ماشفت احد بقطر يبلط السطح
كنت دايما اشوفه بسورية ولبنان والاردن والدول اللي يجيها مطر كثيرر
يبلطون السطح ببلاط شعبي رخيص مع صبة ميلان خفيفة باتجاه المرازيم
بعدين اذا تم عزل السطح وطلعوا العمال فوق يبلطون يمكن يجرحون او يخدشون العزل ؟؟؟ ويبدأ يسرب ماي بالمستقبل
هذا رايي
ما ادري مب ممنوع أحطه هنيه حسب قوانين المنتدى؟المشاركة الأصلية كتبت بواسطة شموع قطريه
انا يديد وخايف انطرد، وفضيحه خاص ما اعرف شلون باحاول على العموم
اسئلي عن الارضيه اللي تستخدم في المجمعات والمستشفيات الطبيه تجي طبقه بلاستيكيه سميكه وغير قابله للتسرب نفس ارضية مستشفى حمد ومستشفى الاهلي وغيرها اتوقع انها خامه فوق الممتازه
صحيح اخوي فوق الممتازة وعملية وتكون بعضها ما تسوي شحنات كهربائية، بس لو تحطها فوق السطح سنة يمكن ما تطول بسبب حرارة الشمس والبلاستك فيه أنواع كثيرة منه تيبس من الشمس وتتكسر، وهذي بس للإستخدام الداخلي، وإذا الواحد يبي عازل عملي ورخيص بعد فيه عندك رولات سعودية خشنة من فوق جهة اللي تنداس وهي سودا وتنلحم بالنار وممكن تنحط بسهولة على كامل سطح البيت وفوق العازل الموجود وفوق صبية الميلان الإسمنتية، وتسويها الشركات المعروفة في العزل مثل المسند وتدمر وتعطيك عليها ضمان 10 سنين، ومره سويتها حق بيت مساحة سطحه 250 متر مربع بس من زمان كلفتني 4000 ريال وللحين حول 10 سنين ما سرب ماي مع انه قبل تشوف خطوط ماي تتسرب منه.
معليش نسيت أذكر فوق إن سبب التخشين وضع مادة تعكس أشعة الشمس علشان العازل يعمر وما يتأثر من الشمس، والعازل الأساسي ينحط تحت وتنحط فوقه طبقة إسمنت بعد لهذا السبب، وإنتبهوا يا إخوان لمواصفات العازل من الإستشاري واللي مذكورة في العقد، مرات يصير فيها غش كبير، فمثلاً لو الرسومات التفصيلية تبين إنه يكون سلوب أول بعدين ينحط عازل الماي وبعدين يجي الحراري وبعدين طبقة اسمنت ثانية هذا تكلفته وشغله غير عن العازل المائي سيده على السقف وبعدين الحراري وآخر شيء صبية اسمنت خفيفة تغطية وسلوب أي كلام.
مافيها شي ياخوك بعدين عندي لك واسطه بونهاد
ما تقصر إخوي حسن بس تعلمنا شوي شوي وما ادري أوقات عقليات البشر تترجم كلمة على إنها دعاية أو إساءَة، وانا والله من حبي للمهنة ذي صدقني أتعلم كل يوم منكم ومن كل عامل وشخص أشتغل معاه ومن الكتب التخصصية اللي أقراها، والحمد لله حكومتنا ما قصرت مخليتنا مرتاحين ونشوف أشغالنا براحتنا الله يديمها علينا نعمة.مافيها شي ياخوك بعدين عندي لك واسطه بونهاد
ضوابط المشاركة
رد مع اقتباس