عندي خصم 30 %
ومع ذلك اشعر ان اسعارهم في بعض الاحيااان مبالغ فيها
كنت دايما اشتري من عندهم لين انضربت اكثر من مره في الجوده تبع ماركة اقنر
يا ازرار مكسور ياقلم خربان
ورايح راجع ماعندي شغل الا هم
عندي خصم 30 %
ومع ذلك اشعر ان اسعارهم في بعض الاحيااان مبالغ فيها
كنت دايما اشتري من عندهم لين انضربت اكثر من مره في الجوده تبع ماركة اقنر
يا ازرار مكسور ياقلم خربان
ورايح راجع ماعندي شغل الا هم
انا بعد عندي تخفيض في كل شي ولكن الصراحة ما اوتق فيهم
ثلاث تفاحات غيرت العالم
تفاحة ادم
وتفاحة نيوتن
وتفاحة ستيف جوبز
ماشتري من عندهم الا عطورات ومستحضرات لابريري
علمت أن رزقي لن يأخذه غيري فطمأن قلبي
وعلمت ان عملي لا يقوم به غيري فاشتغلت به وحدي
اصلا من زمان هم رافعين الأسعار وتخيل ناس وناس يعطونهم خصم 30% او 40% وبعد ربحانين
تجربتي مع الشركات العربية لإنشاء موقع الكتروني .. ادخل واستفيد
http://www.qatarshares.com/vb/showth...67#post7271967
اغراضهم كلش مغشوشه ومب شي
ماخذين ساعه من عندهم واكتشفنا في البيت من تحت مكتوب عليها made in chaina
ونفس الساعه فمحل ثاني وتقريبا نفس السعر made in itlay
والله احنا انقرصنا منه واااااايد
الازره لازم تنكسر
والقلم لازم يخترب
والساعه لو كانت روز قولد او قولد يطير لونها
مع انها المفروض اصليه ومبالغ خياليه بس الجوده صفر ...
وحاليا سويت لهم اكس وصرت اطلب كل شي من الانترنت وايد ارخص واظمن لي
الشيخ انا جاني مسج منهم من يومين انهم مسوين تنزيلات على الساعات 40٪ تأكد يمكن بدو التنزيلات بعد ماطلعت من الرويال وانت رايح الحياة !!! ترى الظليمه شينه...
خلنا من الكلام الانشائي .. نجي للجد..
من 4 سنين تقريبا نزلوا ساعه لمتد ادشن .. سبحان الله جيو موناكو برضو
المهم الساعه بـ27 الف على اساس مرصعه بالالماس.. وحاطينها في باترينة عرض مميزه ومسلطه عليها الاضواء ... طُعْم...
المهم بعد الخصم عطوني اياها بـ19 الف على اساس انه خصم الخصومات اللي ماحصلش ولا حيحصل والشركه بتخسر لو نزلوا ريال واحد...
المهم.. المفاجئه الاولى.. كلمني ولد عمي وقال كنت اقدر اجيب لك خصم 50٪ يالدلخ .. يعني دفعت 6000 ريال زياده عالفاضي ...
وعلى اساس انهم معطيني اياها بسعر التكلفه
المفاجئه الثانيه.. بعد مده دخلت باريس جاليري فرع ثاني.. كنت ادور زرار وقلم للساعه.. شافها البياع وقالي الله حلوه الساعه .. انت مركب لها الالماس ؟!!!!!
والله كنه حد صب علي ماي بطاريه بارد !!!! قلت له ليش انتوا مانزلتوا منها الماس ؟!! قال لي لا !!! اول مره اشوفها
قلت له انا شاريها من عندكم ولمتد ادشن يا بلفيت .. انصفق وجهه وحس انه خارها وقال لي اه يمكن ...
دريت السالفه فيها لعبه
المفاجئه الثالثه.. دخلت موقع جيو موناكو ادور على الساعه ولا لها اي ذكر !!!! ولا لمتد ادشن ولا الماس ولا عقيق يماني!!!!
المفاجئه الرابعه والادهى والامر... شاف الساعه بياع في الصالون الازرق.. قال انت مركب لها الالماس ؟!!! هني عاد انبطت كبدي.. قلت له ليش ؟!!
قال لي احنا اصلا وكلاء جيو موناكو وما قط نزلت الماس !!!!!!!!
عرفت اني انقص علي ومتأكد مليون في الميه لو رحت لهم بيقولون لي ااااه هذي اصدار خاص للباريس جاليري شو بتفكر تئبرني !!!!
والفلوس اندفعت والساعه انلبست وماحسيت اني "........." الا عقب سنه .. قلت اسكت ابرك وهذا درس لن انساهو ما حييت .... ااااااي...
اللي يبي يتأكد انهم يجيبون ماركات مضروبه يروح الرويال ويسأل عن قلم جيو موناكو الالماس .... سعره 20 مادري 30 الف ووالله لو تمسكه بيدك تحس قلم مال تايلاند بريال ومركبين له الماس بالكثير بالف ريال في سوق الذهب ...
والحياه تجارب...
ترى عاقبت نفسي على ال19 الف اللي ضاعت عالفاضي لو شاري رولكس ولا بريتلنج ابرك.. ومن اربع سنين لابس الساعه ومحلل قيمتها وحالف ماشتري غيرها والثياب قمت افصل هدد عشان ماشتري ازره عقاباً لي ...
اي صح تذكرت المفاجئه الخامسه ماقلت لكم عنها ....
عطوني كرت مع الساعه على اساس انها اصدار خاص وما انصنع منها الا 100 حبه في العالم مادري حق باريس جاليري بس ... تذكرون سالفة اصدار خاص اعلاه.... المهم الكرت مكتوب عليه ان السيريال نمبر مال الساعه 61 مادري 63 ...
بعد فتره... وكعادتنا دائماً... بعد ماتروح السكره وتجي الفكره ... قلت اذا اصدار خاص اكيد السيريال نمبر محفور على الساعه من ورى...
اقلب الساعه واشوف الا ... Sn 0003 .... يعني serial number 0003 !!!!!
وط دز ذا مان مين ؟!!! واللي يحل اللغز له صفقه...