نقاش حول مساويء تخطيط وتنفيذ طرق قطر

[راعي الكورفت]

أعتقد المفروض يوقفون تصميم شوارع الدوحه ويتركونها كما هي ..

الحل ببناء مدن جديده وطرق جديده خارج الدوحه .
مساحات ضخمه من البلاد مازالت أرض صحراويه لم تستغل .

لماذا فقط التركيز على الدوحه .

فكم من أموال بالملايين صرفت على شارع واحد .
فنراهم يكسرونه ويعيدون بناءة ثم يكسرونه ويعيدون بناءة و العمليه تتكرر الآلاف المرات بسبب أن الشارع لم يعجب المسؤولين.

[معماري قطري]

الاشارة اللي عند محطة كهرماء الخيسة الشارع هابط بصورة مخيفة جدا في 3 اماكن متتالية لدرجة لو مش منتبه لها ممكن تكسر سيارتك والمشكلة انه واحدة فيهم علفة الاشارة اليمين يعني انت ما بتشوف نفسك الا وانت في نص الحفرة لهم اكثر من شهر وحتى الان لم ارى صيانه لها

الحفرة الخطيرة فيهم حوطوها بالبلاستيك عشان الناس تنتبه لها ومازالت عحالها لليوم

بالرغم من الطريق والاشارة جديدة عمرها لم يكمل سنة واحدة

حي الله خبير البرمجة عندنا

للأسف أحداث كثيرة نمر عليها في الشوارع ولا نقدر نصورها وممكن نذكرها .. الشارع لازم يكون صالح لسير جميع أنواع السيارات اللي تباع في البلد .. واللي ما تصلح تمنع من السير أو ما يوردونها

العيب الثاني إن المقاول اللي يشتغل في شارع يكون مرتبط بمشروع كبير ومسعره بغالي وتطلع على أرض الواقع أُمور لم تكن في الحُسبان ولم يخطط لها .. كضعف في الأرض أو مياه جوفية أو غيره .. وكلها مذكورة في العقد ومن واجب المقاول عملها حتى يكون البناء جيد ومضمون لفترة أَقلها 10 سنين يفترض في بنية الطريق التحتية .. ويفترض حسب الطريق وطبقاته ضمان يصل ل 100 سنة مشروط ومحدد بدقة

اللي يصير عندنا لا الضمان موجود وينفع وفترته في العادة قصيرة وثغراته كثيرة .. الشيء الثاني الإشراف على الشغل وترتيب العقد قبل وأثناء وبعد التنفيذ ركيك وشبه مفقود وهذا يخلي مجال اللعب كبير

صارت حفرة وانهيار كبير تدخل فيه سيارة في تقاطع المول بسبب إزالة الدوار والدفن والترقيع بدون اهتمام قبل وتم الإصلاح سرعة غصب لأن الوضع صعب .. الهبوط اللي يعتبر معقول لراكب السيارات الكبيرة كالجيب وغيرها لا يعتبر معقول لراكب سيارة صغيرة أو رياضية أو حتى قديمة

[الحياة الخالدة]

تحياتي لك و لجميع المشاركين أخوي معماري

[معماري قطري]

أعتقد المفروض يوقفون تصميم شوارع الدوحه ويتركونها كما هي ..

الحل ببناء مدن جديده وطرق جديده خارج الدوحه .
مساحات ضخمه من البلاد مازالت أرض صحراويه لم تستغل .

لماذا فقط التركيز على الدوحه .

فكم من أموال بالملايين صرفت على شارع واحد .
فنراهم يكسرونه ويعيدون بناءة ثم يكسرونه ويعيدون بناءة و العمليه تتكرر الآلاف المرات بسبب أن الشارع لم يعجب المسؤولين.

بالعكس يا اخوي الدوحة من أسهل المدن والمفروض يبدون أول بأول في شوارع كثيرة وبطريقة متزامنة ويخلصون بتصميم متكامل مب قطعة قطعة وكل استشاري مختص فلل ياخذ قطعة يتعلم فيها .. بعدين الثلاث عناصر بين المقاول والاستشاري والجهة الإدارية للمشروع يكونون على قد المسؤولية وينفذون صح ونظام شامل لكل شيء من صرف صحي وصرف أمطار قابل للزيادة بسهولة وعبر أنفاق نجمة وحدة ما نبي 5 نجوم

عندنا الشوارع اللي حول وسط الدوحة ومشيرب ما ادري متى بتتنظم وصح وعندنا منطقة النصر فيها بنيان رهيب ومولات بتنفتح قريب ولا التفتوا لها للحين

[معماري قطري]

تحياتي لك و لجميع المشاركين أخوي معماري

صباح الخير مشرفتنا الفاضلة

إنتي ما شاء الله القلب النابض هنا الله يعطيج الصحة والعافية

[معماري قطري]

المشكلة اخوي راعي الكورفيت وباقي القراء هي في التخطيط الناقص واللي ما يخدم الا فترة بسيطة ويتم تعديله بتخطيط أدمر منه ويكون الشغل مستمر للانهاية

[الحياة الخالدة]

صباح الخير مشرفتنا الفاضلة

إنتي ما شاء الله القلب النابض هنا الله يعطيج الصحة والعافية

ماعليك زود أخوي معماري .. ولا به قصور في بقية اخواني و خواتي
موضوعك من المواضيع الحيوية و فيه الكثير من الأفكار و الاقتراحات البناءة .. نتمنى أن تؤخذ بعين الاعتبار

[fzaa_qatar]

معاك والمفروض يكون حل هالشارع اما انه يكون شارع اتجاه واحد ما ينفع اتجاهين لكثره الحركه المروريه فجميع الاوقات ولوجوده في منطقه حيويه فاحسن احلا اتجاه واحد والغاء جميع الاشارات اللي بين كل اشاره واشاره اميه متر وتسبب الزحمه .. ويا ليت بعد يهتمون فشوراع الفرجان رايحه فيها خاصه معيذر لا شوارع عدله ولا اضاءه ولا انترلوك

[راعي الكورفت]

بالعكس يا اخوي الدوحة من أسهل المدن والمفروض يبدون أول بأول في شوارع كثيرة وبطريقة متزامنة ويخلصون بتصميم متكامل مب قطعة قطعة وكل استشاري مختص فلل ياخذ قطعة يتعلم فيها .. بعدين الثلاث عناصر بين المقاول والاستشاري والجهة الإدارية للمشروع يكونون على قد المسؤولية وينفذون صح ونظام شامل لكل شيء من صرف صحي وصرف أمطار قابل للزيادة بسهولة وعبر أنفاق نجمة وحدة ما نبي 5 نجوم

عندنا الشوارع اللي حول وسط الدوحة ومشيرب ما ادري متى بتتنظم وصح وعندنا منطقة النصر فيها بنيان رهيب ومولات بتنفتح قريب ولا التفتوا لها للحين

الشوارع يمكن تعديلها بالدوحه لكن الكثافة السكانية الكبيره في هذه المناطق تحول دون تنفيذ كثير من المشاريع الجديده لان أي مشاريع (هدم و بناء) سوف تسبب بالزحام الشديد مع تعطيل مشاغل الناس .

[معماري قطري]

ماعليك زود أخوي معماري .. ولا به قصور في بقية اخواني و خواتي
موضوعك من المواضيع الحيوية و فيه الكثير من الأفكار و الاقتراحات البناءة .. نتمنى أن تؤخذ بعين الاعتبار

انا والله مستغرب هذيلا اللي يسمونهم خبراء ما يشوفون شلون بعض الشوارع اللي ناقصها تحسين بسيط

كله يحبون يسوون شيء جديد وبدون خطة واضحة .. صوب منطقة ام الجماجم كيلو 51 على طريق سلوى يجهزون لشارع جديد ما ادري بس ممهدين الأرض اللي كانت أصلاً ممهدة .. والدوحة مناطقها كلها تحتاج ترقية وترتيب وابتعاد عن التخطيط المقوس أو الدائري والدوارات كذلك .. ما ادري مقاولهم المرضي عنه مسكين مشغول وايد ولا يلحق