ما شاء الله
شغل حلو ومرتب
كم كلفك الشغل كامل ؟
|
ما شاء الله
شغل حلو ومرتب
كم كلفك الشغل كامل ؟
[SIZE="4"]الحمد لله والشكر لله كما ينبغي لجلال وجهه وعظيم سلطانه
نواصل مع بعض الصور والشرح
وهذي صورة حق مدخل يكرم القاريء حمام المسبح، وهو مساحته محدوده للغاية بسبب وجود غرفة المعدات وراه، وزراعة ما حبيت أشيلها، وصفيت على مساحة صافية للشاور اللي سويت معاه بخار مدمج تقريباً 1.1 متر في 1.4 متر، ورفعته درجة مثل ما بيبين في الصور الجاية وركبت له باب يو بي في سي، وسقف فايبر كلف 5000 ريال مع ان اللي سواه قال انه واصل 3500 بس الشركة تاخذ كومشن مني، والشور تريي خذته 90 في 90.
لكن بسبب صغر الشاور كان البخار حار وقوي مع إنه متدرج لين 120 درجة لكن حدي إستحملت 60 درجة وبصعوبة وفي الغالب أشغله على 50 بس، وإحتديت أحط الخشبة اللي واضحة تحت والكاس البلاستك علشان ما يحرق البخار المباشر رجل حد.
وبالنسبة للكرسي سويته من قطعة بلاط وحده 90 في 45 مع إضافة قطعة جنبها 20 سم حتى أكمل ال 1.1 عرض، وصارت جلسة الكرسي مريحة خصوصاً إن قاعدته مايله للداخل بميلان ساق الواحد يعني يجلس ورجله محنية صوب الداخل وهو مرتاح، فخليت القاعدة بعرض 30 سم تحت وفوق مكان الجلوس يزيد شوي عن 45 سم، وسويت كسره بعمق 10 سم في الحايط حق عدة التنظيف والصابون.
وأترككم مع الصور
وهنا يبين واضح المدخل ومقابلته المغسلة وعلى اليمين الدبليوسي واليسار الشاور، وصراحه غامرت كثير في هالحمام فسويته على بلاط أرضية الحوش بدون اساسات، والحايط اللي فيه الباب إرتفاعه يوصل 5 متر لأن جزء كبير في الأرض مدفون وبدون أساساس كلش.
وهذي الصورة توضح داخل الشاور وتبين الكسرة أو الروشنه اللي في الحايط، واللي أتمنى كل واحد بيبني حمام جديد أو يعدل على موجود يسويها لأنها مريحة وسهلة الإستعمال.
والجاية صورة توضح نقطة دخول البخار واللي اضطريت أحط الدلو البلاستيك كحماية يدخل فيه البخار ويطلع فوق بدال ما يحرق رجل أي شخص.
وهذا سقف الشاور لازم يكون مقوس حتى ما يقطر البخار عشوائي، وينزل على الجوانب، والإنارة هذي هي نوعية الال اي دي LED وهذي فيه منها كبار بعد لداخل الحوض تكلف شوي أكثر بس إضاءَتها روعة وتعيش شكل ما سمعت 15 سنة، مثل إضاءَة السيارات الجديدة اللي تنور حتى في النهار.
وهنيه واضح مدخل بايب الماي اللي حق تعبئة المسبح، ويحتاج الواحد يغير هذا الماي كل سنتين مرة، والبايب مار تحت كرسي شاور البخار ورايح إلى مسافة 40 متر تقريباً لخارج السور جهة الشارع، ومغطى بغطاء خاص، وهنا غطيناه بكيس نايلون مربوط عن دخول المرعب بو 6 ريول اللي يخافون منه بنات العالم، وينشبك معاه هوز يدخل الماي للحوض بسهولة.
زاوية ثانية للمسبح
نفس الزاوية بس من فوق، والسقف فيه بلاستك مزدوج أزرق يعطي إحساس بوجود غيم وظلال خفيف، سعره 800 ريال لطول 5.8 متر في عرض مترين.
وهذي صورة توضح السقف ومروحة شفط من ثنتين لازم يشتغلون خصوصاً وقت الشتاء لإشتغال السخان وتكثف البخار على السقف لبرودة الحديد، ونصيحة لأي واحد خاطره يسوي مسبح مغلق إنه يسوي حماية للحديد من الصدأ .. انا مفكر فيها بس عقدتني الأسعار.
وهذي مراية ومعاها اللي تبين بشكل ملتف 45 درجة اللي يسمونها قلاس بلوك أو الطابوق الزجاجي للي سئلوني عن هذا النوع، وهذي كانت زايده عندي من زمان واستخدمتها هنيه، ولو شفتوا بلاط تكرمون الحمام والشاور كله كان قديم مرمي جنب الزراعة واستخدمته، على ما اذكر تدمر معطيني اياه زيادة على كميات شريتها.
وبنواصل بالباقي ان شاء الله وقت ثاني
المشاركة الأصلية كتبت بواسطة لمعة الالماس
كلفني حول 240000 ومشكور على الإطراء شجعتني والله كنت خايف ما يعجبكم
ما شاء الله شغل مرتب والله يهنيكم فيه
بعد اذن صاحب الموضوع عندي منطقه محصوره بين البيت والملحق وجدار الحوش بقياس
8*5 من الجدارالى الجدارومحفوره من الاول هل بتكون مناسبه لعمل حمام سباحه وكم لازم يكون العمق خاصه مع وجود اطفال وكم ممكن تكلف اذاعملتها مسكره
مساحة 8 في 5 طبعاً بتشيل منها إرتداد بين الحايط وحايط المسبح، يعني ممكن تصفي لك على صافي مساحة للمسبح حول 6 في 4 أو حتى 3 ونص حسب كل شركة ... لكن شوف لو بتاخذ من ريجنسي والنظام اللي ما يحتاج غرفة معدات والفلتر والليت والدرج يجون مع بعض أتوقع اقدر تخلي الحوض ملاصق للحايط، فتخليه أقرب ما يمكن للزاوية، وتوفر باقي المساحة للجلوس، وعندك البلاستك الأزرق اللي شفته ألواحه طويله تغطي مساحة مسبحكم كاملة وبتكون حلوه بس لو تحصل حد يسوي سقف المنيوم بسعر زين ... ممكن حتى توصل صافي مساحة حوض ريجنسي عندك إلى 4 في 7 بس بتحتاج مساحة جلوس ولازم تضحي بمساحة المسبح، 3 أو 3.5 في 6 بتكون زينه، وبالتوفيق لك.
تسلم إخوي .. وهذي الفكرة إن الواحد يسوي مكان خاص وشرح، والحمد لله النور الطبيعي شكثر عندنا ولا نستغله صح .. وصدقني درجة الحرارة داخل معقولة، ونادر كلش اللي نشغل المكيفين.
الله ايبارك لكم انشا الله الله يعطيك خيرها ويكفيك من شرها
آمين وربي إن شاء الله يبارك لك في حلالك وعيالك
اخي الحبيب ما رأيك بهذه الفكرة هل عليها ملاحظات من وجهة نظرك
طريقة ممتعه لعمل مساحة مائية فى حديقتك نفذيها بنفسك
من أهم الأشياء التي تضفي لمسة جمال وفخامة على الحدائق هي استخدام مصادر المياه الصناعية كالبرك و الشلالات التي تحدث تناغما جميلا ًمع النباتات والأشجار المحيطة, وأمتع وسيلة لتحقيق ذلك هي أن تصنعيها بنفسك.
خطوات العمل
حدد الشكل الذي تريده للبركة ( بيضاوي – مربع – غير منتظم ) وذلك بواسطة حبل على الأرض والأفضل أن تكون مساحتها واسعة عرضها.
نقوم بتحديد المكان المراد للتنفيذ
ثم نضع الحبال حسب الشكل الذي نريده
نحضر اطنان من الحجر والصخور قبل البدء فى العمل
نبدأ بالحفر بحيث يكون عمق الحفرة أكبر في الوسط ( أي متدرجة الارتفاع والوسط أعمق منطقة تقريبا عمقها من متر ونصف إلى مترين )
بعد الانتهاء من الحفر تغطى الحفرة من الداخل بالكامل بشراع أزرق ( كالذي يوضع على الخيام للحماية من المطر ) مع ترك مسافة نصف متر تقريبا زائد حول البرك
حول أطراف البركة من الخارج يرتب حصى بشكل متناسق ( حصى كبير ومفروش ) ويوزع بينها الأحجار الصغيرة الملساء في نواحي متفرقة
ملحوظة
يمكن وضع مضخة صغيرة للمياه في الوسط وتمدد أسلاكها بشكل جيد ، ثم يوضع أيضا فلتر للمياه على جانب من جوانب البركة وتمدد أسلاكه أيضا بشكل جيد وآمن تغطية الأجزاء الزائدة للشراع بمسطحات العشب ( نجيلة ) حتى لا يظهر منها شيء تعبأ بالماء و منظرها جدا رائع وصوت جريان المياه فيها جميل.
وزعي حولها بعض النباتات ويرمى داخلها أوراق الزنبق والورود
شكل اخر لبركة دائرية
ضوابط المشاركة
رد مع اقتباس
