قلت غرفة ومهواة بمروحة شفط خاصة وهذا نظام يسوونه لبعض الفنادق ولا جبت عدد 15 مكيف يا فاهم، والموضوع يتطلب حسابات تبريد، والغرفة لتتخيلها في حجم ميلسك .. هي عبارة عن حيز صغير يحمي وحدات التكييف ويوفر تهوئة بواسطة مروحة شفط، والمكيف اللي له 10 سنين شغال اركب سطح بيتك بتحصله في ظل أغلب الوقت ، ورجاءً تعلم اسلوب النقاش الموضوعي ولتتهم الناس بفعل العيب إحنا مب جهال، ونقاش الجميع موضوعي وطيب ويدل على أخلاق أهل قطر لكن انت اسمح لي طلعت إسم على مسمى
أنا بديت أسوي تظليل للوحدات الخارجية، وذلك لصعوبة عمل نظام الغرف والتهوئة الآن لكن للبيوت الجديدة ممكن أخذ الفكرة في الحُسبان
يعطيك العافية اخوي معماري
أنا اشوف عمل مظله أحسن من عمل غرفة لضمان التهوية الجيدة .
وسؤالي : هل جميع وحدات التبريد عندك في مكان واحد على السطح أو موزعه ؟
بمعنى . هل هي في جهة واحده من السطح وكم المسافة بين كل وحده ؟
لأني ناوي اخليها في مكان واحد على السطح وعمل مظله
لجميع وحدات التبريد . واستغلال المساحة المتبقة من السطح .
بالعكس الشيخ هي مب غرف بمفهوم الغرف .. تغطية حتى لو بخشب أو حديد عن الشمس، ومن الجوانب طابوق بإرتفاع بسيط يكفي للمكيفات .. أو حتى تظليل بس ومشكلة التظليل مب مانع الغبار .. هي صج يبي لها تأسيس وأحسن تتجهز مع بنيان البيت بس بتكون مفيدة مثلها مثل غرفة خزان الماي فوق السطح تحمي الخزان والمعدات والسخانات المركزية.
الشيخ فكرة التظليل حلوه وعملية خصوصاً للي بيته مسكون وجاهز، انا شريت كمية من ألواح البلايوود المقاومة للماي إسمها مارين بلايوود .. وعندي سواق شاطر يقصها ويثبتها ببراغي وبخشب مربع على الحوايط وعلى طابوق علشان ما يخرب سطح البيت .. وللأمانه عندي مكيفات معرضة للشمس أغلب الوقت ومكيفات تكون في ظلال بسبب وجود بنتاهاوس فوق يظللها وهذي ما جاتها مشاكل كلش أما الثانية بعضها بديت ابدلهم.
وصح كلامك مشكلة تناثر الوحدات فوق السطح وانت تحتاج أقصر مسافة للوحدة الداخلية على أساس ما تفقد طاقة التبريد، ولو حاولت تجمعهم كلهم في مكان واحد بعد أوقات يكون الهوا خفيف وساكن وكل مكيف يدفع هوا حار على الثاني، والأفضل تعمل مظلات أصغر وتحافظ على مسافة زينه بين المكيفات، كل هذا مع إحتياطات العزل المعروفة بيخليك تخفف تبريد المكيفات وبتعيش معاك فترة أطول وبتكون راحتك من درجة حرارة شبه ثابتة ومثالية مب بارده وايد ولا حارة، وما تحتد توجه المكيف عليك مباشرةً، ومن عوامل العزل الحراري إستخدام الصبغ الأبيض للجدران الخارجية، وإستخدام العازل الحراري في هذي الجدران وفي السطح.