مشكور وما قصرت يا اخوي والله ورطه اسمك المستعار ... ونيس صح؟ والله ييسر اللي فيه الخير
مشكور وما قصرت يا اخوي والله ورطه اسمك المستعار ... ونيس صح؟ والله ييسر اللي فيه الخير
بالتوفيق ان شاء الله
أخوي معماري قطري
أولا الله يوفقك في مشروعك وفكرتك
وكل مشروع يحتاج لفترة أو دورة للتأسيس اللي فيها لازم
صاحب المشروع يتحمل المصاريف الثابته مثل الايجارات
والرواتب وهاذي الفترة تتراوح بين 6 إلى 8 شهور وبعدها المفروض
المشروع يبتدي يدر دخل يغطي تلك المصروفات ومن ثم الانتقال إلى الربحية.
مثل ما تعرف السوق في قطر فيه عدد كبير من مكاتب التصميم والرسم الهندسي
والدخول معاهم في منافسة وهم في السوق من قبل ولهم زباينهم ولهم طرقهم في جلب المشاريع راح ياخذ وقت لحد ما تكون لك قاعدة من الزباين مثلك مثل الباقين.
يتميز السوق القطري في هذا المجال أن الزبون يبحث عن السعر قبل الجودة قليل
عندنا من يفكر في الجودة لو تفرق معاه الف ريال أو الفين راح حق الأرخص.
ومثل منت عارف كل ما أرتفع تصنيفك كل ماكان عندك عدد مهندسين ورسامين أكبر
وبتخصصات أكثر ومعناة ذلك مصروفات اكبر.
انا مع الشخص انه يفكر ينشىء له مكتبه الهندسي الخاص خصوصا
إذا كان هو مهندس وصاحب مهنة ومتخصص.
لذلك ممكن تفكر أنك تدخل مع مجموعة من المهندسين القطريين ثلاثة مثلا
اللي تحس انهم قريب منهم ومتفاهمين وتقدرون تتشاركون في رأس المال وأيضا وجودكم
كعدد راح يرفع التصنيف بالإضافة أنك تختار مهندسين ممتازين وتركز على الخدمة والوقت
والدقة في عمل المواصفات والمخططات في النهاية هي سمعة وتكون الأسعار عندك متوسطة
تغطي المصاريف وما يكون مبالغ فيها.
بالتوفيق أن شاء الله
يُخَاطِبني السَّفيهُ بِكُلِّ قُبْحٍ ******* فأكرهُ أن أكونَ له مجيبا
يزيدُ سفاهة ً فأزيدُ حلماً ******* كعودٍ زادهُ الإحراقُ طيبا
بالتوفيق اخوي الكريم ....
فالبدايه خل خنطه خطه ل 5 سنوات الاولى تقدر تسوى فيها بروفايل ممتز للشركه ..لانه صعب جدا من البداايه تفتح شركه يكون تصنفها في الدوله تحت شركات الــ a,b
تبتدي بالعماراات والبيوت .تكون سمعته طيبه فالسوق وخاصه ان المكاتب كثير والمنافسه كبيره ..
2- اما اخوي اذا كنت مفكر من البدايه تفكر تدخل السوق بتقييم a,b فمن الافصل يكون عندك sub -contractor ذو سمعه طبيه وبروفايل ممتاز لانه في حاله تقديم المشاريع البروفايل ياخذ نسبه كبيره من التقيمم وخاصه المشاريع الكبيره او المشاريع ذات الطبيعه المناخيه مثل اقامه مشاريع في دبي او الرياض ...
3- الاهتمام ب c.v الستاف الي عندك وشهاداتهم تكون معترفه لانه في الفتره الاخيره تم دخول سفيات الموظفين من ظمن التقييم ..
4- المشاريع المماثله وبمان انك جديد في هذا المجال انصح اخوي الكريم انك تبتدي مثل ماذكرت سابقا ببناء الفلل والعامرات وخاصه ان الاسعار متفاوته والزيون يبحث عن السعر الارخص اما الامور الفنيه والتقنيه الي تاخذ نسبه كبيره من سعر فالزيون بالغالب يجهل هذه الامور ..او يطلب ان يتنازل عن امور تظهر عليه بمشاكل يحطها براس الاستشاري ..
5- راسمال ياريت اخوي ماتبالغ في راس المال لتجنب اي ضرر يحدث فالمستقبل لاقدر الله
6- اما بالنسبه للخرائط اخوي ممكن تتفق مع مكاتب في دول مجاوره بحيث تتميز بتصاميمك وومكم رسامينك ومهندسينك يعدلون عليها
7- ونصيحه اخوي الله لاتتردد بعرض شغلك على الجهات العامله على دعم المشاريع المتوسطه والصغيره ...لان بعض الجهات تدعم المشاريع سواء بمعارض داخليه او خارجيه او دعايه واعلان وحتى قروض من دون فوائد
ربي يوفقك دنيا واخره
علمت أن رزقي لن يأخذه غيري فطمأن قلبي
وعلمت ان عملي لا يقوم به غيري فاشتغلت به وحدي
انا مهندس مباني قطري .. وابغي افتح مكتب استشاري لكن محتاج حد يكون معي ويكون جاد جدا .. اللي يبغي يراسلني للتواصل ولكن رجاء الجدية في الموضوع
بالتوفيق اخوي هدوء العاصفه
علمت أن رزقي لن يأخذه غيري فطمأن قلبي
وعلمت ان عملي لا يقوم به غيري فاشتغلت به وحدي
تقريبا نفس المشاكل في السعوديه لكن السبب في السعودية ان المكتب لشخص اجنبي او سعودي غير صاحب المكتب بحيث يتم دفع ايجار شهري وما يهمه ربحت او خسرت لذلك يحاول يسوق اكبر كمية باقل الاسعار علشان توفي معاه باستثناء المكاتب الكبيره المرتبطة بشركات مقاولات كبيرة او مصنفة.
عندي خبرة بالموضوع ونصيحتي شوف مهندس مدني قطري بس فاهم وتشارك معاه وجيبو مهندس مدني و رسام معماري اجنبي وتكون جنسياتهم مختلفه و افضل يكون الرسام المعماري فلبيني والمدني سوداني..
اسف على اللقافه لكن انجذب لطاري المكاتب الهندسيه
آمين ويوفقج ربي إن شاء الله
سامحيني على الرد متأخر .. انا الله يسلمج خبرتي قاربت على العشرين سنة وكلها ممارسة والحمد لله وإطلاع .. ومشكلتي مع قوانين الدولة لازم ألف وأدور علشان أوصل للي ابيه .. انا مصنف عند اللجنة كفئة a .. لكن نيتي أفتح فئة ثالثة مبدئياً.
بس للأسف تورطت في شغلة ما اقدر اتفرغ للمكتب وممكن أتجه للإتجاه الثاني إني أفتح وأشوف مدير للمكتب آخر.
لتهتمين عندي إلمام كامل بالموضوع وعندي أصدقاء مكاتبهم شغالهم وبغوني معاهم لكن فكرتي انا للمكتب كانت إني أسوي شيء متميز وخصوصاً في الإشراف المتطور وإدارة المشاريع بمهنية عاليه، والمشكلة إذا ما كنت متفرغ بالكامل للمكتب باضيع هذي الخطة وبيكون في النهاية مكتب والسلام، وهذا اللي ما ابيه.
بالعكس إخوي ما قصرت لا لقافة ولا شيء وأستنير بآراءِك.
الحمد لله المكتب تكلفته مقدور عليها والشراكة صعبة بتكون وفيها مشاكل كثيرة، والأفضل التأسيس بطريقة شخصية. لكن حظي تعيس من هالناحية كنت متفرغ فترة 3 سنين ومن فكرت أسوي الإجراءات انطلبت في شغلة الله يعيني عليها .. يوم الأحد الجاي دوامي.