العزل الحراري للمباني

[معماري قطري]

ذكرت في السابق الكسرات اللي ممكن نسويها في الحايط الخارجي العريض والمعزول .. مثل بعض الروشنات .. للي ما يعرفون هذا الإسم هذي كانت كسرة تنعمل في الحايط سواءً من الطابوق أو تكون ملبسة من الخشب كرف للأغراض .. وانا سويتها بتفريغ جزء من طابوق الحايط الخارجي .. من الطبقة الداخلية منه وخليت النجار يلبس الفراغ خشب بعد تسويته بالبلاستر وكنت مجهز حق إنارة من فوق حافة الخشب وركبت رفوف زجاج ... وهذي صورة لإحدى هذي الروشنات.



والشيء الثاني اللي سويته كسرة أو فراغ في الحايط في مكان النوافذ وتم تركيب الستارة بشكل داخل في هذي الكسرة بحيث تكون في مستوى واحد مع الحايط وما تكون بارزة.

وأتمنى إن هذي الصورة توضح قصدي .. وغلطت في البرواز الفوقي أو التاج مال الستارة كان المفروض يكون شوي أعرض من الجوانب.



وسلامتكم.

[معماري قطري]

قرأت عن تصميم جدران برج خليفة في دبي الزجاجي وأنقل لكم هنا رسم توضيحي عن هذا التصميم.



وهي طبعاً جدران عالية العزل الحراري وبتكنولوجيا عالية جداً كما هو موضح.

وهذا مخطط يوضح طريقة الإستفادة من التهوئة الطبيعية للبنايات العالية والإنارة الشمسية كذلك لتقليل الإعتماد على الكهرباء.

[معماري قطري]

إليكم إخواني هذا الكتيب باللغة العربية عن الخرسانة الرغوية .. وهي ما أُطلق أنا عليها الخرسانة الإسفنجية.

وهناك معامل متخصصة في دول عديدة قربنا تنتج هذا النوع بمقاسات مختلفة وكثافات مختلفة .. وكلما قلت كثافتها كثرت الفراغات فيها وزاد عزلها الحراري وخف وزنها وقلت قوتها الإنشائية وأمكن عمل قطوعات وتصماميم بالحفر فيها بسهولة.

واستخدامها كتكسية تزيينية كالحجر من الخارج وفوق الطابوق وبحيث تكون قليلة الكثافة، وبالتالي قليلة الوزن وطلبها بسمك 10 سم سيعطينا حتماً عزل صوتي وحراري خيالي.

وهذا الكتيب.

[البرق الصاعق]

ماشاء الله تبارك الله.... الموضوع مهم والمفروض كل الي يبغي يبني يطلع عليه ..بارك الله فيك اخوي معماري مجهود كبير تستحق الشكر وثناء عليه بجد استفدت كثير من هلموضوع دمتم بود وبرعاية الرحمن

[معماري قطري]

ماشاء الله تبارك الله.... الموضوع مهم والمفروض كل الي يبغي يبني يطلع عليه ..بارك الله فيك اخوي معماري مجهود كبير تستحق الشكر وثناء عليه بجد استفدت كثير من هلموضوع دمتم بود وبرعاية الرحمن

مشكور إخوي ويشرفني مرورك

صج موضوع العزل الحراري معقد مب بسهولة ينفهم ومهم جداً .. تخيل نفسك تدوس سيراميك أو بورسلان في بيتك هالأيام شتحس به؟ طبيعي بتحس ببرودة إذا كنت تكرم حافي، وبالعزل الجيد بيتك بيكون دافي دفء معقول في الشتاء وأقل تكييف يخليه بارد في الصيف، والمكيفات ما تخترب بسهولة وتشتغل براحتها.

انا مقصر كثير وصعب أوصل الفكرة ببساطة للكل، ولكل نوعية بنيان طريقة عزل خاصة وشرحت الفوائد كلها من العزل اللي أهمها ان ما تواجه شلوخ حرارية في الجدران عندك إذا كانت معزولة عدل.

[نور الحور]

ويني أنا عن هالموضوع من زمان ؟؟..ما شفته للأسف مع إني أمر دايما على قسم البناء والديكور ..
الله يعطيك العافية اخوي معماري صراحة شرح ولا أروع ..والتقريب لنا بفكرة دلة الشاي وايد سهل الفهم ..
انزين بالنسبة للي ما لحق على سالفة العزل مثلي ..الواح العزل بتكون كافية ؟ وكم تكلف ؟ وهل تنحط قبل البلاستر؟ ومن برا وداخل ولا بس من جهة وحدة ؟؟؟

آسفة على كثرة الأسئلة بس صراحة موضوعك يشد ..ومعلوماتك وافية

[معماري قطري]

ويني أنا عن هالموضوع من زمان ؟؟..ما شفته للأسف مع إني أمر دايما على قسم البناء والديكور ..
الله يعطيك العافية اخوي معماري صراحة شرح ولا أروع ..والتقريب لنا بفكرة دلة الشاي وايد سهل الفهم ..
انزين بالنسبة للي ما لحق على سالفة العزل مثلي ..الواح العزل بتكون كافية ؟ وكم تكلف ؟ وهل تنحط قبل البلاستر؟ ومن برا وداخل ولا بس من جهة وحدة ؟؟؟

آسفة على كثرة الأسئلة بس صراحة موضوعك يشد ..ومعلوماتك وافية

هلا أُخت نور الحور

انتوا إذا بتركبون حجر ركبوه بالطريقة الميكانيكية بالحديد وبترك فراغ بينه وبين الطابوق وفي هذا الفراغ تقدرون تحطون العازل .. أو ببساطة تسون فتحات صغيرة في الحجر من تحت يعني على ارتفاع 60 سم ومن فوق في أعلى وارش البيت .. وهذي ببساطة يدخل فيها الهواء البارد نسبياً من تحت ويطلع من فوق بسبب إن الهواء البارد كثافته أكبر فينزل تحت والحار كثافته أقل فيرتفع فوق ويستوي تجديد هواء للفراغ مستمر ويشيل الحرارة المترسبة والمنتقلة في الفراغ فيستوي انقطاع في توصيل الحرارة من الحجر للطابوق .. لكن الأضمن وضع عازل وفيه نوعية تجي على شكل رول يتغطى بها وجه الطابوق الخارجي ناحية التجويف وهذا الرول سمكه حول 2 سم .. وتبقى مسافه في التجويف لو قدرتوا تخلونها 5 سم بيكون الفراغ زين لنظام التهوئة المذكور قبل .. وفي هالحالة بتحصلون عزل مضاعف.

شوفي موضوع تاجر مبتديء عن الحجر وطريقة تركيبه وبسهولة يقدرون يركبون في التجويف عازل... والتكلفة والله ما اعرفها بس أتوقع أكثرها شراء مواد والعازل ممكن يكون 10 ريالات للمتر المربع .. يعني معدل البيوت 1000 متر مربع كمسطح خارجي فبتطلع يمكن 10000 أو أكثر حسب نوعية العازل وسعره.

[نور الحور]

هلا أُخت نور الحور

انتوا إذا بتركبون حجر ركبوه بالطريقة الميكانيكية بالحديد وبترك فراغ بينه وبين الطابوق وفي هذا الفراغ تقدرون تحطون العازل .. أو ببساطة تسون فتحات صغيرة في الحجر من تحت يعني على ارتفاع 60 سم ومن فوق في أعلى وارش البيت .. وهذي ببساطة يدخل فيها الهواء البارد نسبياً من تحت ويطلع من فوق بسبب إن الهواء البارد كثافته أكبر فينزل تحت والحار كثافته أقل فيرتفع فوق ويستوي تجديد هواء للفراغ مستمر ويشيل الحرارة المترسبة والمنتقلة في الفراغ فيستوي انقطاع في توصيل الحرارة من الحجر للطابوق .. لكن الأضمن وضع عازل وفيه نوعية تجي على شكل رول يتغطى بها وجه الطابوق الخارجي ناحية التجويف وهذا الرول سمكه حول 2 سم .. وتبقى مسافه في التجويف لو قدرتوا تخلونها 5 سم بيكون الفراغ زين لنظام التهوئة المذكور قبل .. وفي هالحالة بتحصلون عزل مضاعف.

شوفي موضوع تاجر مبتديء عن الحجر وطريقة تركيبه وبسهولة يقدرون يركبون في التجويف عازل... والتكلفة والله ما اعرفها بس أتوقع أكثرها شراء مواد والعازل ممكن يكون 10 ريالات للمتر المربع .. يعني معدل البيوت 1000 متر مربع كمسطح خارجي فبتطلع يمكن 10000 أو أكثر حسب نوعية العازل وسعره.

جزاك الله خير على التوضيح بس كأن البحر غزر علي .. ههههههه
انزين لو حابين نركب حجر على الواجهة بس وباقي الفيلا صبغ ..شلون يتركب العازل الرول على الحوايط ومن برا ولا داخل؟

[حسن]

مساء الخير يامعماري

مشكور على مجهودك الرائع وتقديم المساعده لاخوانا الاعضاء
بالنسبه لي العازل الحراري جدا مهم ويوفر في عمليه استهلاك الكهرباء
من خلال المكيفات
بيتي السابق كان طابوق العزل عندي السيبوركس السعودي
كان البيت عندي شغال الصبح على مكيف واحد او اثنين
وكان في الشتاء دافئ جدا
بيتي الحالي استخدمت العازل الطابوق بوفوم بس اشوفها
مش مثل السسيبوركس احس انه كان اكثر عزل للحراره والبروده
مع العلم ان بيتي ملبس حجر كامل السعودي

العازل ضروري للبيت وخصوصا عندنا في الخليج لكن اشوف كثير
من الناس ماتهتم فيها مع الداريش كلها يوبي في سي دبل قليز
يعطيك العافيه يامعماري قطر

[النهار]

من فتره طويله شاهدت عمارة كليوباتره عند اعادة الترميم والصيانه الكامله لهذه العماره شفت طريقه غريبه نوعا ما لما اشاهدها في اي بناء الاوهو وضع الواح مثل الفلين الابيض على جداران المبنى بالكامل وتثبيتها ومن ثم عمل البلستر من فوق هذالعازل سألت المهندس قال لي انه هذه الالواح تعزل الصوت والحراره وتمنع خروجها من الداخل

عندي مشكله في بيتي الشمس عموديه على سطح المنزل في الصيف من الشروق الي الغروب لازم مكيفات البيت تشتغل ليل نهار لو المكيف توقف ساعه كامله يلزمه اربع ساعات على الاقل لكي ترجع الحراره مقبوله والعكس في الشتاء بارد جدا لان الشمس تكون عموديه جهة حوش المنزل اي بمعني ان البيت الشمس في الصيف على المبني والشتاء على الحوش عندك حل لهذالموضوع حتى فكرت اعمل العازل على المنزل بالكامل سألت اكثر من شخص قالوا ماعندنا طريقه لعمل العازل على الاجناب