السلام عليكم
حصلت عرض حلو من اسبانيا لشراء رخام مع التوصيل للدوحة ..
بس حبيت اعرف كم اسعارهم بالدوحة ونصايحكم ؟؟
هل اخذ 60 في 60 ولا اخذ 90 في 90 ؟ ولا 30 في 90 ؟؟؟؟؟؟؟؟؟؟
لكم خالص الشكر والتقدير ..
وماخاب من استشار
السلام عليكم
حصلت عرض حلو من اسبانيا لشراء رخام مع التوصيل للدوحة ..
بس حبيت اعرف كم اسعارهم بالدوحة ونصايحكم ؟؟
هل اخذ 60 في 60 ولا اخذ 90 في 90 ؟ ولا 30 في 90 ؟؟؟؟؟؟؟؟؟؟
لكم خالص الشكر والتقدير ..
وماخاب من استشار
أشهد ان لا إله إلا الله محمد رسول الله
سبحان الله وبحمده سبحان الله العظيم عدد خلقه ورضاء نفسه وزنة عرشه ومداد كلماته
,
,
مرحبا
اخوي الكريم
ابيك اول شي تنسى حاجه اسمها نخب اول
حتى في مصانع اسبانيا ماعاد ينباع لارتفاع تكلفته يوصل سعره بحدود 800 ريال
ومحد يجيبه لان الزبون ما راح يشتري بهذا السعر في قطر ولا في الخليج
الكريم مارفيل
الموجود في قطر يسمونه ( commercil ) وهو النوع العادي الي تجي فيه عروق مقبوله
بحدود 300 ريال قاصر زايد حسب نظافته
وبيقولك نخب اول
وعندهم نوع يسمونه ( classec ) وهو الصندوق يجي مخلوط شي غامق وشي فاتح شوي
وهذا سعره ارخص الموجود وينباع ايضا بحدود 280 وبيقولك انه
نخب اول
وبيقولك تشتريه وانا مو مسئول عن الصناديق شنو فيها ما فتحته
وعندهم نوع اسمه ( selection ) وهو عباره ان المصنع في اسبانيا
يحاول ينتقي لك الرخام القطع القليله العروق
يعني انتقاء بقدر المستطاع
وبيقولك نخب اول
طبعا المصانع الي في ايطاليا والي في اسبانيا والي في تركيا
بيعطيك ( سامبل ) قطعه رخام رووووعه نظيفه ولونها مميز جدا جدا
( يصقلونها بطريقه خاصه ويحطون عليها مواد ملمعه ) للعرض فقط او للزبون يشوفها
وبنفسي شفتهم يحطون هذي المواد هنا في معرض قطر بروجكت
قبل الافتتاح
شغالين تلميع للعرض
وبعد ما تشتري وتشحن لك البضاعه بالصناديق
راح تتفاجا بالي تشوفه كل الصناديق فيها مخلوط شي عروق وشي فاتح وشي غامق
المصانع هناك تعمل هذا ( التسويق )
هم ماهرين بالتسويق ويوم تكلمهم ان البضاعه مختلفه شوي
( بيقولك هذا رخام طبيعي من الجبال من خلق الله وطبيعي بيكون مختلف ومتنوع )
ماقدر اعطيك احسن من كذا
هذا الي قاعد يصير بالسوق
ونفس الكلام هذا يقولونه ( تجار قطر ) لان هم طايحين بنفس المشكله
وعلى الزبون ان يتقبل الاختلاف في الدرجات والعروق
ويبقى التركيب ( الفني الماهر ) يقدر يركبه ويطلعه ممتاز
اذا فتح كل الصناديق وصار ينتقي للصاله درجه معينه وتشابه عروق القطع
وللممر درجه معينه وتشابه القطع
ويطلع ممتاز جدا
اذا ما عمل هذي الحركه راح يكون الرخام ملخبط للاسف بالبيت
ويفقد الكثير من جماله
السعر بتوفر بحدود 20 % وهي نسبه الربح
وراح تتحمل تكاليف تخليصه من الميناء عن طريق مخلص
وتدفع جمرك على البضاعه
ونقلها الى موقعك بتحتاج تريلا ورافعه وعمال ومكان للتخزين
المقاسات هذا موضوع ( ذوق ) ناس تحب 60
وناس تحبه اصغر وناس يحبونه ( كبار ) سلابات كات تو سايز
نصيحه
لو حصلتوا كريم مارفيل سعره اقل من 280 ريال
هذا يعني انه ( classec ) وممكن يكون تركي او من دوله مختلفه وله نفس درجه اللون
اكبر مفاجئه مرت علي ان شركه اسبانيه ( تشتري رخام تركي ) وتصدره الى الخليج
على اعتبار انه رخام اسباني
عالم الرخام هذا عالم عجيب غريب
المهم في الموضوع ان نشتري من مكان نثق فيه او نثق في صاحبه
او يكون صادق بكلامه ويقولك هذا احد الانواع الي ذكرتهم لكم
موفق يارب
,
,
اخوك
شموخ دائم
التعديل الأخير تم بواسطة شموخ دائم ; 10-05-2012 الساعة 02:30 AM
بل حيرتني زيادة والله
اشكرك على هالمعلومات القيمة
أشهد ان لا إله إلا الله محمد رسول الله
سبحان الله وبحمده سبحان الله العظيم عدد خلقه ورضاء نفسه وزنة عرشه ومداد كلماته
موضوع مهم بصراحه ويبيله شرح اكثر واتمنى الجماعه يفيدونا اكثر ووين الاماكن الي ينصحونا حتى لو كانت فالرياض
واسف ع المداخله
سبحان الله وبحمده .:. سبحان ربي العظيم
اللي يقهر ان بعض محلات الرخام عندنا ماعندها حتى مخازن لللرخام وانا شفت اكثر من محل ووقت الصج يقول انا موزع فقط !!!!
كنت ارغب بروية شرايح السلابات وتفاجات باكثر من محل يقول يواعدني ويوصف لي نفس المخزن !!
المهم يوم شفت السلابات وشفت المعجون وهو يغطي الحفر والشقوق ، غيرت رأيي
القهر ان البايع يردد ها الجملة اللي شبعنا منها
رخام طبيعي لازم عروق ولازم مادري ايش ولازم بالمصنع يغطون الحفر بالمعجون و و و و
نخب اول عروقه قليله جداً ٦٠ * ٦٠
من ٣٥٠ الى ٣٧٠ ريال
موضوع ممتاز الله ينفع من نفع لخونه المحتاجين
سوا من معلومات او اي شيً
وبيحصلها في ميزان حسناته
اخونا شموخ موسوعه من المعلومات المفيده
الله يجزاه عنا خير
التعديل الأخير تم بواسطة خزامئ ; 14-05-2012 الساعة 08:08 PM سبب آخر: خطاء املاي