السلام عليكم
ابغي اعرف كم اسعار البورسلان وبلاط الحمامات في الدوحه
اهم شي مايكون صيني
يكون اسباني او ايطالي
اتصلت في شركة بورتوتايب في سوق بروه قالولي الاسباني 60 في60 بسعر 70 للمتر
هل احد جربهم او راح لهم ؟
لان انا اشوف السعر ممتاز جدا مقارنه مع باقي الشركات فالدوحه
واللي يعرف اسماء الشركات ياليت يحط معاهم الاسعار وشكرا
الاسباني فيرست - كت ليزر - زيرو جوينت
عند المتحدة - سيراميك الخليج
اسعارهم تقريبا من 200 للمتر ورايح
والله ياخوي يختلف الاسباني فيه درجات مثل الصيني ,,,,
يبيلك لفه عدله في طريق سلوى......
والله يوفقك
أنا جربت إماراتي 40 في 40 ب 43 ريال وأشوفه كثير راقي .. للحين ما تركب بس عجبني كثير ... من كم سنة كانوا يجيبون الصيني ب 5 ريالات المتر ويبيعونه بربح خيالي .. هالأيام كل شيء زاد أكيد ونسبة الأرباح الخيالية مثل ما هي ... بس انا أشوف لو الواحد يحتاج كميات كبيرة ياخذ منتج من الدول القريبة أحسن له من الصيني، والأسباني والإيطالي لي الحمد لله فوق 6 سنين مركبهم ولا فيهم أي تغير أو مشكلة، وخصوصاً نوع خذته من العمودي 60 في 120 في سمك 12 أو 14 ملم وبسعر 150 ريال للمتر ذاك الوقت، حتى كنت متخوف من التركيب وإشتكوا العمال يحتاجون 3 أشخاص يركبون كل حبة، لكن بصراحة طلع بعد التركيب روعة.
اخوي معماري قطر سمك ١٠ ملم مناسب للارضيات ؟
وين يبيعون الاماراتي ؟
اظن في سراميك الخليج طريق سلوى
بيض الله وجهك يا ولد المنصور
بس اخوي شنو افضل سمك للبورسلان هل ١٠ ملم مناسب وقوي ؟
المشاركة الأصلية كتبت بواسطة مضارب دوسري
عليكم السلام ورحمة الله و بركاته اخوي مضارب دوسري،،
درت كثير من محلات في الدوحه و عجبتني اغراض و اسعار بروتوتايب ،،
روحلهم ابرك ،، لان عندهم اشكال و الوان و اسعارهم يا اما نفس السوق او ارخص و هالشي اللي لاحضته ،،
لكن لحد الان ما شفت حد في المنتدى نصح بقية الشباب بشي مهم عن البورسلان و رغم ان الشباب مهب مقصرين ما شاءالله عليهم ،،
من اهم الاشياء اللي لازم تشيك عليه في البورسلان ان ما يكون مقوس ،، لان بالعين ما راح تشوف الا وقت التركيب ،، فلذا يوم تشوف العينه لازم تحط قطعتين احذا بعض و تشوف و تتأكد من راعي المكان اللي بتشتري منه ،،
موفق بإذن الله ،،
يعطيك العرفيه اخوي اوريو ماقصرت
بس لا هنت بخصوص سمك البورسلان هل 10 ملم مناسب ؟
ضوابط المشاركة
رد مع اقتباس