كذب من قال مـوج البحـر خايـن والبحـر غـدار
وأنا في عيني أمواجه قبر.. أدفـن بهـا أسـراري
لك الله يا بحر من وين جبـت الصبـر يا صبـار
وأنا صبري عجز لا يكتـم اللـي شفـت بأقـداري
أنـا يا بحـر همـي ساحلـك والمركـب الـدوار
يسوق الموج للمينا وتصدم فـي صخـر ضـاري
أنا مدك وجزرك والهوى والليل والأنوار
طلبتك يا بحر نـزل شراعـك واسمـع أخبـاري
أنا شلت الغرام اللـي سنيـن العمـر بـه تحتـار
وتهت وضعت بين المستحيل .. وبيـن إصـراري
سريت الليل وأثر الليـل نـاوي يفضـح الأسـرار
وأثاري كل ليل مرنـي مـن فرحتـي عـاري
سريت الليل أنا يا بحر كـن النجـم لـي سمـار
ووصلت لشطك الظالـم ولا أدري ويـن مشـواري
أنا ما ذكر من الرحله سوى دمـع همه مـدرار
ومجداف رميته في ظلامـك جيـت بـه سـاري
أنا غصن ظلمه الوقـت ماعـدت عليـه أمطـار
رداة الحظ خلتنـي أعيـش آطـارد آثـاري
أنا أدري ما بيدينك فرح تعطينـي عليـه إقـرار
وأنا أدري إن السكوت أرحم من الشكـوى لجـزاري
أنا جيتك أبي أخمـد علـى شاطيـك بعـض النـار
وأثر حالك مثل حالي تعانـي الجـرح وتـداري
بحر .. بالله توعدني وعد لا تفضـح الأسـرار
يهون الموت بأمواجك ولا تتشتـت أسـراري
|
رد مع اقتباس
