتجاه المراحيض الله يعزكم

لا تكون مواجهه للقبله او مدبره للقبله

[معماري قطري]

إخواني عازل الماء الأول في تكرمون الحمام هو البلاط على الحائط أو الأرضية، ومهم تختارون نوعية مونه ممتازة للفراغات بين البلاط، وفيه نوعية خاصة تسمى epoxy grout وهذي تخلط بسائل خاص وبخلاط خاص كهربائي وبعد وضعها مباشرةً لازم يتم تنظيف البلاط بسرعه لأنها لو بقت فترة على البلاط تلصق ولا تزول بسهولة مستقبلاً، وهذي غالية لكن كمية استخدامها قليلة وتعزل الماء من النفاذ بين البلاطات، وثم هناك مواد خاصة وأخف وأرخص كثير وتكون رملية وتخلط بالماء ومنها نوعيات لا تتعفن ولا تنبت عليها الفطريات السوداء، ومنها درجات ألوان متعددة وهذه المادة موجودة لدى شركة التجهيزات المتحدة