،، دووشـــــــق الفنــــــادق ،،،

[جلكساوي]

السلام عليكم

بغيت دوشـق مريح او فرش كامل مع دوشق نفس حق الفنادق

سألت عنه هنيه واسعاره غاليه تصك الـ 5000 وأكثر في المحل اللي في طريق سلوى (سبيرنق وول) مادري شسمه بالضبط مع انه عندهم تنزيلاااات

فـ انا رايح الاحساء والشرقيه هاليومين وبغيت حد يعلمني اذا فيه محلات تبيع نوعيات زينه
وجودتها نفس جودة الفنادق واسعارها حلووه

[شموخ دائم]

,

,


مرحبا


دوشق من الكلمات الجميله القديمه

عندك بطريق سلوى

كنج كويل

وعندك

سرتا

وعندك

المراتب القطرية


انا بحياتي ما رحت الحساء


ان شاء الله حد من الاخوان والاخوات يفيدك عنها


,

,



اخوك


شموخ دائم

[معماري قطري]

انا جربت كنغ كويل وهو ماركة معروفة أمريكية ويصنعون الحين في الإمارات وبنفس تكنولوجيا التصنيع الأمريكية ... وصراحة سعره فيه .. خذته على ما اظن ب 3000 من 6 سنين، وكان مقاسة سوبر كنغ 215 سم في 210 سم وسميك وثقيل، وبعدها احتديت آخذ للبيت كله من عندهم مع القاعدة والهيد بورد، وصراحة عمليين وبسهولة ينرفعون وينسحب السرير للتنظيف بالنسبة للكامل وفريمه قوي.

قبل كنت ماخذ لغرف العيال من نابينا .. الشيفة شيفة والمعاني ضعيفة .. غاليين وتكسروا بسرعة وما يترقعون فالحل من البداية لتسوي غلطتي.

[محاسب]

اخوي
من تجربه ........... المراتب القطريه ع طريق سلوى
عندهم نوع في حدود ال2000 ريال ,,مع ضمان,,,, والفنادق تاخذ منه ..
شوفه واخذ فكرة قبل لاتوصل الحساء

[فريج النجادة]

اخوي
من تجربه ........... المراتب القطريه ع طريق سلوى
عندهم نوع في حدود ال2000 ريال ,,مع ضمان,,,, والفنادق تاخذ منه ..
شوفه واخذ فكرة قبل لاتوصل الحساء

في سوق الخميس والجمعة لا يفوتك

[السد]

نصيحة لوجه الله
محل كينغ كويل - طريق سلوى
واختيار نوع السرير
مطاط 100 %
ونوم العوافي !!

[جلكساوي]

يعطيكم العافيه يالربع وانا باخذ لي جوله في طرريق سلوى وبشووف اسعارها

[لمعة الالماس]

كينغ كويل حلو

صج غالي بس الواحد يدفع على شي زين ومضمون من البداية

عليه ضمان 10 سنوات

[القلم الصريح]

كينغ كويل 100%