صفحة 1 من 14 12311 ... الأخيرةالأخيرة
النتائج 1 إلى 10 من 132

الموضوع: عمل حوض سباحة مغلق

  1. #1
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558

    عمل حوض سباحة مغلق

    إخواني وأخواتي الأعزاء

    في هذا الموضوع حاب أنقل لكم تجربة بنيان حوض سباحة مغلق، حيث كانت الفكرة موجودة ومخطط للمكان منذ إنشاء البيت، وقد تركت الأرضية الخلفية بدون دفان، حتى يكون الحفر أقل ما يمكن.

    وتم توقيع العقد واقتراح مواصفات الحوض مع شركة تدمر، وكانت فترة الإنشاء لن تتعدى 3 أشهر إذا أنا أكملت متطلبات العمل الخاصة بي، وهي أعمال الحفر والردم وبناء غرفة المعدات، بالإضافة إلى نيتي عمل سقف منفذ لنور الشمس وتكييف وبناء جلسة جانبية وتكرمون حمام.

    المهم صورت الموقع قبل بس ما حصلت الصور الا اللي في بداية الحفر، وحظي زين كان إن عندي مساحة الحفار بمساحة الحوض وزيادة شوي للطابوق في حدود 8 في 5 متر يعني وكانت عندي قطعه فاضية باحط الدفان فيها، وباخليكم مع صور التكسير والخربطه وباكمل بعدها




    وهذي الصورتين لعمق الحفر بعد ما بدينا بسرعة بنزع البلاط ورصه في الأرضية اللي ناوي أدفنها علشان أسويها بأرضية صالة البيت.

    وهذي المساحة محصورة بحوايط البيت الخارجية واللي نويت أرفعها أكثر، وهذي صور لمدخل الصالة الخلفي اللي جهزته قبل علشان يطل على الحوض.



    وهذي صورة لتكسير الدرج علشان المساحة تكفي لحاجز الطابوق.



    وهذي الأُمور كلها حتى الإتفاق على سعر محدد مع المقاول صعب، والمقاول باكستاني طيب وعلاقتي معاه قديمة وعارف انه بياخذ حقه وبس، وهذي بعد صور غير لتطور الشغل.



    هذي منطقة الجلسة وهي بمساحة 6متر ونص في عرض 3.14 متر، وكانت الخطة إني أخلي سقفها بإرتفاع عادي وسقف الحوض بارتفاع دورين ومفتوحين على بعض، وتبين هنيه فتحة بايب صرف ماي المطر اللي نزلناها لتحت مستوى بلاط الغرفة وسوينا لها فتحة على الخارج في الحايط الخارجي.



    أعتقد هذا يكفي اليوم وإن شاء الله نواصل بكره.

  2. #2
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اليوم بنواصل وإن شاء الله نخلص

    وأرجو المسامحة على كبر حجم الصور وباحاول أصغرها اليوم، وهذي صورة للجزء اللي دفنته علشان يكون جلسة خارجية في الجهة الثانية من الحوض، ومساحتها تقريباً 7 في خمسة متر متضمنة جزء الزراعة.



    وهذي الصورة توضح العازل الإحتياطي لحايط البيت علشان ما يتشرب أي رطوبة، وفي الطرف البعيد يبين بنينا طابوق إضافي علشان يخف الضغط على سور البيت الخارجي وما ينكسر بضغط الدفان.



    وهذي صورة توضح منطقة الحفر الغزير اللي هو كان 70 سم، وجزء كبير منها بيروح طبقات صبية الأرضية والعزل والنظافة.



    وهنا انكشفت أساسات سور البيت وتبين واضحة، وكنت خايف تكون أعلى وتقل مساحة الحوض لكن الحمد لله جات على الحافة.

    منطقة الجلسة وهي تنملي بالدفان تدريجياً.




    نتوقف لإفتتاح السوق ونواصل بعد شوي.

  3. #3
    تميم المجد
    رقم العضوية
    1104
    تاريخ التسجيل
    Mar 2005
    المشاركات
    5,623
    يعطيك العافية
    موضوع شيق. ابي بركة سباحة ومتردد

  4. #4
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة مرتبش مشاهدة المشاركة
    يعطيك العافية
    موضوع شيق. ابي بركة سباحة ومتردد

    الله يوفقك إن شاء الله ويعافيك

    إذا عندك مساحة ومستعد نصيحة سوها داخلية ومكيفة ومدفئة .. تكون خاصة ومستورة وتستخدمها أي وقت تبي 24 ساعة 365 يوم

  5. #5
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    معليش بين البداية والنهاية فيه خطوات كثيرة تمنيت تعيشونها معاي، لكن ما تفرغت أصور كل شيء وبانقلكم للوضع النهائي مع شرح لكل صورة.

    وهذي صورة للحوض من داخل صالة التلفزيون، وتبين مساحة الحوض اللي هي 4 في 7 ويبين في الأخير باب تكرمون الحمام، وسويت عارضة حديد حق تعليق كيس الملاكمة في الزاوية، ويبين النور كيف داخل من فوق، من أول الصبح إلى المغرب المكان منور طبيعي، وفي الليل لو القمر شبه مكتمل أو مكتمل النور يكون خفيف وهاديء ومحسوس.



    وهذي صورة توضح السقف.



    والسقف عانيت معاه معاناة، ومنهم من وعدني ب 30 الف مبدئياً ويوم شاف المكان تم يتهرب وهو صديق ما اعتذر انه بيكلف وحاول يوزعني على شخص ثاني بيسويه بطريقة مجهولة و بقريب ال 60 ألف، وغيره قال بس الجزء الفوقي وبدون حساب الجوانب ب 120 الف وبنسويه بألمنيوم ومن داخل حديد والزجاج بيكون خاص بالأبراج ... والجوانب دبر حد يكملها لك، يعني تعقيد في تعقيد وتميت في ركضة فترة يمكن شهرين، وكان الحوض يتجهز حيث تم بنيان الطابوق وعزله جيداً من الجهتين، وتم تركيب الحديد المغلف الأخضر وتم رشه بالضغط بالخرسانة، وموضوع رش الخرسانة بهوز كبير وطويل كان مهم بالنسبة لي لوجود الحوض في آخر البيت وفي الزاوية، حتى عملوا فتحة في السور في مستوى الأرضية ليوصلوا الهوز للداخل، وكنت مواعد العيال لا للسفر هذا الصيف والحوض لكم، ولا خلص وبدأ التذمر من كل حدب وصوب، وأخيراً تم التنازل وإقتراح السفر لبانكوك لعلمهم بدواعيس المدينة بدوني، فوافقت وقلت فرصة أكمل براحتي، وصادني كسل صيفي وجا شهر رمضان وهدا العمل لآخر درجة سوى إني تعاقدت مع جيمكو على جهاز البخار وسقف شاور البخار وإنارة خاصة بيجي موضوعها إن شاء الله.

    وهذي صورة ثانية للسقف اللي يتدرج إرتفاعه من 7 متر إلى 6 ونص متر، ونفذه لي حداد جيد ب 26000 وبعدين زدناها 5000 لعمل تدعيم إضافي وطبقة بلاستك ثانية للجوانب لأن الهوا القوي كان يهزها قوة، وتبين هنا نافذة غرفة فوق تطل على المسبح.



    وكانت لي نية بعمل درج حديد وبلكونة تطل من الصالة على المسبح، بس الصالة عندي داخل جهة المسبح مفتوحة ارتفاع دورين وتتطلب تعديل بعمل مزانين فلور وشغله بتكون شوي مزعجة.

    وباكمل في باقي التفاصيل قريب إن شاء الله.

  6. #6
    محاور إقتصادي الصورة الرمزية مضارب دوسري
    رقم العضوية
    14642
    تاريخ التسجيل
    Jun 2007
    المشاركات
    67,176
    ماشاء الله شغل متعوب عليه وروعه
    الله يبارك لكم
    التعديل الأخير تم بواسطة مضارب دوسري ; 16-05-2012 الساعة 10:59 AM

  7. #7
    عضو مؤسس
    رقم العضوية
    23938
    تاريخ التسجيل
    Jan 2009
    المشاركات
    16,609


    ما شاء الله تبارك الرحمن .. البركه حلوه وايد .. واحلى مافيها ان الواحد ياخذ راحته
    بس عبالتها عباله .. تتهنون فيها ويازينها في الصيف
    ديروا بالكم على الاصغار الله يحفظهم


    جملك الله برضاه

    .. فــي قلبــي ..

    إبتســامة طفــل .. ومكاناً يســع الجميــع .. وخانــة اسمــها قضاء حوائـــج النــاس ..

  8. #8
    عضو مؤسس الصورة الرمزية دااانة قطر
    رقم العضوية
    34234
    تاريخ التسجيل
    Sep 2010
    الدولة
    في داااري
    المشاركات
    9,217
    ولو ان الصور ماطلعت
    لكن الفكره موجوده لبيت المستقبل
    الف شكر

    ملف مرفق 102747
    صعْبْ أعيْشٍ وبـ دآخليْ حلمٍ مكسُورٍ

  9. #9
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    الشُكر لكم جميعاً والحمد لله إنها طلعت حسب التوقعات

    مشكور إخوي مضارب دوسري ومشكورين تحداني الزمن ودانة قطر، بس كل الصور تبين عندي وشكبرها زين انتبهت وصغرتها شوي، وبعدين في الشتاء وايد أحلى مع البرق والمطر تسمعين الحديد يطقطق، وأصوات تحفيص السيارات برا، والواحد يعيش الجو

  10. #10
    تميم المجد
    رقم العضوية
    1104
    تاريخ التسجيل
    Mar 2005
    المشاركات
    5,623
    ماشاء الله حلوة والنور الطبيعي مخلي المكان يشرح الصدر
    وتنفع كمكان للقعدة او بيبي فوت الخ

صفحة 1 من 14 12311 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •