بعدين ذكرت سابقاً معلومة مهمة قد تخفى عن البعض ألا وهي أن طبقة الطابوق الخارجية والعازل يحمون طبقة الطابوق الداخلية من التشققات والشروخ، كما أن هذا النظام يعطي عزل صوتي جيد.
بعدين ذكرت سابقاً معلومة مهمة قد تخفى عن البعض ألا وهي أن طبقة الطابوق الخارجية والعازل يحمون طبقة الطابوق الداخلية من التشققات والشروخ، كما أن هذا النظام يعطي عزل صوتي جيد.
السلام عليكم ورحمة الله وبركاته
أولا أشكرك على المجهود المقدم منك وخصوصا الشرح وهذا يدل على معدنك الاصيل وحبك لمساعدة الغير بدون مقابل
أنا بصراحه ماقريت كامل التقرير لاني فالدوام وماحصلت فرصه أقراه كله وأن شاء الله أكمل قرائته فالبيت بس في أستفسار إذا تكرمت
أنا اللحين بديت أفكر في بناء بيتي فا قعدت ألفلف على البيوت اللي تحت الإنشاء وأملغ ع المقاولين ههههه فا في طابوق شدني يكون مغطى بطبقه من الإسفنج تنحط فالأطوف فالنص بشكل مستقيم مادري إذا كانت على خط واحد أو أكثر في كل طوفه ومره شفتها على الدرج فالنص بس على شكل قطعه صغيره وبخط مستقيم في كل إدرجه تقريبا ويوم سألته عنها قال هذي عشان العازل طبعا هذا اللي فهمته منه لان الموجود كان سيرلانكي وموب عربي فااا المفاجأه كانت يوم سألته عن السعر قالي أن الحبه الوحده بـ 700 ريال أنا عاد رقصت باليه قدامهم ههههه ولكن فعلا ماهي فايدة هذي الطوابيق وكم اسعارها وما مدى قوتها
أسف لاني هذرت وياك واجد بس فعلا حاب أعرف أشياء كثيره عن البنيان وشكراً
للبدل ارض حكومية في منطقة (ابا الحيران) جنوب الوجبة 1200 م مع ارض حكوميه في منطقة (أم سنيم) > >> <<<
بارك الله فيك ع المجهود الواضح وجعله الله في ميزان حسناتك وعسى بيتك اساسه التقوى ,وكما ذكر الرسول صلى الله عليه وسلم بمامعناه احبكم الى الله انفعكم للعباد,حابه اعرف شغله اذا كان البيت جاهز عظم بلاستر ولم يتم عزل الحوائط هل من طريقه في هذه المرحله للعزل ولا خلاص راحت عليه
عليكم السلام ورحمة الله وبركاتُه
إخوي فيه نوع من العوازل يُسمى بالصوف الصخري وهو أرخص ولو كسرت ثلاجة تحصله يغلفها من الداخل، وهذا عيبه ينضغط بسهولة بس ينفع لتجويف الحوائط وخصوصاً عندنا وعيبه الثاني يسبب حساسية قوية بس داخل التجويف ما عندك مشكله منه، ومستحيل يوصل 10 ريالات للمتر المربع منه،، والثاني اللي هو فيه منه الأبيض اللي كثافته خفيفة وفيه منه الأزرق اللي شوي ثقيل ويابس ولا ينضغط ينفع للأسقف، والأبيض أرخص شوي وينفع للحوائط، وسعر اللوح منهم بمقاس 1.22 م في 2.44 م حوالي 20 ريال وإحتمال زاد شوي ألحين، وما اعتقد وصل 70 والسيرلانكي غلط قال 700 بس كل شيء جايز، وفي بعض الدول تم إستخدام بقايا الجرايد والكتب والدفاتر في العزل، وتم إستخدام بقايا أوراق الأشجار وأعوادها أيضاً في العزل الحراري، وفي قطر ودول الخليج وكثير من الدول الفقيرة تم استخدام سابقاً مادة الطين المخلوطة بخوص النخيل وعيدان الأشجار وكانت مادة عازلة جيدة، ولعل إكتشافها جاء عن طريق التجربة والخطأ وصدفة.
الله يسلمج إختي ويبارك فيج
والله أحاول أنصح باللي جربته وعرفته وأراجع بروحي وأتذكر أشياء كثيرة مرت علي.
وشوفي بالنسبة للبيت الجاهز وأسهل حل تسوينه الصبغ الأبيض الخارجي، وهو له دور كبير في العزل ضد الحرارة، لكن لو تبين تزيدين العملية سهلة، استخدمي ألواح العازل الأزرق لأنها أكثر صلابة، وخلي يثبتونها على الحائط ببتومين وبعدين يجي فوقها الشبك الخاص بالبلاستر ويتثبت ببراغي توصل للطابوق يعني يكون طولها 8 سم كفاية وبعدين يجي بلاستر فوق الشبك وصبغ، أو كحل ثاني ممكن إستخدام ألواح البلاستر الجاهزة وتتركب ببراغي مباشرةً بدون شبك البلاستر وتنصبغ، وحل غير تركيب حجر صناعي فوق العازل بس بطريقة البراغي، والحل الأخير حسب معلوماتي هو بيكون مكلف ويعيش طول العمر وهيئة التخطيط العمراني الموقرة بترفضه،، اللي هو تركيب ألواح الألمنيوم العازلة، وهذي اللي تتركب حق المباني التجارية والأبراج، وفيها نوعيات تجي بعازل خاص داخلها وطريقة تركيبها سهلة وسريعة وتعطي منظر فريد وغريب، وهيئة التخطيط تمنعها لسبب المحافظة على الهوية القطرية للبناء.
اليوم باواصل معاكم بتكنولوجيا جديدة للعزل مع عكس نور الشمس للدخول للمبنى بحيث يكون ساطع على السقف بدل الأرضية،،
ونشوف الصور مع الشرح.
أولاً هذي صورة توضح مبدأ السواتر الخارجية للواجهات الزجاجية أو النوافذ، والتي في حالة فتحها تنعكس عليها أشعة الشمس لداخل المبنى بحيث تسطع على السقف، وهذه ممكن التحكم بها وإغلاقها جزئياً أو كُلياً لعزل مثالي صوتي وحراري وضوئي.
وطريقة عكس أشعة الشمس هذه طريقة قديمة واستخدمت فيها قطع مرايا توضع على حافة قاعدة النافذة الخارجي في بعض الدول قليلة السطوع الشمسي، إما هنا فتدخل فيها التكنولوجيا الحديثة والطرق الآلية لخلق مناخ ضوئي وحراري حسب رغبة المستخدم.
وهذا قطاع طولي لجزء حائط زجاجي وطريقة عمل هذه السواتر العازلة، ومع توضيح نظام التهوية والهيكل الإنشائي لبناء متعدد الأدوار.
وأخيراً صورة لواجهة أحد المباني.
ونتمنى أن تكون لدينا القدرة على تصنيع مثل هذه السواتر الخارجية فطريقتها سهلة ولدينا الآن مصنع الألمنيوم، واللذي أعتقد من الممكن أن يعتمد تصنيع سواتر ألمنيوم خفيفة الوزن وممكن التحكم بفتحها وغلقها للنوافذ العادية، وحتى لو بطريقة يدوية أضمن لعدم تعطلها.
فيما يلي رسمه توضح مقطع لحائط مع إستخدام عازل عريض بعرض 10 سم وحجارة بازلتية كتكسية خارجية، وهذي الحجارة مركبة بواسطة حديد خاص استانلس ستيل مقاوم للصدأ، ومتروك فراغ كبير بينها وبين الحايط الخرساني-الطابوقي وذلك للتهوئة وطرد الحرارة المتراكمة داخل الفراغ، وهذا من أفضل أنواع العزل الحراري على الإطلاق.
هذه صورة إلتقطتها لمبنى تحت الإنشاء
وقد لا يُلاحظ البعض الإختلاف من خلال الصورة كما هو في الطبيعة، لكن إن شاء الله أُوفق في إيضاح الصورة للمشاهد والقاريء الكريم،،
يتضح لنا استخدام طابوق عادي للملحق لكن جدار البيت الخارجي تم عمله بواسطة ما يُسمى بالطابوق الإسفنجي أو الستايروفوم بلوكس، وهذا يتطلب صفه وإلصاقة وسد الفجوات بين طابوقة وأُخرى مادة خاصة شبيهه بالبيتومين لتقليل الجسور الحرارية، والتي تنشأ من استخدام المونة العادية لوجود فراغات كبيرة بين طابوقة وأُخرى،،
لحد الآن كل شيء معقول ونقدر نقول الشغل مبدئياً مضبوط وهذا من نظرة من بعيد، لكن المشكلة تبقى والعزل غير فعال، والسبب هو عدم تغطية الأبيام العريضة الخرسانية واللي تبين واضحة لنا وتسبب جسور انتقال حراري قوي، مما يجعل عدم عزل البيت كعزله وتضيع فائدة الطابوق العازل هذا بسبب دخول كمية كبيرة من الحرارة من هذي الفجوات أو الجسور الحرارية.
وليسامحني صاحب البيت تم التصوير بدون إذن وللمنفعة العامة إن شاء الله.
بورك فيك للشرح الممتاز
ead.php?t=284476"]اندونيسيا كما رأيت يوليو 2009 بقلم بوخالد911 وتصويره[/URL]
[/COLOR]
سفرتي الى سنغافورة + استراليا + بانكوك 2008
سفرتي الى بانكوك مارس 2009
الله يسلمك ويخليك إخوي بو خالد
بالنسبة للبيت اللي في الصورة بعض الإستشاريين والموردين لهذا النوع من الطابوق يوهمون صاحب البناء وممكن عن غير قصد وعلم بأن هذا الطابوق بيعزل المنزل عزل كامل، وهم ينسون إن العزل يكون كنظام متكامل وأي فجوة تدخل منها الحرارة بسهولة تخلي نظام العزل يفشل.
كمثال دلة الشاي الحار معزولة من كل الجوانب بمادة عازلة فعالة وجيدة .. لكن لو فتحناها شوي بس طلعت حرارة الشاي وبرد .. وصحيح بيبرد بسرعه لو مفتوحه بالكامل، وبيبرد أسرع لو حطيناه في كوب .. وهذي الحقائق كلها تنطبق على المباني.
الحل هنا الأفضل كان عمل الطابوق عادي وبمونه عادية وعمل التمديدات داخله بسهولة والكسرات اللي يبيها من تصاميم حول النوافذ، أو روشنات في الحايط الخارجي، وتغطية الطابوق بنفس مادة السيبوريكس .. اللي هي الطابوق الإسفنجي الخفيف .. وتجي منه ألواح كبيرة بمقاسات مختلفة ممكن أن تُركب على الحائط الخارجي، وحتى سُمك 10 سم سيفي بالغرض ولن يحتاج لبلاستر عليه إذا تم تركيبه جيداً.
ونصيحة للإخوان الذين يبنون حديثاً أو في طور التشطيب أن يُركبوا إما هذا الطابوق على الجدار الخارجي أو الألواح، وبحيث تغطي الأبيام والأعمدة فتحفظها من الإنتقال الحراري وتحفظها من عوامل الجو والرطوبة، وهذه المادة خفيفة الوزن ووزن طابوقة عادية يعادل 3 طابوقات منها، ودرجة عزلها الحراري خيالية فقد رأيت تجربة عملية لها بوضع موقد نار تحتها وتضع يدك على الجهة الأُخرى فتلاحظها باردة، وكأن لا يوجد انتقال حراري من النار تحت الطابوقة، أما الطابوقة العادية فتلسع الحرارة يد من يلمسها.