أين ستقضي إجازة هذا العام ؟

[غزلان]

اجازتي بتكون في فيغاس الحبيبه كالعاده

اجازه موفقه وترجعون بالسلامه

[غزلان]

ماربيا قبل رمضان باعشر ايام وذليمسي وفنسيا وباريس ولندن عقب العيد انشالله

اجازه سعيده وترجعون بالسلامه يارب

[غزلان]

ان الله كتب لنا لندن وفرنسا وشامونيه الي هو الريف الفرنسي ان شاء الله

تروحون وترجعون بالسلامه

اجازه سعيده وموفقه شيليز

[وطن]

ياويلي على لندن بس بالصيف الحكومه رافضه

أنا يا ويلي عليها في كل وقت

[رآعي موآجيب]

ياويلي على لندن بس بالصيف الحكومه رافضه

أنا يا ويلي عليها في كل وقت

أمحق ديره وأمحق بلاد

خاطري أعرف ويش فيها !!

هارودز والهايد بارك والأكسفورد وشارع الماركات وشبربوش بتلفون عليهم في يومين

طيب وبعدين !!؟

هالبلاد مافيها شي أبد ، من بعد اول أسبوع ضيقة خاطر ومافيها أماكن سنعه

قاصين علينا بـ مدام توسو أبو ريحه والأسعار المبالغ فيها في كل شي

عن نفسي للحين ما ادري

ما احب ارتب للسفره من وقت ، عقب العيد أذا كنا من الأحياء يستوي خير

لكن العين على موسكو

[البحار00]

ما شاء الله كل الي في المنتدى مسافرين


أنا بصيف في ريف بنغلاديش

[chillis]

ما شاء الله كل الي في المنتدى مسافرين


أنا بصيف في ريف بنغلاديش

يمدحونه

[وطن]

أمحق ديره وأمحق بلاد

خاطري أعرف ويش فيها !!

هارودز والهايد بارك والأكسفورد وشارع الماركات وشبربوش بتلفون عليهم في يومين

طيب وبعدين !!؟

هالبلاد مافيها شي أبد ، من بعد اول أسبوع ضيقة خاطر ومافيها أماكن سنعه

قاصين علينا بـ مدام توسو أبو ريحه والأسعار المبالغ فيها في كل شي

عن نفسي للحين ما ادري

ما احب ارتب للسفره من وقت ، عقب العيد أذا كنا من الأحياء يستوي خير

لكن العين على موسكو

هاهاهاهاها
يا اخي غير غير
انت تشوفها بنظرتك

انا اشوفها وا حسها بقلبي



لا تقول لي هايد بارك ولا شبربوش
لان مب تخصصي

أدل وين اروح اذا ابي اتونس بعيد عن العرب و الزحمة

بس لندن هواها غير
غير

لندن مكاني ومر فيه بتلاقي
للحين قلبي مكانه هناك للحينه

[قطري فلته]

حجزت وخلصت علي اسبانيا منطقتي كلعاده ماربيلا <<<افتك من العرب اشوي

وبعدها باسبوع علي طيران اسباني اجرب اشلون طيرانهم علي امريكا فلوريدا اورلاندو ميامي بعدها اطلع علي نيويورك دوحه وسلامتكم

[ذيب ازغوى]

شكلها جوله خليجيه ومن ثم لبنان او مصر